|
|
|
|
| [1]Omnis sapientia a Domino Deo est: et cum illo fuit semper, et est ante ævum. |
[No book] |
| [2]Arenam maris, et pluviæ guttas, et dies sæculi, quis dinumeravit? altitudinem cæli, et latitudinem terræ, et profundum abyssi, quis dimensus est? |
[No book] |
| [3]sapientiam Dei præcedentem omnia, quis investigavit? |
[No book] |
| [4]Prior omnium creata est sapientia, et intellectus prudentiæ ab ævo. |
[No book] |
| [5]Fons sapientiæ verbum Dei in excelsis, et ingressus illius mandata æterna. |
[No book] |
| [6]Radix sapientiæ cui revelata est? et astutias illius quis agnovit? |
[No book] |
| [7]disciplina sapientiæ cui revelata est et manifestata? et multiplicationem ingressus illius quis intellexit? |
[No book] |
| [8]Unus est altissimus, Creator omnipotens, et rex potens et metuendus nimis, sedens super thronum illius, et dominans Deus. |
[No book] |
| [9]Ipse creavit illam in Spiritu Sancto, et vidit, et dinumeravit, et mensus est: |
[No book] |
| [10]et effudit illam super omnia opera sua, et super omnem carnem, secundum datum suum, et præbuit illam diligentibus se. |
[No book] |
| [11]Timor Domini gloria, et gloriatio, et lætitia, et corona exsultationis. |
[No book] |
| [12]Timor Domini delectabit cor, et dabit lætitiam, et gaudium, et longitudinem dierum. |
[No book] |
| [13]Timenti Dominum bene erit in extremis, et in die defunctionis suæ benedicetur. |
[No book] |
| [14]Dilectio Dei honorabilis sapientia: |
[No book] |
| [15]quibus autem apparuerit in visu diligunt eam in visione, et in agnitione magnalium suorum. |
[No book] |
| [16]Initium sapientiæ timor Domini: et cum fidelibus in vulva concreatus est: cum electis feminis graditur, et cum justis et fidelibus agnoscitur. |
[No book] |
| [17]Timor Domini scientiæ religiositas: |
[No book] |
| [18]religiositas custodiet et justificabit cor; jucunditatem atque gaudium dabit. |
[No book] |
| [19]Timenti Dominum bene erit, et in diebus consummationis illius benedicetur. |
[No book] |
| [20]Plenitudo sapientiæ est timere Deum, et plenitudo a fructibus illius. |
[No book] |
| [21]Omnem domum illius implebit a generationibus, et receptacula a thesauris illius. |
[No book] |
| [22]Corona sapientiæ timor Domini, replens pacem et salutis fructum: |
[No book] |
| [23]et vidit, et dinumeravit eam: utraque autem sunt dona Dei. |
[No book] |
| [24]Scientiam et intellectum prudentiæ sapientia compartietur, et gloriam tenentium se exaltat. |
[No book] |
| [25]Radix sapientiæ est timere Dominum, et rami illius longævi. |
[No book] |
| [26]In thesauris sapientiæ intellectus et scientiæ religiositas: execratio autem peccatoribus sapientia. |
[No book] |
| [27]Timor Domini expellit peccatum: |
[No book] |
| [28]nam qui sine timore est non poterit justificari: iracundia enim animositatis illius subversio illius est. |
[No book] |
| [29]Usque in tempus sustinebit patiens, et postea redditio jucunditatis. |
[No book] |
| [30]Bonus sensus usque in tempus abscondet verba illius, et labia multorum enarrabunt sensum illius. |
[No book] |
| [31]In thesauris sapientiæ significatio disciplinæ: |
[No book] |
| [32]execratio autem peccatori cultura Dei. |
[No book] |
| [33]Fili, concupiscens sapientiam, conserva justitiam, et Deus præbebit illam tibi. |
[No book] |
| [34]Sapientia enim et disciplina timor Domini: et quod beneplacitum est illi, |
[No book] |
| [35]fides et mansuetudo, et adimplebit thesauros illius. |
[No book] |
| [36]Ne sis incredibilis timori Domini, et ne accesseris ad illum duplici corde. |
[No book] |
| [37]Ne fueris hypocrita in conspectu hominum, et non scandalizeris in labiis tuis. |
[No book] |
| [38]Attende in illis, ne forte cadas, et adducas animæ tuæ inhonorationem: |
[No book] |
| [39]et revelet Deus absconsa tua, et in medio synagogæ elidat te: |
[No book] |
| [40]quoniam accessisti maligne ad Dominum, et cor tuum plenum est dolo et fallacia. |
[No book] |