Peshitta OT
Peshitta OT
➕
←
Isaiah
Isa
4
→
[
1
]
ܘܢܹܐܚ̈ܕܵܢ
ܫܒܲܥ ܢܸܫ̈ܝܼܢ ܠܓܲܒ̣ܪܵܐ ܚܲܕ݂ ܒܝܵܘܡܵܐ ܗܵܘܿ. ܘܢܹܐܡܪ̈ܵܢ ܠܹܗ: ܠܲܚܡܲܢ ܢܹܐܟ݂ܘܿܠ: ܘܢܲܚ̈ܬܲܝܢ ܢܸܬ̣ܟܲܣܸܐ. ܒܲܠܚܘܿܕ݂ ܫܡܵܟ݂ ܢܸܬ̣ܩܪܸܐ ܥܠܲܝܢ: ܘܐܲܥܒܲܪ ܚܸܣܕܲܢ.
[
2
]
ܒܹܗ
ܒܝܵܘܡܵܐ ܗܵܘܿ: ܢܸܗܘܹܐ ܕܸܢܚܹܗ ܕܡܵܪܝܵܐ ܠܫܘܼܒ̣ܚܵܐ: ܘܠܐܝܼܩܵܪܵܐ. ܘܦܹܐܪܹ̈ܐ ܕܐܲܪܥܵܐ ܠܓܲܐܝܘܼܬ̣ܵܐ: ܘܲܠܫܘܼܒ̣ܚܵܐ: ܠܡܸܕܸ̇ܡ ܕܐܸܫܬ̇ܚܲܪ ܡ̣ܢ ܝܼܣܪܵܝܹܠ.
[
3
]
ܘܢܸܗܘܹܐ
ܡܲܢ ܕܡܸܫܬܲܚܲܪ ܒܨܸܗܝܘܿܢ: ܘܡܲܢ ܕܡܸܫܬܲܚܪ ܒܐܘܿܪܸܫܠܸܡ: ܩܲܕ̇ܝܼܫܵܐ ܢܸܬ̣ܩܪܸܐ: ܟܠ ܕܲܟ݂ܬ̣ܝܼܒ̣ ܒܐܘܿܪܸܫܠܸܡ ܠܚܲܝܹ̈ܐ.
[
4
]
ܘܲܢܫܝܼܓ̣
ܡܵܪܝܵܐ ܨܵܐܬ̣ܵܐ ܕܲܒ̣̈ܢܵܬ̣ ܨܸܗܝܘܿܢ. ܘܲܕ݂ܡܵܐ ܢܲܪܚܸܩ ܡ̣ܢ ܓܵܘܵܗ̇ ܕܐܘܿܪܸܫܠܸܡ: ܒܪܘܼܚܵܐ ܕܕ݂ܝܼܢܵܐ: ܘܲܒ̣ܪܘܼܚܵܐ ܝܲܩܝܼܕ̇ܬܵܐ.
[
5
]
ܘܢܸܒ̣ܪܸܐ
ܡܵܪܝܵܐ ܥܲܠ ܟܠܹܗ ܡܲܬ̣ܩܢܵܐ: ܠܛܘܼܪܵܐ ܕܨܸܗܝܘܿܢ ܥܲܠ ܚܕ݂ܵܪܹ̈ܝܗ̇: ܥܢܵܢܵܐ ܒܐܝܼܡܵܡܵܐ: ܘܬܸܢܵܢܵܐ ܘܙܲܗܪܵܐ ܕܫܲܠܗܹܒ̣ܝܼܬ̣ܵܐ ܕܢܘܼܪܵܐ ܒܠܸܠܝܵܐ. ܡܸܛܠ ܕܥܲܠ ܟܠ ܐܝܼܩܵܪ ܬܲܛܸܥ.
[
6
]
ܘܣܸܬܵܪܵܐ
ܢܸܗܘܹܐ ܠܛܸܠܵܠܵܐ ܕܝܵܘܡܵܐ ܡ̣ܢ ܫܵܘܒܵܐ: ܠܲܡܟܲܣܵܝܘܼ ܘܠܲܡܣܲܬܵܪܘܼ ܡ̣ܢ ܙܵܪܝܼܒ̣ܬܵܐ ܘܡ̣ܢ ܡܸܛܪܵܐ.
Top