➕
←
Psalms
Psa
79
→
[1]ܐܲܠܵܗܵܐ ܥܲܠ ܥܲܡܡܹ̈ܐ ܠܝܵܪܬ̇ܘܼܬ̣ܵܟ݂. [2]ܘܛܲܡܐܘܼܗܝ ܠܗܲܝܟ̇ܠܵܟ݂ ܩܲܕ̇ܝܼܫܵܐ. [3]ܘܥܲܒ̣ܕ̇ܘܼܗ̇ ܠܐܘܿܪܸܫܠܸܡ ܚܲܪܒ̇ܬ̣ܵܐ. [4]ܝܲܗ݂̄ܒ̣ܘ ܫ̈ܠܲܕܹ̇ܐ ܕܥܲܒ̣ܕܲܝ̈ܟ ܡܹܐܟ̣ܘܼܠܬܵܐ ܠܦܵܪܲܚܬ̣ܵܐ ܕܲܫܡܲܝܵܐ. [5]ܘܒܸܣܪܵܐ ܕܙܲܕ̇ܝܼܩܲܝ̈ܟ ܠܚܲܝܘ̱ܬ̣ܵܐ ܕܐܲܪܥܵܐ. [6]ܐܸܫܲܕ݂ܘ ܕܸܡܗܘܿܢ ܐܲܝܟ݂ ܡܲܝ̈ܵܐ ܚܕ݂ܵܪܹܝܗ̇ ܕܐܘܿܪܸܫܠܸܡ ܘܠܲܝܬ̇ ܕܩܵܒܲܪ. [7]ܗ݀ܘܲܝܢ ܚܸܣܕܵܐ ܠܲܫܒ̣ܵܒܲܝ̈ܢ. [8]ܘܡܘܼܝܵܩܵܐ ܘܒ̣ܘܼܙܵܚܵܐ ܠܐܲܝܠܹܝܢ ܕܲܚܕ݂ܵܪܲܝܢ ܐܸܢܘܿܢ. [9]ܥܕܲܡܵܐ ܠܐܸܡܲܬ̣ܝ ܪܵܓܸܙ݁ ܐܲܢ̄ܬ̇ ܡܵܪܝܵܐ. [10]ܘܝܵܩܸܕ݂ ܐܲܝܟ݂ ܢܘܼܪܵܐ ܪܘܼܓ̣ܙܵܟ݂. [11]ܐܲܫܘܿܕ݂ ܪܘܼܓ̣ܙܵܟ݂ ܥܲܠ ܥܲܡܡܹ̈ܐ ܐܲܝܠܹܝܢ ܕܠܵܐ ܝܲܕ݂ܥܘܼܟ݂. [12]ܘܥܲܠ ܡܲܠ̈ܟ̇ܘܵܬ̣ܵܐ ܐܲܝܠܹܝܢ ܕܒܲܫܡܵܟ݂ ܠܵܐ ܩܪ̈ܲܝ. [13]ܡܸܛܠ ܕܐܲܟ̣ܠܘܼܗܝ ܠܝܲܥܩܘܿܒ̣ ܘܲܠܕܲܝܪܹܗ ܚܪ݂ܲܒ̣ܘ. [14]ܠܵܐ ܬܸܬ̇ܕ̇ܟܲܪ ܠܲܢ ܚܛܵܗܲܝ̈ܢ ܩܲܕ݂ܡܵܝܹ̈ܐ. [15]ܒܲܥܓܲܠ ܢܩܲܕ̇ܡܘܼܢܵܢ ܪ̈ܲܚܡܲܝܟ. [16]ܡܸܛܠ ܕܐܸܬ̣ܡܲܟܲܟ̣ܢ ܛܵܒ̣. [17]ܥܲܕܲܪܲܝܢ ܐܲܠܵܗܵܐ ܦܵܪܘܿܩܲܢ. [18]ܡܸܛܠ ܐܝܼܩܵܪܵܐ ܕܲܫܡܵܟ݂. [19]ܚܲܣܵܢ ܘܦܲܨܵܢ ܡ̣ܢ ܚܛܵܗܲܝ̈ܢ ܡܸܛܠ ܫܡܵܟ݂. [20]ܕܠܵܐ ܢܹܐܡܪܘܼܢ ܥܲܡܡܹ̈ܐ ܐܲܝܟܵܘ ܐܲܠܵܗܗܘܿܢ. [21]ܬܸܬ̣ܝܼܕܲܥ ܒܥܲܡܡܹ̈ܐ ܠܥܹܢܲܝܢnote>ܠܥܹܝ̈ܢܲܝܢ. ܚܲܬ̇ܝܼܬ̣. [22]ܬܒܲܥܬ̣ܵܐ ܕܲܕ݂ܡܵܐ ܕܥܲܒ̣ܕܲܝ̈ܟ ܕܐܸܬ̣ܐ̱ܫܸܕ݂. [23]ܬܸܥܘܿܠ ܩܕ݂ܵܡܲܝܟ ܐܸܢܲܩܬܹܗ ܕܐܲܣܝܼܪܵܐ. [24]ܒܪܲܒ̇ܘܼܬ̣ܵܐ ܕܲܕ݂ܪܵܥܵܟ݂ ܫܪܝܼ ܒܢܲܝ̈ܵܐ ܡ̣ܢ ܡܲܘܬܵܐ. [25]ܘܲܦܪܘܿܥ ܠܲܫܒ̣ܵܒܲܝ̈ܢ ܚܲܕ݂ ܒܫܲܒ̣ܥܵܐ ܒܥܘܼܒ̇ܗܘܿܢ. [26]ܚܸܣܕܵܐ ܕܚܲܣܕ̇ܘܼܟ݂ ܡܵܪܝܵܐ. [27]ܘܲܚܢܲܢ ܥܲܡܵܟ݂ ܘܥܵܢ̈ܵܐ ܕܡܲܪܥܝܼܬ̣ܵܟ݂. [28]ܢܲܘܕܸ̇ܐ ܠܵܟ݂ ܠܥܵܠܲܡ. [29]ܘܲܠܕ݂ܵܪܕܵܪ̈ܝܼܢ ܢܸܫܬܲܥܸܐ ܬܸܕ݂ܡ̱ܪ̈ܵܬ̣ܵܟ݂.
 
Top