➖ »
«
➖ ➕
Aleppo Codex (~920)
Alep
The Didache
Didache
←
Micah
Mic
3
→
[1]ואמר שמעו נא ראשי יעקב וקציני בית ישראל הלוא לכם לדעת את המשפט [No book]
[2]שנאי טוב ואהבי רעה [Q: רע] גזלי עורם מעליהם ושארם מעל עצמותם [No book]
[3]ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת [No book]
[4]אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם [No book]
[5]כה אמר יהוה על הנביאים המתעים את עמי־הנשכים בשניהם וקראו שלום ואשר לא יתן על פיהם וקדשו עליו מלחמה [No book]
[6]לכן לילה לכם מחזון וחשכה לכם מקסם ובאה השמש על הנביאים וקדר עליהם היום [No book]
[7]ובשו החזים וחפרו הקסמים ועטו על שפם כלם כי אין מענה אלהים [No book]
[8]ואולם אנכי מלאתי כח את רוח יהוה ומשפט וגבורה־להגיד ליעקב פשעו ולישראל חטאתו [No book]
[9]שמעו נא זאת ראשי בית יעקב וקציני בית ישראל־המתעבים משפט ואת כל הישרה יעקשו [No book]
[10]בנה ציון בדמים וירושלם בעולה [No book]
[11]ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה [No book]
[12]לכן בגללכם ציון שדה תחרש וירושלם עיין תהיה והר הבית לבמות יער [No book]
Source: unbound.biola.edu
 Translation: Charles H. Hoole (1894)
Source: sacred-texts.com
Top