[1]ܐܸܠܘܼܠܵܐ ܡܵܪܝܵܐ ܕܩ̣ܵܡ ܠܲܢ. [2]ܢܹܐܡܲܪ ܝܼܣܪܵܝܹܠ ܕܐܸܠܘܼܠܵܐ ܡܵܪܝܵܐ ܕܩ̣ܵܡ ܠܲܢ. [3]ܟܲܕ݂ ܩܵܡ̣ܘ ܥܠܲܝܢ ܒܢܲܝ̈ܢܵܫܵܐ. [4]ܚܲܝܲܬ̣ ܒܵܠ̇ܥܝܼܢ ܗ̄ܘ̣ܵܘ ܠܲܢ. [5]ܟܲܕ݂ ܐܸܬ̣ܚܲܡܲܬ̣ ܪܘܼܓ̣ܙܗܘܿܢ ܥܠܲܝܢ. [6]ܒܡܲܝ̈ܵܐ ܡܛܲܒ̇ܥܝܼܢ ܗ̄ܘ̣ܵܘ ܠܲܢ. [7]ܪܓܸܠܬ̣ܵܐ ܥܸܒ̣ܪܲܬ݀ ܥܲܠ ܢܲܦ̮ܫܲܢ. [8]ܘܡܲܝ̈ܵܐ ܣܲܓ̇ܝܼ̈ܐܹܐ ܥܒܲܪܘ ܥܲܠ ܢܲܦ̮ܫܲܢ. [9]ܒܪܝܼܟ̣ܘܼ ܡܵܪܝܵܐ ܕܠܵܐ ܝܲܗ̄ܒܲܢ ܡܹܐܟ̣ܘܼܠܬܵܐ ܠܫܸܢܲܝ̈ܗܘܿܢ. [10]ܢܲܦ̮ܫܲܢ ܐܲܝܟ݂ ܨܸܦܪܵܐ ܐܸܬ̣ܦܲܠܛܲܬ݀ ܡ̣ܢ ܦܲܚܵܐ ܕܨܲܝܵܕ݂ܵܐ. [11]ܦܲܚܵܐ ܐܸܬ̇ܬ̇ܒܲܪ ܘܲܚܢܲܢ ܐܸܬ̣ܦܲܨܝܼܢ. [12]ܥܘܼܕ݂ܪܵܢܲܢ ܒܲܫܡܹܗ ܕܡܵܪܝܵܐ. [13]ܗܵܘܿ ܕܲܥܒܲܕ݂ ܫܡܲܝܵܐ ܘܐܲܪܥܵܐ.
 
Top