➖ »
«
➖ ➕
Vulgata Clementina (1592)
Vul
Peshitta NT (1905)
PesNT(1905)
←
Isaiah
Isa
12
→
[1]Et dices in die illa: Confitebor tibi, Domine, quoniam iratus es mihi; conversus est furor tuus, et consolatus es me. [No book]
[2]Ecce Deus salvator meus; fiducialiter agam, et non timebo: quia fortitudo mea et laus mea Dominus, et factus est mihi in salutem. [No book]
[3]Haurietis aquas in gaudio de fontibus salvatoris. [No book]
[4]Et dicetis in die illa: Confitemini Domino et invocate nomen ejus; notas facite in populis adinventiones ejus; mementote quoniam excelsum est nomen ejus. [No book]
[5]Cantate Domino, quoniam magnifice fecit; annuntiate hoc in universa terra. [No book]
[6]Exsulta et lauda, habitatio Sion, quia magnus in medio tui Sanctus Israël. [No book]
Source: unbound.biola.edu
Top