|
|
| [1]Also the Lord seide to Noe, Entre thou and al thin hous in to the schip, for Y seiy thee iust bifore me in this generacioun. |
[1]Dixitque Dominus ad eum: Ingredere tu et omnis domus tua in arcam: te enim vidi justum coram me in generatione hac. |
| [2]Of alle clene lyuynge beestis thou schalt take bi seuene and bi seuene, male and female; forsothe of vnclene lyuynge beestis thou schalt take bi tweyne and bi tweyne, male and female; |
[2]Ex omnibus animantibus mundis tolle septena et septena, masculum et feminam: de animantibus vero immundis duo et duo, masculum et feminam. |
| [3]but also of volatils of heuene thou schalt take, bi seuene and bi seuene, male and female, that her seed be saued on the face of al erthe. |
[3]Sed et de volatilibus cæli septena et septena, masculum et feminam: ut salvetur semen super faciem universæ terræ. |
| [4]For yit and aftir seuene daies Y schal reyne on erthe fourti daies and fourti nyytis, and Y schal do awey al substaunce which Y made, fro the face of erthe. |
[4]Adhuc enim, et post dies septem ego pluam super terram quadraginta diebus et quadraginta noctibus: et delebo omnem substantiam, quam feci, de superficie terræ. |
| [5]Therfor Noe dide alle thingis whiche the Lord comaundide to hym. |
[5]Fecit ergo Noë omnia quæ mandaverat ei Dominus. |
| [6]And he was of sixe hundrid yeer, whanne the watris of the greet flood flowiden on erthe. |
[6]Eratque sexcentorum annorum quando diluvii aquæ inundaverunt super terram. |
| [7]And Noe entride in to the schip, and hise sones, and hise wijf, and the wyues of his sones, entriden with him for the watris of the greet flood. |
[7]Et ingressus est Noë et filii ejus, uxor ejus et uxores filiorum ejus cum eo in arcam propter aquas diluvii. |
| [8]And of lyuynge beestis clene and vnclene, and of briddis of heuene, and of ech beeste which is moued on erthe, |
[8]De animantibus quoque mundis et immundis, et de volucribus, et ex omni quod movetur super terram, |
| [9]bi tweyne and bi tweyne, male and female entriden to Noe in to the schip, as the Lord comaundide to Noe. |
[9]duo et duo ingressa sunt ad Noë in arcam, masculus et femina, sicut præceperat Dominus Noë. |
| [10]And whanne seuene daies hadden passid, the watris of the greet flood flowiden on erthe. |
[10]Cumque transissent septem dies, aquæ diluvii inundaverunt super terram. |
| [11]In the sixe hundrid yeer of the lijf of Noe, in the secunde moneth, in the seuententhe dai of the moneth, alle the wellis of the greet see weren brokun, and the wyndowis of heuene weren opened, |
[11]Anno sexcentesimo vitæ Noë, mense secundo, septimodecimo die mensis, rupti sunt omnes fontes abyssi magnæ, et cataractæ cæli apertæ sunt: |
| [12]and reyn was maad on erthe fourti daies and fourti nyytis. |
[12]et facta est pluvia super terram quadraginta diebus et quadraginta noctibus. |
| [13]In the ende of that dai Noe entride, and Sem, Cham, and Japheth, hise sones, his wijf, and the wyues of hise sones, entriden with hem into the schip. |
[13]In articulo diei illius ingressus est Noë, et Sem, et Cham, et Japheth filii ejus; uxor illius, et tres uxores filiorum ejus cum eis in arcam: |
| [14]Thei entriden, and ech beeste bi his kynde, and alle werk beestis in her kynde, and ech beeste which is moued on erthe in his kynde, and ech volatil bi his kynde; alle briddis and alle volatils entriden to Noe in to the schip, |
[14]ipsi et omne animal secundum genus suum, universaque jumenta in genere suo, et omne quod movetur super terram in genere suo, cunctumque volatile secundum genus suum, universæ aves, omnesque volucres, |
| [15]bi tweyne and bi tweyne of ech fleisch in whiche the spirit of lijf was. |
[15]ingressæ sunt ad Noë in arcam, bina et bina ex omni carne, in qua erat spiritus vitæ. |
| [16]And tho that entriden, entriden male and female of ech fleisch, as God comaundide to hym. And the Lord encloside hym fro with out-forth. |
[16]Et quæ ingressa sunt, masculus et femina ex omni carne introierunt, sicut præceperat ei Deus: et inclusit eum Dominus deforis. |
| [17]And the greet flood was maad fourti daies and fourti niytis on erthe, and the watris weren multiplied, and reiseden the schip on hiy fro erthe. |
[17]Factumque est diluvium quadraginta diebus super terram: et multiplicatæ sunt aquæ, et elevaverunt arcam in sublime a terra. |
| [18]The watris flowiden greetli, and filliden alle thingis in the face of erthe. Forsothe the schip was borun on the watris. |
[18]Vehementer enim inundaverunt, et omnia repleverunt in superficie terræ: porro arca ferebatur super aquas. |
| [19]And the watris hadden maistrie greetli on erthe, and alle hiye hillis vndur alle heuene weren hilid; |
[19]Et aquæ prævaluerunt nimis super terram: opertique sunt omnes montes excelsi sub universo cælo. |
| [20]the watyr was hiyere bi fiftene cubitis ouer the hilis whiche it hilide. |
[20]Quindecim cubitis altior fuit aqua super montes, quos operuerat. |
| [21]And ech fleisch was wastid that was moued on erthe, of briddis, of lyuynge beestis, of vnresonable beestis, and of alle `reptilis that crepen on erthe. |
[21]Consumptaque est omnis caro quæ movebatur super terram, volucrum, animantium, bestiarum, omniumque reptilium, quæ reptant super terram: universi homines, |
| [22]Alle men, and alle thingis in whiche the brething of lijf was in erthe, weren deed. |
[22]et cuncta, in quibus spiraculum vitæ est in terra, mortua sunt. |
| [23]And God dide awei al substaunce that was on erthe, fro man til to beeste, as wel a crepynge beeste as the briddis of heuene; and tho weren doon awei fro erthe. Forsothe Noe dwellide aloone, and thei that weren with hym in the schip. |
[23]Et delevit omnem substantiam quæ erat super terram, ab homine usque ad pecus, tam reptile quam volucres cæli: et deleta sunt de terra. Remansit autem solus Noë, et qui cum eo erant in arca. |
| [24]And the watris of the greet flood ouereyeden the erthe an hundrid and fifti daies. |
[24]Obtinueruntque aquæ terram centum quinquaginta diebus. |