➕
←
Psalms
Psa
112
→
[1]ܛܘܼܒ̣ܵܘܗܝ ܠܓܲܒ̣ܪܵܐ ܕܕ݂ܵܚܹܠ ܡ̣ܢ ܡܵܪܝܵܐ. [2]ܘܲܙܗܝܼܪ ܒܦܘܼܩܕܵܢܵܘ̈ܗܝ. [3]ܢܸܗܘܸܐ ܚܲܝܠ̱ܬ̣ܵܢ ܙܲܪܥܹܗ ܒܐܲܪܥܵܐ. [4]ܘܢܸܬ̣ܒܲܪܲܟ݂ ܒܕ݂ܵܪܵܐ ܕܙܲܕ̇ܝܼܩܹ̈ܐ. [5]ܩܸܢܝܵܢܵܐ ܘܥܘܼܬ̣ܪܵܐ ܢܸܣܓܸ̇ܐ ܒܒܲܝܬܹܗ. [6]ܘܙܲܕ̇ܝܼܩܘܼܬܹܗ ܬܩܘܼܡ ܠܥܵܠܲܡ. [7]ܕܢܲܚ̣ ܢܘܼܗܪܵܐ ܒܚܸܫܘܿܟ̣ܵܐ ܠܲܬ̣ܪ̈ܝܼܨܹܐ. [8]ܘܲܡܪܲܚܸܡ ܥܲܠ ܙܲܕ̇ܝܼܩܹ̈ܐ. [9]ܛܵܒ̣ܘܼ ܓܲܒ̣ܪܵܐ ܕܲܡܪܲܚܸܡ ܘܡܲܘܙܸܦ. [10]ܘܲܡܣܲܝܒܲܪ ܡܸܠܵܘ̈ܗܝ ܒܕ݂ܝܼܢܵܐ. [11]ܠܥܵܠܲܡ ܠܵܐ ܢܙܘܼܥ. [12]ܕܘܼܟ̣ܪܵܢܵܐ ܠܥܵܠܲܡ ܢܸܗܘܸܐ ܠܙܲܕ̇ܝܼܩܵܐ. [13]ܘܡ̣ܢ ܛܸܒܵܐ ܒܝܼܫܵܐ ܠܵܐ ܢܸܕ݂ܚܲܠ. [14]ܕܡܲܬ̣ܩܲܢ ܠܸܒܹ̇ܗ ܬܟ̣ܝܼܠ ܥܲܠ ܐܲܠܵܗܵܐ. [15]ܘܲܡܫܲܪܲܪ ܠܸܒܹ̇ܗ ܘܠܵܐ ܕܵܚܹ̇ܠ. [16]ܥܕܲܡܵܐ ܕܚܵܙܹ̇ܐ ܒܲܒ̣ܥܸܠܕ̇ܒ̣ܵܒ̣ܵܘ̈ܗܝ. [17]ܒܲܕܲܪ ܘܝܲܗ̄ܒ̣ ܠܒ̣ܵܝܫܹ̈ܐ. [18]ܘܙܲܕ̇ܝܼܩܘܼܬܹܗ ܩܲܝܵܡܵܐ ܠܥܵܠܲܡ ܥܵܠܡܝܼܢ. [19]ܘܩܲܪܢܹܗ ܬܸܬ̇ܪܝܼܡ ܒܫܘܼܒ̣ܚܵܐ. [20]ܥܲܘܵܠܵܐ ܢܸܚܙܸܐ ܘܢܸܪܓܲܙ. [21]ܘܫܸܢܵܘ̈ܗܝ ܢܚܲܪܸܩ ܘܢܸܬ̇ܕܲܠܲܚ. [22]ܘܪܸܓ̇ܬ̣ܵܐ ܕܪ̈ܲܫܝܼܥܹܐ ܬܹܐܒܲܕ݂.
 
Top