|
|
| [1]Apparuit autem ei Dominus in convalle Mambre sedenti in ostio tabernaculi sui in ipso fervore diei. |
[No book] |
| [2]Cumque elevasset oculos, apparuerunt ei tres viri stantes prope eum: quos cum vidisset, cucurrit in occursum eorum de ostio tabernaculi, et adoravit in terram. |
[No book] |
| [3]Et dixit: Domine, si inveni gratiam in oculis tuis, ne transeas servum tuum: |
[No book] |
| [4]sed afferam pauxillum aquæ, et lavate pedes vestros, et requiescite sub arbore. |
[No book] |
| [5]Ponamque buccellam panis, et confortate cor vestrum: postea transibitis: idcirco enim declinastis ad servum vestrum. Qui dixerunt: Fac ut locutus es. |
[No book] |
| [6]Festinavit Abraham in tabernaculum ad Saram, dixitque ei: Accelera, tria sata similæ commisce, et fac subcinericios panes. |
[No book] |
| [7]Ipse vero ad armentum cucurrit, et tulit inde vitulum tenerrimum et optimum, deditque puero: qui festinavit et coxit illum. |
[No book] |
| [8]Tulit quoque butyrum et lac, et vitulum quem coxerat, et posuit coram eis: ipse vero stabat juxta eos sub arbore. |
[No book] |
| [9]Cumque comedissent, dixerunt ad eum: Ubi est Sara uxor tua? Ille respondit: Ecce in tabernaculo est. |
[No book] |
| [10]Cui dixit: Revertens veniam ad te tempore isto, vita comite, et habebit filium Sara uxor tua. Quo audito, Sara risit post ostium tabernaculi. |
[No book] |
| [11]Erant autem ambo senes, provectæque ætatis, et desierant Saræ fieri muliebria. |
[No book] |
| [12]Quæ risit occulte dicens: Postquam consenui, et dominus meus vetulus est, voluptati operam dabo? |
[No book] |
| [13]Dixit autem Dominus ad Abraham: Quare risit Sara, dicens: Num vere paritura sum anus? |
[No book] |
| [14]Numquid Deo quidquam est difficile? juxta condictum revertar ad te hoc eodem tempore, vita comite, et habebit Sara filium. |
[No book] |
| [15]Negabit Sara, dicens: Non risi, timore perterrita. Dominus autem: Non est, inquit, ita: sed risisti. |
[No book] |
| [16]Cum ergo surrexissent inde viri, direxerunt oculos contra Sodomam: et Abraham simul gradiebatur, deducens eos. |
[No book] |
| [17]Dixitque Dominus: Num celare potero Abraham quæ gesturus sum: |
[No book] |
| [18]cum futurus sit in gentem magnam, ac robustissimam, et benedicendæ sint in illo omnes nationes terræ? |
[No book] |
| [19]Scio enim quod præcepturus sit filiis suis, et domui suæ post se ut custodiant viam Domini, et faciant judicium et justitiam: ut adducat Dominus propter Abraham omnia quæ locutus est ad eum. |
[No book] |
| [20]Dixit itaque Dominus: Clamor Sodomorum et Gomorrhæ multiplicatus est, et peccatum eorum aggravatum est nimis. |
[No book] |
| [21]Descendam, et videbo utrum clamorem qui venit ad me, opere compleverint; an non est ita, ut sciam. |
[No book] |
| [22]Converteruntque se inde, et abierunt Sodomam: Abraham vero adhuc stabat coram Domino. |
[No book] |
| [23]Et appropinquans ait: Numquid perdes justum cum impio? |
[No book] |
| [24]si fuerint quinquaginta justi in civitate, peribunt simul? et non parces loco illi propter quinquaginta justos, si fuerint in eo? |
[No book] |
| [25]Absit a te ut rem hanc facias, et occidas justum cum impio, fiatque justus sicut impius, non est hoc tuum: qui judicas omnem terram, nequaquam facies judicium hoc. |
[No book] |
| [26]Dixitque Dominus ad eum: Si invenero Sodomis quinquaginta justos in medio civitatis, dimittam omni loco propter eos. |
[No book] |
| [27]Respondensque Abraham, ait: Quia semel cœpi, loquar ad Dominum meum, cum sim pulvis et cinis. |
[No book] |
| [28]Quid si minus quinquaginta justis quinque fuerint? delebis, propter quadraginta quinque, universam urbem? Et ait: Non delebo, si invenero ibi quadraginta quinque. |
[No book] |
| [29]Rursumque locutus est ad eum: Sin autem quadraginta ibi inventi fuerint, quid facies? Ait: Non percutiam propter quadraginta. |
[No book] |
| [30]Ne quæso, inquit, indigneris, Domine, si loquar: quid si ibi inventi fuerint triginta? Respondit: Non faciam, si invenero ibi triginta. |
[No book] |
| [31]Quia semel, ait, cœpi loquar ad Dominum meum: quid si ibi inventi fuerint viginti? Ait: Non interficiam propter viginti. |
[No book] |
| [32]Obsecro, inquit, ne irascaris, Domine, si loquar adhuc semel: quid si inventi fuerint ibi decem? Et dixit: Non delebo propter decem. |
[No book] |
| [33]Abiitque Dominus, postquam cessavit loqui ad Abraham: et ille reversus est in locum suum. |
[No book] |