➖ »
«
➖ ➕
Aleppo Codex (~920)
Alep
Epistle to the Laodiceans (English)
Lao[EN]
←
Micah
Mic
2
→
[1]הוי חשבי און ופעלי רע על משכבותם באור הבקר יעשוה כי יש לאל ידם [No book]
[2]וחמדו שדות וגזלו ובתים ונשאו ועשקו גבר וביתו ואיש ונחלתו [No book]
[3]לכן כה אמר יהוה הנני חשב על המשפחה הזאת רעה אשר לא תמישו משם צוארתיכם ולא תלכו רומה־כי עת רעה היא [No book]
[4]ביום ההוא ישא עליכם משל ונהה נהי נהיה אמר שדוד נשדנו־חלק עמי ימיר איך ימיש לי לשובב שדינו יחלק [No book]
[5]לכן לא יהיה לך משליך חבל בגורל בקהל יהוה [No book]
[6]אל תטפו יטיפון לא יטפו לאלה לא יסג כלמות [No book]
[7]האמור בית יעקב הקצר רוח יהוה־אם אלה מעלליו הלוא דברי ייטיבו עם הישר הלך [No book]
[8]ואתמול עמי לאויב יקומם ממול שלמה אדר תפשטון מעברים בטח שובי מלחמה [No book]
[9]נשי עמי תגרשון מבית תענגיה מעל עלליה תקחו הדרי לעולם [No book]
[10]קומו ולכו כי לא זאת המנוחה בעבור טמאה תחבל וחבל נמרץ [No book]
[11]לו איש הלך רוח ושקר כזב אטף לך ליין ולשכר והיה מטיף העם הזה [No book]
[12]אסף אאסף יעקב כלך קבץ אקבץ שארית ישראל־יחד אשימנו כצאן בצרה כעדר בתוך הדברו תהימנה מאדם [No book]
[13]עלה הפרץ לפניהם־פרצו ויעברו שער ויצאו בו ויעבר מלכם לפניהם ויהוה בראשם [No book]
Source: unbound.biola.edu
Top