➕
←
Psalms
Psa
75
→
[1]ܐܲܘܕ̇ܝܼܢܲܢ ܠܵܟ݂ ܐܲܠܵܗܵܐ. [2]ܐܲܘܕ̇ܝܼܢܲܢ ܠܵܟ݂ ܘܲܩ̣ܪܲܝܢ ܫܡܵܟ݂. [3]ܘܐܸܫܬܲܥܝܼܢ ܟܠܗܹܝܢ ܬܸܕ݂ܡ̱ܪ̈ܵܬ̣ܵܟ݂. [4]ܡܸܛܠ ܕܐܸܣܲܒ̣ ܙܲܒ̣ܢܵܐ ܘܐܸܢܵܐ ܒܲܬ̣ܪܝܼܨܘܼܬ̣ܵܐ ܐܹܕ̇ܘܼܢ. [5]ܬܸܬ̣ܡܲܟܲܟ݂ ܐܲܪܥܵܐ ܘܟ̣ܠܗܘܿܢ ܥܵܡܘܿܪܹ̈ܝܗ̇. [6]ܐܲܢ̄ܬ̇ ܬܲܩܸܢܬ̇ ܠܥܵܡܘܿܪܹ̈ܝܗ̇. [7]ܐܲܢ̄ܬ̇ ܐܸܡܲܪ݂ܬ̇ ܠܫܵܛܲܝ̈ܵܐ ܕܠܵܐ ܬܸܫܛܘܼܢ. [8]ܘܲܠܪ̈ܲܫܝܼܥܹܐ ܕܠܵܐ ܬܪܝܼܡܘܼܢ ܩܲܪܢܵܐ. [9]ܘܠܵܐ ܬܪܝܼܡܘܼܢ ܠܲܡܪܲܘܡܵܐ ܩܲܪܢ̱ܟ̣ܘܿܢ. [10]ܘܲܬ̣ܡܲܠܠܘܼܢ ܒܨܲܘܪܵܐ ܪܵܡܵܐ. [11]ܡܸܛܠ ܕܠܵܐ ܡܲܦܩܵܐ ܡ̣ܢ ܡܲܥܪ̱ܒ̣ܵܐ. [12]ܘܐܵܦܠܵܐ ܡ̣ܢ ܡܲܕ݂ܒܪܵܐ ܕܛܘܼܪܹ̈ܐ. [13]ܡܸܛܠ ܕܐܲܠܵܗܵܐ ܗ̄ܘ̣ ܕܲܝܵܢܵܐ. [14]ܠܗܵܢܵܐ ܡܫܲܦܸܠ ܘܲܠܗܵܢܵܐ ܡܪܝܼܡ. [15]ܡܸܛܠ ܕܟ̣ܵܣܵܐ ܒܐܝܼܕܹܗ ܕܡܵܪܝܵܐ. [16]ܘܲܡܠܸܐ ܡܙܵܓ̣ܵܐ ܕܚܲܡܪܵܐ ܬܛܝܼܪܵܐ. [17]ܐܲܪܟܸ̇ܢ ܡ̣ܢ ܗܵܢܵܐ ܠܗܵܢܵܐ. [18]ܬܸܛܪܹܗ ܢܲܡܨܘܼܢ ܘܢܸܫܬ̇ܘܿܢ ܟܠܗܘܿܢ ܪ̈ܲܫܝܼܥܹܐ ܕܐܲܪܥܵܐ. [19]ܘܐܸܢܵܐ ܐܸܚܸܐ ܠܥܵܠܲܡ. [20]ܘܐܸܙܡܲܪ ܠܐܲܠܵܗܹܗ ܕܝܲܥܩܘܿܒ̣. [21]ܟܠܗܹܝܢ ܩܲܪ̈ܢܵܬ̣ܵܐ ܕܪ̈ܲܫܝܼܥܹܐ ܐܹܓܲܕܸ̇ܡ. [22]ܘܢܸܬ̇ܬ̇ܪ̈ܝܼܡܵܢ ܩܲܪ̈ܢܵܬ̣ܗܘܿܢ ܕܙܲܕ̇ܝܼܩܹ̈ܐ.
 
Top