➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Ezekiel
Eze
10
→
[1]ואראה והנה אל הרקיע אשר על ראש הכרבים כאבן ספיר כמראה דמות כסא־נראה עליהם [No book]
[2]ויאמר אל האיש לבש הבדים ויאמר בא אל בינות לגלגל אל תחת לכרוב ומלא חפניך גחלי אש מבינות לכרבים וזרק על העיר ויבא לעיני [No book]
[3]והכרבים עמדים מימין לבית־בבאו האיש והענן מלא את החצר הפנימית [No book]
[4]וירם כבוד יהוה מעל הכרוב על מפתן הבית וימלא הבית את הענן והחצר מלאה את נגה כבוד יהוה [No book]
[5]וקול כנפי הכרובים־נשמע עד החצר החיצנה כקול אל שדי בדברו [No book]
[6]ויהי בצותו את האיש לבש הבדים לאמר קח אש מבינות לגלגל מבינות לכרובים ויבא ויעמד אצל האופן [No book]
[7]וישלח הכרוב את ידו מבינות לכרובים אל האש אשר בינות הכרבים וישא ויתן אל חפני לבש הבדים ויקח ויצא [No book]
[8]וירא לכרבים־תבנית יד אדם תחת כנפיהם [No book]
[9]ואראה והנה ארבעה אופנים אצל הכרובים־אופן אחד אצל הכרוב אחד ואופן אחד אצל הכרוב אחד ומראה האופנים כעין אבן תרשיש [No book]
[10]ומראיהם־דמות אחד לארבעתם כאשר יהיה האופן בתוך האופן [No book]
[11]בלכתם אל ארבעת רבעיהם ילכו־לא יסבו בלכתם כי המקום אשר יפנה הראש אחריו ילכו־לא יסבו בלכתם [No book]
[12]וכל בשרם וגבהם וידיהם וכנפיהם־והאופנים מלאים עינים סביב לארבעתם אופניהם [No book]
[13]לאופנים־להם קורא הגלגל באזני [No book]
[14]וארבעה פנים לאחד פני האחד פני הכרוב ופני השני פני אדם והשלישי פני אריה והרביעי פני נשר [No book]
[15]וירמו הכרובים־היא החיה אשר ראיתי בנהר כבר [No book]
[16]ובלכת הכרובים ילכו האופנים אצלם ובשאת הכרובים את כנפיהם לרום מעל הארץ לא יסבו האופנים גם הם מאצלם [No book]
[17]בעמדם יעמדו וברומם ירומו אותם כי רוח החיה בהם [No book]
[18]ויצא כבוד יהוה מעל מפתן הבית ויעמד על הכרובים [No book]
[19]וישאו הכרובים את כנפיהם וירומו מן הארץ לעיני בצאתם והאופנים לעמתם ויעמד פתח שער בית יהוה הקדמוני וכבוד אלהי ישראל עליהם מלמעלה [No book]
[20]היא החיה אשר ראיתי תחת אלהי ישראל־בנהר כבר ואדע כי כרובים המה [No book]
[21]ארבעה ארבעה פנים לאחד וארבע כנפים לאחד ודמות ידי אדם תחת כנפיהם [No book]
[22]ודמות פניהם־המה הפנים אשר ראיתי על נהר כבר מראיהם ואותם איש אל עבר פניו ילכו [No book]
Source: unbound.biola.edu
Top