➖ »
«
➖ ➕
Peshitta OT
PesOT
Epistle to the Laodiceans (English)
Lao[EN]
   
Malachi
Mal
1
→
[1]ܚܸܙܘܵܐ ܕܦܸܬ̣ܓ̣ܵܡܵܘ̈ܗܝ ܕܡܵܪܝܵܐ ܥܲܠ ܝܑܼܣܪܵܝܹܠ ܒܝܲܕ݂ ܡܲܠܲܐܟ݂ܝܼ. [No book]
[2]ܪܚܸܡ̇ܬ̇ܟ݂ܘܿܢ ܐܵܡܲܪ ܡܵܪܝܵܐ: ܘܐܵܡ̇ܪܝܼܢ ܐ̄ܢܬ̇ܘܿܢ ܒܡܵܢܵܐ ܪܚܸܡ̣ܬܵܢ: ܕܲܠܡܵܐ ܥܹܣܘܿ ܠܵܐ ܗܘ̤ܵܐ ܐܲܚܘܼܗܝ ܕܝܲܥܩܘܿܒ̣ ܐܵܡܲܪ ܡܵܪܝܵܐ: ܕܪܸܚܡܹ̇ܬ̣ ܠܝܲܥܩܘܿܒ̣: ܘܲܠܥܹܣܘܿ ܣܢܹ̇ܝܬ̣. [No book]
[3]ܥܸܒ̣ܕܹ̇ܬ̣ ܛܘܼܪ̈ܵܘܗܝ ܠܲܚܒ̣ܵܠܵܐ: ܘܝܵܪܬ̇ܘܼܬܹܗ ܠܕܲܝܪܹ̈ܐ ܕܡܲܕ݂ܒ̇ܪܵܐ. [No book]
[4]ܘܐܸܢ ܢܹܐܡܪܘܼܢ ܐܲܕ݂ܘܿܡܵܝܹ̈ܐ ܐܸܬ̣ܡܲܣܟܲܢ̄ܢ: ܢܸܗܦܘܿܟ݂ ܢܸܒ̣ܢܸܐ ܚܲܪ̈ܒ̣ܵܬ̣ܵܐ: ܗܵܟܲܢܵܐ ܐܵܡܲܪ ܡܵܪܝܵܐ: ܗܸܢ̣ܘܿܢ ܢܸܒ̣ܢܘܿܢ ܘܐܸܢܵܐ ܐܸܣܚܘܿܦ: ܘܢܸܩܪܘܿܢ ܐܸܢܘܿܢ ܬܚܘܼܡܵܐ ܕܲܚܛܝܼܬ̣ܵܐ: ܘܥܲܡܵܐ ܕܲܪܓܸܙ ܥܠܵܘܗܝ ܡܵܪܝܵܐ ܠܥܵܠܲܡ. [No book]
[5]ܘܥܲܝܢܲܝ̈ܟ̇ܘܿܢ ܢܸܚܙ̈ܝܵܢ: ܐܲܢ̄ܬ̇ܘܿܢ ܕܹܝܢ ܬܹܐܡܪܘܼܢ: ܢܹܐܪܲܒ̣ ܡܵܪܝܵܐ ܠܥܸܠ ܡ̣ܢ ܬܚܘܼܡܵܐ ܕܝܼܣܪܵܝܹܠ. [No book]
[6]ܒܪܵܐ ܡܝܲܩܲܪ ܠܐܲܒ̣ܘܼܗܝ ܘܥܲܒ̣ܕܵܐ ܠܡܵܪܹܗ: ܐܸܢ ܐܲܒ̣ܵܐ ܐ̄ܢܵܐ ܐܲܝܟܵܘ ܕܲܡܝܲܩܪܝܼܢ ܐ̄ܢܬ̇ܘܿܢ ܠܝܼ: ܘܐܸܢ ܡܵܪܝܵܐ ܐ̄ܢܵܐ ܐܲܝܟܵܐ ܗ̄ܘܼ ܕܕ݂ܵܚ̇ܠܝܼܢ ܐ̄ܢܬ̇ܘܿܢ ܡܹܢܝ: ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܠܟ݂ܘܿܢ ܟܵܗ̈ܢܹܐ ܕܒ̣ܵܙ̇ܝܼܢ ܐ̄ܢܬ̇ܘܿܢ ܫܹܡܝ: ܘܐܸܢ ܐܵܡ̇ܪܝܼܢ ܐ̄ܢܬ̇ܘܿܢ ܒܡܵܢܵܐ ܐܲܒܸ̇ܙܢ ܫܡܵܟ݂. [No book]
[7]ܥܲܠ ܕܲܡܩܲܪܒ̣ܝܼܢ ܐ̄ܢܬ̇ܘܿܢ ܥܲܠ ܡܲܕ݂ܒܲܚܝ ܠܲܚܡܵܐ ܛܲܢܦܵܐ: ܘܐܸܢ ܐܵܡ̇ܪܝܼܬ̇ܘܿܢ ܒܡܵܢܵܐ ܛܲܢܸܦܢܵܟ݂: ܒܕ݂ܵܐܡ̇ܪܝܼܢ ܐ̄ܢܬ̇ܘܿܢ ܕܫܝܼܛ ܗ̄ܘܼ ܦܵܬ̣ܘܿܪܹܗ ܕܡܵܪܝܵܐ. [No book]
[8]ܘܕܲܡܩܲܪܒ̣ܝܼܢ ܐ̄ܢܬ̇ܘܿܢ ܥܘܝܼܪܵܐ ܠܡܲܕ݂ܒ̇ܚܵܐ ܕܲܠܡܵܐ ܠܵܐ ܒܝܼܫ: ܘܕܲܡܩܲܪܒ̣ܝܼܢ ܐ̄ܢܬ̇ܘܿܢ ܚܓ̣ܝܼܪܵܐ ܘܲܟ݂ܪܝܼܗܵܐ: ܕܲܠܡܵܐ ܠܵܐ ܒܝܼܫ: ܩܲܪܸܒܲܝܗܝ ܢܹܐ ܠܫܲܠܝܼܛܵܟ݂: ܕܲܠܡܵܐ ܪܵܥܹ̇ܐ ܠܵܟ݂: ܐܵܘ ܢܵܣܹ̇ܒ̣ ܒܐܲܦܲܝ̈ܟ: ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. [No book]
