|
|
| [1]Pronuntians itaque Eliu, etiam hæc locutus est: |
[No book] |
| [2]Audite, sapientes, verba mea: et eruditi, auscultate me. |
[No book] |
| [3]Auris enim verba probat, et guttur escas gustu dijudicat. |
[No book] |
| [4]Judicium eligamus nobis, et inter nos videamus quid sit melius. |
[No book] |
| [5]Quia dixit Job: Justus sum, et Deus subvertit judicium meum. |
[No book] |
| [6]In judicando enim me mendacium est, violenta sagitta mea absque ullo peccato. |
[No book] |
| [7]Quis est vir ut est Job, qui bibit subsannationem quasi aquam? |
[No book] |
| [8]qui graditur cum operantibus iniquitatem, et ambulat cum viris impiis? |
[No book] |
| [9]Dixit enim: Non placebit vir Deo, etiam si cucurrerit cum eo. |
[No book] |
| [10]Ideo, viri cordati, audite me: absit a Deo impietas, et ab Omnipotente iniquitas ! |
[No book] |
| [11]Opus enim hominis reddet ei, et juxta vias singulorum restituet eis. |
[No book] |
| [12]Vere enim Deus non condemnabit frustra, nec Omnipotens subvertet judicium. |
[No book] |
| [13]Quem constituit alium super terram? aut quem posuit super orbem quem fabricatus est? |
[No book] |
| [14]Si direxerit ad eum cor suum, spiritum illius et flatum ad se trahet. |
[No book] |
| [15]Deficiet omnis caro simul, et homo in cinerem revertetur. |
[No book] |
| [16]Si habes ergo intellectum, audi quod dicitur, et ausculta vocem eloquii mei: |
[No book] |
| [17]numquid qui non amat judicium sanari potest? et quomodo tu eum qui justus est in tantum condemnas? |
[No book] |
| [18]Qui dicit regi: Apostata; qui vocat duces impios; |
[No book] |
| [19]qui non accipit personas principum, nec cognovit tyrannum, cum disceptaret contra pauperum: opus enim manuum ejus sunt universi. |
[No book] |
| [20]Subito morientur, et in media nocte: turbabuntur populi, et pertransibunt, et auferent violentum absque manu. |
[No book] |
| [21]Oculi enim ejus super vias hominum, et omnes gressus eorum considerat. |
[No book] |
| [22]Non sunt tenebræ, et non est umbra mortis, ut abscondantur ibi qui operantur iniquitatem, |
[No book] |
| [23]neque enim ultra in hominis potestate est, ut veniat ad Deum in judicium. |
[No book] |
| [24]Conteret multos, et innumerabiles, et stare faciet alios pro eis. |
[No book] |
| [25]Novit enim opera eorum, et idcirco inducet noctem, et conterentur. |
[No book] |
| [26]Quasi impios percussit eos, in loco videntium: |
[No book] |
| [27]qui quasi de industria recesserunt ab eo, et omnes vias ejus intelligere noluerunt: |
[No book] |
| [28]ut pervenire facerent ad eum clamorem egeni, et audiret vocem pauperum. |
[No book] |
| [29]Ipso enim concedente pacem, quis est qui condemnet? ex quo absconderit vultum, quis est qui contempletur eum, et super gentes, et super omnes homines? |
[No book] |
| [30]Qui regnare facit hominem hypocritam propter peccata populi. |
[No book] |
| [31]Quia ergo ego locutus sum ad Deum, te quoque non prohibebo. |
[No book] |
| [32]Si erravi, tu doce me: si iniquitatem locutus sum, ultra non addam. |
[No book] |
| [33]Numquid a te Deus expetit eam, quia displicuit tibi? tu enim cœpisti loqui, et non ego: quod si quid nosti melius, loquere. |
[No book] |
| [34]Viri intelligentes loquantur mihi, et vir sapiens audiat me. |
[No book] |
| [35]Job autem stulte locutus est, et verba illius non sonant disciplinam. |
[No book] |
| [36]Pater mi, probetur Job usque ad finem: ne desinas ab homine iniquitatis: |
[No book] |
| [37]quia addit super peccata sua blasphemiam, inter nos interim constringatur: et tunc ad judicium provocet sermonibus suis Deum. |
[No book] |