➖ »
«
➖ ➕
Aleppo Codex (~920)
Alep
Book of Jasher (1840)
Jas(1840)
←
Micah
Mic
5
→
[1]ואתה בית לחם אפרתה צעיר להיות באלפי יהודה־ממך לי יצא להיות מושל בישראל ומוצאתיו מקדם מימי עולם [No book]
[2]לכן יתנם עד עת יולדה ילדה ויתר אחיו ישובון על בני ישראל [No book]
[3]ועמד ורעה בעז יהוה־בגאון שם יהוה אלהיו וישבו כי עתה יגדל עד אפסי ארץ [No book]
[4]והיה זה שלום אשור כי יבוא בארצנו וכי ידרך בארמנותינו והקמנו עליו שבעה רעים ושמנה נסיכי אדם [No book]
[5]ורעו את ארץ אשור בחרב ואת ארץ נמרד בפתחיה והציל מאשור־כי יבוא בארצנו וכי ידרך בגבולנו [No book]
[6]והיה שארית יעקב בקרב עמים רבים כטל מאת יהוה כרביבים עלי עשב־אשר לא יקוה לאיש ולא ייחל לבני אדם [No book]
[7]והיה שארית יעקב בגוים בקרב עמים רבים כאריה בבהמות יער ככפיר בעדרי צאן־אשר אם עבר ורמס וטרף ואין מציל [No book]
[8]תרם ידך על צריך וכל איביך יכרתו [No book]
[9]והיה ביום ההוא נאם יהוה והכרתי סוסיך מקרבך והאבדתי מרכבתיך [No book]
[10]והכרתי ערי ארצך והרסתי כל מבצריך [No book]
[11]והכרתי כשפים מידך ומעוננים לא יהיו לך [No book]
[12]והכרתי פסיליך ומצבותיך מקרבך ולא תשתחוה עוד למעשה ידיך [No book]
[13]ונתשתי אשיריך מקרבך והשמדתי עריך [No book]
[14]ועשיתי באף ובחמה נקם־את הגוים אשר לא שמעו [No book]
[No book]
Source: unbound.biola.edu
 See information...
Top