[1]ܕܘܼܢ ܠܝܼ ܡܵܪܝܵܐ ܡܸܛܠ ܕܐܸܢܵܐ ܒܬܲܡܝܼܡܘܼܬ̣ܝ ܗܲܠܟܹܬ̣. [2]ܒܡܵܪܝܵܐ ܣܲܒ̇ܪܹܬ̣ ܠܵܐ ܐܹܙܘܼܥ. [3]ܒܚܘܿܪܲܝܢܝ ܡܵܪܝܵܐ ܘܢܲܣܵܢܝ. [4]ܘܲܒ̣ܩܝܼ ܟܘܿܠ̈ܝܵܬ̣ܝ ܘܠܹܒ̇ܝ. [5]ܡܸܛܠ ܕܪ̈ܲܚܡܲܝܟ ܠܘܼܩܒܲܠ ܥܲܝ̈ܢܲܝ. [6]ܗܲܠܟܹܬ̣ ܒܗܲܝܡܵܢܘܼܬ̣ܵܐ. [7]ܘܠܵܐ ܝܸܬ̣ܒܹ̇ܬ̣ ܥܲܡ ܒܝܼܫܹ̈ܐ. [8]ܘܥܲܡ ܫܵܛܲܝ̈ܵܐ ܠܵܐ ܥܸܠܹܬ̣. [9]ܣܢܹܝܬ̣ ܟܢܘܼܫܬܵܐ ܕܒ̣ܝܼܫܹ̈ܐ. [10]ܘܥܲܡ ܪ̈ܲܫܝܼܥܹܐ ܠܵܐ ܝܸܬ̣ܒܹ̇ܬ̣. [11]ܐܲܫܝܼܓܹܬ̣ ܕܲܟ̣ܝܵܐܝܼܬ̣ ܐܝܼ̈ܕܲܝ. [12]ܘܐܸܬ̣ܟܲܪܟܹ̇ܬ̣ ܠܡܲܕ݂ܒ̇ܚܵܟ݂ ܡܵܪܝܵܐ. [13]ܕܐܲܫܡܲܥ ܩܵܠܹܗ ܕܫܘܼܒ̣ܚܵܟ݂. [14]ܘܐܸܫܬܲܥܸܐ ܟܠܗܹܝܢ ܬܸܕ݂ܡܪ̈ܵܬ̣ܵܟ݂. [15]ܡܵܪܝܵܐ ܪܸܚܡܹ݁ܬ̣ ܬܸܫܡܸܫܬܹܗ ܕܒܲܝܬܵܟ݂. [16]ܘܐܲܬ̣ܪܵܐ ܕܡܲܫܪ̱ܝܹܗ ܕܫܘܼܒ̣ܚܵܟ݂. [17]ܠܵܐ ܬܲܘܒܸ̇ܕܲܝܢܝ ܥܲܡ ܚܲܛܵܝܹ̈ܐ. [18]ܘܥܲܡ ܓܲܒ̣ܪܹ̈ܐ ܕܲܕ݂ܡܵܐ ܚܲܝܲܝ̈. [19]ܕܒ̣ܐܝܼܕ݂ܗܘܿܢ ܢܸܟ̣ܠܵܐ ܘܝܲܡܝܼܢܗܘܿܢ ܡܲܠܝܵܐ ܫܘܼܚܕܵܐ. [20]ܐܸܢܵܐ ܕܹܝܢ ܒܬܲܡܝܼܡܘܼܬ̣ܝ ܗܲܠܟܹܬ̣. [21]ܦܪܘܿܩܲܝܢܝ ܘܪܲܚܸܡܥܠܲܝ. [22]ܪܸܓ̣ܠ̱ܝ ܩܵܡܲܬ̤ ܒܲܬ̣ܪܝܼܨܘܼܬ̣ܵܐ. [23]ܘܲܒ̣ܥܹܕ̄ܬܵܐ ܐܹܒܲܪܸܟ݂ ܠܡܵܪܝܵܐ.
 
Top