➕
←
Psalms
Psa
95
→
[1]ܬܵܘ ܢܫܲܒܲܚ ܠܡܵܪܝܵܐ. [2]ܘܢܸܙܡܲܪ ܠܐܲܠܵܗܲܢ ܦܵܪܘܿܩܵܐ. [3]ܢܩܲܕܸ̇ܡ ܐܲܦܵܘ̈ܗܝ ܒܬܲܘܕ̇ܝܼܬ̣ܵܐ. [4]ܘܒܲܙܡܝܼܪ̈ܵܬ̣ܵܐ ܢܫܲܒ̇ܚܝܼܘܗܝ. [5]ܡܸܛܠ ܕܐܲܠܵܗܵܐ ܗ̄ܘ̣ ܪܲܒܵܐ ܡܵܪܝܵܐ. [6]ܡܲܠܟܵܐ ܕܪܲܒ̇ ܥܲܠ ܟܠܗܘܿܢ ܐܲܠܵܗܹ̈ܐ. [7]ܕܒ̣ܐܝܼܕ݂ܵܘ̈ܗܝ ܐܸܢܹܝܢ ܫܲܬ̣ܐܸܣܹܝ̈ܗ̇ ܕܐܲܪܥܵܐ ܘܪܲܘܡܵܐ ܕܛܘܼܪܹ̈ܐ. [8]ܕܝܼܠܹܗ ܗܘ݀ ܝܲܡܵܐ ܘܗܘ݀ ܥܲܒ̣ܕܹ̇ܗ. [9]ܘܝܲܒ̇ܝܼܫܬܵܐ ܐܝܼܕ݂ܵܘ̈ܗܝ ܓܒܲܠ̣. [10]ܬܵܘ ܢܸܒ̣ܪܘܿܟ݂ ܘܢܸܣܓ̇ܘܿܕ݂ ܠܹܗ. [11]ܘܲܢܒܲܪܟ̣ܝܼܘܗܝ ܠܡܵܪܝܵܐ ܕܥܲܒ̣ܕܲܢ. [12]ܡܸܛܠ ܕܗܘ݀ܝܘܼ ܐܲܠܵܗܲܢ. [13]ܘܲܚܢܲܢ ܥܲܡܵܐ ܕܝܼܠܹܗ ܘܥܵܢ̈ܵܐ ܕܡܲܪܥܝܼܬܹܗ. [14]ܝܲܘܡܵܢܵܐ ܐܸܢ ܒܩܵܠܹܗ ܬܸܫܡ̱ܥܘܼܢ. [15]ܠܵܐ ܬܩܲܫܘܿܢ ܠܸܒܵܘ̈ܵܬ̣ܟ̣ܘܿܢ ܠܡܲܪܓܵܙܘܼܬܹܗ. [16]ܐܲܝܟ݂ ܡܡܲܪܡ̱ܪ̈ܵܢܹܐ ܘܐܲܝܟ݂ ܝܲܘܡܵܐ ܕܢܸܣܝܘܿܢܵܐ ܕܲܒ̣ܡܲܕ݂ܒ̇ܪܵܐ. [17]ܕܢܲܣܝܘܼܢܝ ܐܲܒ̣ܵܗܲܝ̈ܟ̇ܘܿܢ. [18]ܘܲܒ̣ܩܵܘ݂ ܘܲܚܙ݂ܵܘ ܥܒ̣ܵܕܲܝ̈ ܐܲܪܒ̇ܥܝܼܢ ܫܢܝܼ̈ܢ. [19]ܡܸܐܢܲܬ݀ ܠܝܼ ܒܕ݂ܵܪܵܐ ܗܵܘ̇. [20]ܘܐܸܡ݁ܪܹܬ̣ ܕܥܲܡܵܐ ܗ̄ܘ̣ ܕܛܵܥܹ̇ܐ ܠܸܒ̇ܗܘܿܢ. [21]ܘܗܸܢ݂ܘܿܢ ܠܵܐ ܝܑܼܕܲܥܘ ܐܘܼܪ̈ܚܵܬ̣ܝ. [22]ܐܲܝܟ݂ ܕܝܼܡ̇ܝܼܬ̣ ܒܪܘܼܓ̣ܙܝ ܕܠܵܐ ܢܸܥܠܘܼܢ ܠܲܢܝܵܚܬ̇ܝ.
 
Top