[9]ܡܸܟܹ̇ܝܠ ܨܲܠܵܘ ܩܕ݂ܵܡ ܡܵܪܝܵܐ ܘܲܢܪܲܚܸܡ ܥܠܲܝܢ: ܕܒ̣ܐܝܼܕܲܝ̈ܟ̇ܘܿܢ ܗܘ̤ܵܬ̣ ܗܵܕܹܐ: ܠܵܐ ܐܸܣܲܒ̣ ܒܐܲܦܲܝ̈ܟ̇ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. [No book]
[10]ܡܲܢ̣ܘܼ ܐܝܼܬ̣ ܒܟ݂ܘܿܢ ܕܢܹܐܚܘܿܕ݂ ܬܲܪܥܝܼ: ܘܠܵܐ ܬܩܲܪܒ̣ܘܼܢ ܥܲܠ ܡܲܕ݂ܒܲܚܝ ܕܡܲܓܵܢ: ܠܵܐ ܨܵܒܹ̇ܐ ܐ̄ܢܵܐ ܒܟ݂ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܩܘܼܪܒܵܢܵܐ ܠܵܐ ܐܹܩܲܒܸ̇ܠ ܡܸܢܟ݂ܘܿܢ. [No book]
[11]ܡܸܛܠ ܕܡ̣ܢ ܡܲܕ݂ܢܵܚܵܘ̈ܗܝ ܕܫܸܡܫܵܐ ܘܲܥܕܲܡܵܐ ܠܡܲܥܪ̈ܵܒ̣ܘܼܗܝ: ܪܲܒ̇ ܗ̄ܘܼ ܫܹܡܝ ܒܥܲܡܡܹ̈ܐ: ܘܲܒ̣ܟ݂ܠ ܐܲܬܲܪ ܣܵܝ̇ܡܝܼܢ ܒܸܣܡܹ̈ܐ: ܘܲܡܩܲܪܒ̣ܝܼܢ ܠܫܹܡܝ ܩܘܼܪ̈ܒܵܢܹܐ ܕܟܲـ̈ـܝܵܐ: ܡܸܛܠ ܕܪܲܒ̇ ܗ̄ܘܼ ܫܹܡܝ ܒܥܲܡܡܹ̈ܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. [No book]
[12]ܘܐܲܢ̄ܬ̇ܘܿܢ ܡܛܲܢܦܝܼܬ̇ܘܿܢ ܠܹܗ: ܒܕ݂ܵܐܡ̇ܪܝܼܢ ܐ̄ܢܬ̇ܘܿܢ ܕܦܵܬ̣ܘܿܪܹܗ ܕܡܵܪܝܵܐ ܡܛܲܢܲܦ ܗ̄ܘܼ: ܘܫܝܼ̈ܛܵܢ ܐܸܢܹܝܢ ܡܹܐܟ݂̈ܠܵܬܹܗ. [No book]
[13]ܘܐܵܡ̇ܪܝܼܬ̇ܘܿܢ ܗܵܢܵܐ ܡ̣ܢ ܕܵܘܘܿܢܲܢ ܗ̄ܘܼ: ܘܢܸܦܚܹ̇ܬ̣ ܒܹܗ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܕܡܲܝܬܹ̇ܝܢ ܐ̄ܢܬ̇ܘܿܢ ܡ̣ܢ ܚܛܘܼܦܝܵܐ ܩܘܼܪ̈ܒܵܢܹܐ ܚܓܝܼܪܹ̈ܐ ܘܲܟ݂ܪ̈ܝܼܗܹܐ: ܠܵܐ ܡܩܲܒܸ̇ܠ ܐ̄ܢܵܐ ܠܗܘܿܢ ܡ̣ܢ ܐܝܼܕܲܝ̈ܟ̇ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. [No book]
[14]ܘܠܝܼܛ ܗ̄ܘܼ ܡܲܢ ܕܐܝܼܬ̣ ܠܹܗ ܒܲܓ̣ܙܵܪܹܗ ܕܸܟ݂ܪܵܐ: ܘܢܵܕܲܪ ܘܲܡܕܲܒܲܚ ܕܲܟ݂ܪܝܼܗ ܠܡܵܪܝܵܐ: ܡܸܛܠ ܕܡܲܠܟܵܐ ܐ̄ܢܵܐ ܪܲܒܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܫܹܡܝ ܕܚܝܼܠ ܒܥܲܡܡܹ̈ܐ. [No book]
 
Top