➕
←
Psalms
Psa
48
→
[1]ܪܲܒܘܼ ܡܵܪܲܢ ܘܲܡܫܲܒܲܚ ܪܲܘܪܒ̣ܵܐܝܼܬ̣. [2]ܒܲܩܪܝܼܬܹܗ ܕܐܲܠܵܗܲܢ. [3]ܘܲܒ̣ܛܘܼܪܹܗ ܩܲܕܝܼܫܵܐ ܘܲܡܫܲܒ̇ܚܵܐ. [4]ܚܲܕ݂ܘܼܬ̣ܵܐ ܒܟ̣ܠܵܗ̇ ܐܲܪܥܵܐ. [5]ܛܘܼܪܵܐ ܕܨܸܗܝܘܿܢ ܕܒܲܫܦܘܿܠܲܝ̈ ܓܲܪܒ̇ܝܵܐ. [6]ܩܪܝܼܬܹܗ ܗ̄ܝ̣ ܕܡܲܠܟܵܐ ܪܲܒܵܐ. ܕܗܘ݀ ܢܕܲܒ̇ܪܲܢ ܠܥܸܠ ܡ̣ܢ ܡܲܘܬܵܐ. [7]ܐܲܠܵܗܵܐ ܒܣܵܚܖ̈ܵܬ̣ܵܗ̇ ܡܲܘܕܲܥ ܥܘܼܫܢܹܗ. [8]ܡܸܛܠ ܕܗܵܐ ܡܲܠ̈ܟܹ̇ܐ ܐܸܬ̇ܛܲܝܲܒ̣ܘ ܘܲܥܒܲܪ݂ܘ ܐܲܟ̣ܚ̄ܕ݂ܵܐ. [9]ܗܸܢܘܿܢ ܚܙ݂ܵܘ ܘܲܬ̣ܡܲܗ݂ܘ ܘܙܵܥ݂ܘ ܘܲܪܬܹܝܬ̣ܵܐ ܐܸܚܲܕ݂ ܐܸܢܘܿܢ. [10]ܘܚܸܒ̣ܠܹ̈ܐ ܐܲܝܟ݂ ܕܝܵܠܹܕ̇ܬܵܐ. [11]ܒܪܘܼܚܵܐ ܥܲܫܝܼܢܬܵܐ ܢܸܬ̇ܬܲܒ̇ܖ̈ܵܢ ܐܸܠܦܹ̈ܐ ܕܬܲܪܫܝܼܫ. [12]ܐܲܝܟ݂ ܕܲܫܡܲܥܢ ܗܵܟܲܢܵܐ ܚ݂ܙܲܝܢ. [13]ܒܲܩܪܝܼܬܹܗ ܕܡܵܪܝܵܐ ܚܲܝܠ̱ܬ̣ܵܢܵܐ. [14]ܒܲܩܪܝܼܬܹܗ ܕܐܲܠܵܗܲܢ. [15]ܐܲܠܵܗܵܐ ܢܲܬ̣ܩܢܝܼܗ̇ ܥܕܲܡܵܐ ܠܥܵܠܲܡ. [16]ܣܲܒܲܪܢ ܐܲܠܵܗܵܐ ܠܛܲܝܒ̇ܘܼܬ̣ܵܟ݂ ܒܓ̣ܵܘܹܗ ܕܗܲܝܟ̇ܠܵܟ݂. [17]ܐܲܝܟ݂ ܫܡܵܟ݂ ܐܲܠܵܗܵܐ ܗܵܟܲܢܵܐ ܬܸܫ̈ܒܚܵܬ̣ܵܟ݂. [18]ܥܕܲܡܵܐ ܠܣܲܘܦܹ̈ܝܗ̇ ܕܐܲܪܥܵܐ ܙܲܕܝܼܩܘܼܬ̣ܵܐ ܡܲܠܝܵܐ ܝܲܡܝܼܢܵܟ݂. [19]ܢܸܚܕܸ̇ܐ ܛܘܼܪܵܐ ܕܨܸܗܝܘܿܢ ܘܲܢܕ݂ܘܼ̈ܨܵܢ ܒ̈ܢܵܬ̣ ܝܼܗܘܼܕ݂ܵܐ. [20]ܡܸܛܠ ܕܝܼܢܲܝ̈ܟ ܡܵܪܝܵܐ. [21]ܐܸܬ̣ܟ̇ܘܼܪܟ̇ܘܼܗ̇ ܠܨܸܗܝܘܿܢ ܘܚܘܼܕ݂ܪܘܼܗ̇ ܘܲܡܢܵܘ ܡܲܓ̣ܕ̇ܠܹܝ̈ܗ̇. [22]ܣܝܼܡܘ ܠܸܒ̇ܟ̣ܘܿܢ ܥܲܠ ܚܲܝܠܵܗ̇ ܘܲܥܩܘܿܪܘ ܣܵܚܖ̈ܵܬ̣ܵܗ̇. [23]ܕܬܸܫܬܲܥܘܿܢ ܠܕ݂ܵܪܵܐ ܐ̄ܚܪܹܢܵܐ. [24]ܕܗܵܢܵܘ ܐܲܠܵܗܵܐ ܐܲܠܵܗܲܢ. [25]ܠܥܵܠܲܡ ܘܲܠܥܵܠܲܡ ܥܵܠܡܝܼܢ.
 
Top