➕
←
Mark
Mar
10
→
[1]וקמ מנ תמנ ואתא לתחומא דיהוד לעברא דיורדננ ואזלו לתמנ לותה כנשׁא סגיאא ומלפ הוא להונ תוב איכ דמעד הוא [2]וקרבו פרישׁא מנסינ לה ומשׁאלינ דאנ שׁליט לגברא דנשׁבוק אנתתה [3]אמר להונ מנא פקדכונ מושׁא [4]הנונ דינ אמרינ מושׁא אפס לנ דנכתוב כתבא דשׁובקנא ונשׁרא [5]ענא ישׁוע ואמר להונ לוקבל קשׁיות לבכונ כתב לכונ פוקדנא הנא [6]מנ ברשׁית דינ דכרא ונקבתא עבד אנונ אלהא [7]מטל הנא נשׁבוק גברא לאבוהי ולאמה ונקפ לאנתתה [8]ונהוונ תריהונ חד בסר מכיל לא הוו תרינ אלא חד בסר [9]מדמ דאלהא הכיל זוג ברנשׁא לא נפרשׁ [10]ושׁאלוהי תוב תלמידוהי בביתא על הדא [11]ואמר להונ כל מנ דנשׁרא אנתתה ונסב אחרתא גאר [12]ואנ אנתתא תשׁרא בעלה ותהוא לאחרנא גירא [13]ומקרבינ הוו לה טליא דנקרוב להונ תלמידוהי דינ כאינ הוו בהלינ דמקרבינ להונ [14]ישׁוע דינ חזא ואתבאשׁ לה ואמר להונ שׁבוקו טליא אתינ לותי ולא תכלונ אנונ דדאילינ גיר דאיכ הלינ אנונ איתיה מלכותא דאלהא [15]אמינ אמר אנא לכונ דכל דלא נקבל מלכותא דאלהא איכ טליא לא נעול לה [16]ושׁקל אנונ על דרעוהי וסמ אידה עליהונ וברכ אנונ [17]וכד רדא באורחא רהט חד נפל על בורכוהי ומשׁאל הוא לה ואמר מלפנא טבא מנא אעבד דאתר חיא דלעלמ [18]אמר לה ישׁוע מנא קרא אנת לי טבא לית טבא אלא אנ חד אלהא [19]פוקדנא ידע אנת לא תגור לא תגנוב לא תקטול ולא תסהד סהדותא דגלתא לא תטלומ יקר לאבוכ ולאמכ [20]הו דינ ענא ואמר לה מלפנא הלינ כלהינ נטרת אנינ מנ טליותי [21]ישׁוע דינ חר בה ואחבה ואמר לה חדא חסירא לכ זל זבנ כל מדמ דאית לכ והב למסכנא ותהוא לכ סימתא בשׁמיא וסב צליבא ותא בתרי [22]הו דינ אתכמר במלתא הדא ואזל כד עייקא לה אית הוא לה גיר נכסא סגיאא [23]חר דינ ישׁוע בתלמידוהי ואמר להונ כמא עטלא לאילינ דאית להונ נכסא דנעלונ למלכותא דאלהא [24]תלמידא דינ מתדמרינ הוו על מלוהי וענא תוב ישׁוע ואמר להונ בני כמא עטלא לאילינ דתכילינ על נכסיהונ דנעלונ למלכותה דאלהא [25]פשׁיק הו לגמלא דנעול בחרורא דמחטא או עתירא למלכותה דאלהא למעל [26]הנונ דינ יתיראית מתדמרינ הוו ואמרינ ביניהונ מנו משׁכח למחא [27]חר דינ בהונ ישׁוע ואמר להונ לות בנינשׁא הדא לא משׁכחא אלא לות אלהא כל מדמ גיר משׁכחא לות אלהא [28]ושׁרי כאפא למאמר הא חננ שׁבקנ כל מדמ ונקפנכ [29]ענא ישׁוע ואמר אמינ אמר אנא לכונ דלית אנשׁ דשׁבק בתא או אחא או אחותא או אבא או אמא או אנתתא או בניא או קוריא מטלתי ומטל סברתי [30]ולא נקבל חד במאא השׁא בזבנא הנא בתא ואחא ואחותא ואמהתא ובניא וקוריא עמ רדופיא ובעלמא דאתא חיא דלעלמ [31]סגיאא דינ קדמיא דנהוונ אחריא ואחריא קדמיא [32]כד סלקינ הוו דינ באורחא לאורשׁלמ הו ישׁוע קדימ הוא להונ ומתדמרינ הוו ואזלינ בתרה כד דחילינ ודבר לתרעסרתה ושׁרי דנאמר להונ מדמ דעתיד דנהוא לה [33]דהא סלקינ חננ לאורשׁלמ וברה דאנשׁא משׁתלמ לרבי כהנא ולספרא ונחיבוניהי למותא ונשׁלמוניהי לעממא [34]ונבזחונ בה וננגדוניהי ונרקונ באפוהי ונקטלוניהי וליומא דתלתא נקומ [35]וקרבו לותה יעקוב ויוחננ בני זבדי ואמרינ לה מלפנא צבינ חננ דכל דנשׁאל תעבד לנ [36]אמר להונ מנא צבינ אנתונ אעבד לכונ [37]אמרינ לה הב לנ דחד נתב מנ ימינכ וחד מנ סמלכ בשׁובחכ [38]הו דינ אמר להונ לא ידעינ אנתונ מנא שׁאלינ אנתונ משׁכחינ אנתונ דתשׁתונ כסא דאנא שׁתא אנא ומעמודיתא דאנא עמד אנא תעמדונ [39]אמרינ לה משׁכחינ חננ אמר להונ ישׁוע כסא דשׁתא אנא תשׁתונ ומעמודיתא דאנא עמד אנא תעמדונ [40]דתתבונ דינ מנ ימיני ומנ סמלי לא הות דילי למתל אלא לאילינ דמטיבא [41]וכד שׁמעו עסרא שׁריו רטנינ על יעקוב ויוחננ [42]וקרא אנונ ישׁוע ואמר להונ ידעינ אנתונ דאילינ דמסתברינ רשׁא דעממא מריהונ אנונ ורורבניהונ שׁליטינ עליהונ [43]לא דינ הכנא נהוא בינתכונ אלא מנ דצבא בכונ דנהוא רבא נהוא לכונ משׁמשׁנא [44]ואינא מנכונ דצבא דנהוא קדמיא נהוא עבדא דכל אנשׁ [45]ואפ ברה גיר דאנשׁא לא אתא דנשׁתמשׁ אלא דנשׁמשׁ ודנתל נפשׁה פורקנא חלפ סגיאא [46]ואתו לאיריחו וכד נפק ישׁוע מנ איריחו הו ותלמידוהי וכנשׁא סגיאא טימי בר-טימי סמיא יתב הוא על יד אורחא וחדר [47]ושׁמע דישׁוע הו נצריא ושׁרי למקעא ולמאמר ברה דדויד אתרחמ עלי [48]וכאינ הוו בה סגיאא דנשׁתוק הו דינ יתיראית קעא הוא ואמר ברה דדויד אתרחמ עלי [49]וקמ ישׁוע ופקד דנקרוניהי וקראוהי לסמיא ואמרינ לה אתלבב קומ קרא לכ [50]הו דינ סמיא שׁדא לבשׁה וקמ אתא לות ישׁוע [51]אמר לה ישׁוע מנא צבא אנת אעבד לכ הו דינ סמיא אמר לה רבי דאחזא [52]וישׁוע אמר לה חזי הימנותכ אחיתכ ומחדא אתחזי לה ואזל הוא באורחא
 
Top