Peshitta OT
Peshitta OT
➕
←
Hosea
Hos
3
→
[
1
]
ܘܐܸܡܲܪ
ܠܝܼ ܡܵܪܝܵܐ: ܬܘܼܒ̣ ܙܸܠ ܪܚܲܡ ܐܲܢ̄ܬ̇ܬ̣ܵܐ ܓܲܝܵܪܬܵܐ ܕܪܵܚ̇ܡܵܐ ܒܝܼ̈ܫܵܬ̣ܵܐ: ܐܲܝܟ ܕܲܪܚܸܡ ܡܵܪܝܵܐ ܠܲܒ̣ܢܲܝ̈ ܝܑܼܣܪܵܝܹܠ: ܘܗܸܢܘܿܢ ܐܸܬ̣ܦ̄ܢܝܼ ܒܵܬܲܪ ܐܲܠܵܗܹ̈ܐ ܐ̄ܚܪ̈ܵܢܹܐ: ܘܲܪܚܸܡ̣ܘ ܕܲܒ̇ܘܼܫܹ̈ܐ ܕܐܲܦ̮̈ܫܵܬ̣ܵܐ.
[
2
]
ܘܲܙܒܲܢ̇ܬܵܗ̇
ܠܝܼ ܒܚܲܡܫܲܥܸܣܪܵܐ ܕܲܟ̣ܣܸܦ: ܘܲܒ̣ܟ̣ܘܼܪ ܘܲܠܬܸܟ ܣܥܵܪ̈ܝܼܢ.
[
3
]
ܘܐܸܡ̇ܪܹܬ̣
ܠܵܗ̇ ܕܝܵܘ̈ܡܵܬ̣ܵܐ ܣܲܓ̇ܝܼ̈ܐܹܐ ܬܸܬ̇ܒ̣ܝܼܢ ܠܝܼ: ܠܵܐ ܬܙܲܢܹܝܢ: ܘܠܵܐ ܬܸܗܘܹܝܢ ܠܲܓ̣ܒܲܪ: ܘܐܸܢܵܐ ܐܸܗܘܹܐ ܠܘܵܬܹܟ̣ܝ.
[
4
]
ܡܸܛܠ
ܕܝܵܘ̈ܡܵܬ̣ܵܐ ܣܲܓ̇ܝܼ̈ܐܹܐ ܢܸܬ̇ܒ̣ܘܼܢ ܒܢܲܝ̈ ܝܑܼܣܪܵܝܹܠ: ܕܠܵܐ ܡܲܠܟܵܐ ܘܲܕܼܠܵܐ ܫܲܠܝܼܛܵܐ: ܘܲܕܼܠܵܐ ܕܸܒ̣ܚ̱ܬ̣ܵܐ: ܘܲܕܼܠܵܐ ܡܲܕܼܒ̇ܚܵܐ: ܘܲܕܼܠܵܐ ܠܵܒܹ̇ܫ ܐܵܦܘܿܕܹ̇ܐ: ܘܣܵܐܹ̇ܡ ܒܸܣܡܹ̈ܐ.
[
5
]
ܘܡ̣ܢ
ܒܵܬܲܪܟܸ̇ܢ ܢܸܬ̣ܦ̄ܢܘܿܢ ܒܢܲܝ̈ ܝܑܼܣܪܵܝܹܠ: ܘܢܸܒ̣ܥܘܿܢ ܠܡܵܪܝܵܐ ܐܲܠܵܗܗܘܿܢ: ܘܲܠܕܼܵܘܝܼܕܼ ܡܲܠܟ̇ܗܘܿܢ: ܘܢܸܕ̇ܥܘܼܢ ܠܡܵܪܝܵܐ ܘܲܠܛܲܝܒ̇ܘܼܬܹܗ ܒܝܵܘ̈ܡܵܬ̣ܵܐ ܐ̄ܚܪ̈ܵܝܹܐ.
Top