➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Ezekiel
Eze
35
→
[1]ויהי דבר יהוה אלי לאמר [No book]
[2]בן אדם שים פניך על הר שעיר והנבא עליו [No book]
[3]ואמרת לו כה אמר אדני יהוה הנני אליך הר שעיר ונטיתי ידי עליך ונתתיך שממה ומשמה [No book]
[4]עריך חרבה אשים ואתה שממה תהיה וידעת כי אני יהוה [No book]
[5]יען היות לך איבת עולם ותגר את בני ישראל על ידי חרב־בעת אידם בעת עון קץ [No book]
[6]לכן חי אני נאם אדני יהוה כי לדם אעשך ודם ירדפך אם לא דם שנאת ודם ירדפך [No book]
[7]ונתתי את הר שעיר לשממה ושממה והכרתי ממנו עבר ושב [No book]
[8]ומלאתי את הריו חלליו גבעותיך וגיאותיך וכל אפיקיך חללי חרב יפלו בהם [No book]
[9]שממות עולם אתנך ועריך לא תישבנה [Q: תשובנה] וידעתם כי אני יהוה [No book]
[10]יען אמרך את שני הגוים ואת שתי הארצות לי תהיינה־וירשנוה ויהוה שם היה [No book]
[11]לכן חי אני נאם אדני יהוה ועשיתי כאפך וכקנאתך אשר עשיתה משנאתיך בם ונודעתי בם כאשר אשפטך [No book]
[12]וידעת כי אני יהוה שמעתי את כל נאצותיך אשר אמרת על הרי ישראל לאמר שממה [Q: שממו] לנו נתנו לאכלה [No book]
[13]ותגדילו עלי בפיכם והעתרתם עלי דבריכם אני שמעתי [No book]
[14]כה אמר אדני יהוה כשמח כל הארץ שממה אעשה לך [No book]
[15]כשמחתך לנחלת בית ישראל על אשר שממה־כן אעשה לך שממה תהיה הר שעיר וכל אדום כלה וידעו כי אני יהוה [No book]
Source: unbound.biola.edu
Top