➕
←
Psalms
Psa
97
→
[1]ܡܵܪܝܵܐ ܐܲܡܠܸܟ݂ ܬܕ݂ܘܼܨ ܐܲܪܥܵܐ. [2]ܘܢܸܚ̈ܕ̇ܝܵܢ ܓܵܙܪ̈ܵܬ̣ܵܐ ܣܲܓ̇ܝܼ̈ܐܵܬ̣ܵܐ. [3]ܥܢܵܢܹ̈ܐ ܘܥܲܪ̈ܦܸܠܹܐ ܚܕ݂ܵܪ̈ܵܘܗܝ. [4]ܒܙܲܕ̇ܝܼܩܘܼܬ̣ܵܐ ܘܲܒ̣ܕ݂ܝܼܢܵܐ ܡܲܬ̣ܩܲܢ ܟܘܼܪܣܝܹܗ. [5]ܢܘܼܪܵܐ ܬܹܐܟ̣ܘܿܠ ܩܕ݂ܵܡܵܘܗܝ. [6]ܘܬܲܘܩܸܕ݂ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ. [7]ܐܲܢܗܲܪܘ ܒܲܪ̈ܩܵܘܗܝ ܠܬܹܒܹܝܠ. [8]ܚܙܵܬ݀ ܘܐܸܬ̇ܕܲܠܚܲܬ݀ ܐܲܪܥܵܐ. [9]ܘܛܘܼܪܹ̈ܐ ܐܲܝܟ݂ ܫܥܘܿܬ̣ܵܐ ܐܸܬ̣ܦܲܫܲܪܘ. [10]ܡ̣ܢ ܩܕ݂ܵܡ ܡܵܪܝܵܐ ܡܵܪܵܐ ܕܟ̣ܠܵܗ̇ ܐܲܪܥܵܐ. [11]ܚܲܘܝܼܘ ܫܡܲܝܵܐ ܙܲܕ̇ܝܼܩܘܼܬܹܗ. [12]ܘܲܚ݂ܙܵܘ ܟܠܗܘܿܢ ܥܲܡܡܹ̈ܐ ܐܝܼܩܵܪܹܗ. [13]ܢܸܒ̣ܗ̱ܬ̣ܘܼܢ ܟܠ ܕܥܵܒ݂ܕ̇ܝܼܢ ܦܬܲܟ̣ܪܹ̈ܐ. [14]ܘܡܸܫܬܲܒ̣ܗ̱ܪܝܼܢ ܒܲܓ̣ܠܝܼܦܹ̈ܐ. [15]ܣܓ̣ܘܿܕ݂ܘ ܠܹܗ ܟܠܗܘܿܢ ܡܲܠܲܐܟ̣ܵܘ̈ܗܝ. [16]ܬܸܫܡܲܥ ܘܬܸܚܕܸ̇ܐ ܨܸܗܝܘܿܢ. [17]ܘܲܢܕ݂ܘܼ̈ܨܵܢ ܒܢܵـ̈ــܬ̣ ܝܼܗܘܼܕ݂ܵܐ. [18]ܡܸܛܠ ܕܝܼܢܲܝ̈ܟ ܡܵܪܝܵܐ. [19]ܡܸܛܠ ܕܐܲܢ̄ܬ̇ܘܼ ܡܵܪܝܵܐ ܡܪܲܝܡܵܐ ܥܲܠ ܟܠܵܗ̇ ܐܲܪܥܵܐ. [20]ܘܛܵܒ̣ ܐܸܬ̇ܬ̇ܪܝܼܡܬ̇ ܥܲܠ ܟܠܗܘܿܢ ܐܲܠܵܗܹ̈ܐ. [21]ܪ̈ܵܚܡܵܘܗܝ ܕܡܵܪܝܵܐ ܣܵܢܹܝ݁ܢ ܠܒ̣ܝܼܫܬܵܐ. [22]ܘܢܵܛܲܪ ܢܲܦ̮̈ܫܵܬ̣ܵܐ ܕܙܲܕ̇ܝܼܩܵܘ̈ܗܝ. [23]ܘܡ̣ܢ ܐܝܼܕ݂ܵܐ ܕܪ̈ܲܫܝܼܥܹܐ ܢܦܲܨܸܐ ܐܸܢܘܿܢ. [24]ܢܘܼܗܪܵܐ ܕܲܕ݂ܢܲܚ ܠܙܲܕ̇ܝܼܩܹ̈ܐ. [25]ܘܠܲܬ̣ܪ̈ܝܼܨܲܝ ܠܸܒܵܐ ܚܲܕ݂ܘܼܬ̣ܵܐ. [26]ܚܕ݂ܵܘ ܙܲܕ̇ܝܼܩܹ̈ܐ ܒܡܵܪܝܵܐ. [27]ܘܐܲܘܕܵܘ ܠܕ݂ܘܼܟ̣ܪܵܢܵܐ ܕܩܘܼܕ݂ܫܹܗ.
 
Top