|
|
| [No book] |
[1]Timenti Dominum non occurrent mala: sed in tentatione Deus illum conservabit, et liberabit a malis. Sapiens non odit mandata et justitias, |
| [No book] |
[2]et non illidetur quasi in procella navis. |
| [No book] |
[3]Homo sensatus credit legi Dei, et lex illi fidelis. |
| [No book] |
[4]Qui interrogationem manifestat parabit verbum, et sic deprecatus exaudietur: et conservabit disciplinam, et tunc respondebit. |
| [No book] |
[5]Præcordia fatui quasi rota carri, et quasi axis versatilis cogitatus illius. |
| [No book] |
[6]Equus emissarius, sic et amicus subsannator: sub omni supra sedente hinnit. |
| [No book] |
[7]Quare dies diem superat, et iterum lux lucem, et annus annum a sole? |
| [No book] |
[8]A Domini scientia separati sunt, facto sole, et præceptum custodiente. |
| [No book] |
[9]Et immutavit tempora, et dies festos ipsorum, et in illis dies festos celebraverunt ad horam. |
| [No book] |
[10]Ex ipsis exaltavit et magnificavit Deus, et ex ipsis posuit in numerum dierum: et omnes homines de solo et ex terra unde creatus est Adam. |
| [No book] |
[11]In multitudine disciplinæ Dominus separavit eos, et immutavit vias eorum. |
| [No book] |
[12]Ex ipsis benedixit et exaltavit, et ex ipsis sanctificavit, et ad se applicavit, et ex ipsis maledixit, et humiliavit, et convertit illos a separatione ipsorum. |
| [No book] |
[13]Quasi lutum figuli in manu ipsius, plasmare illud et disponere. |
| [No book] |
[14]Omnes viæ ejus secundum dispositionem ejus: sic homo in manu illius qui se fecit, et reddet illi secundum judicium suum. |
| [No book] |
[15]Contra malum bonum est, et contra mortem vita: sic et contra virum justum peccator, et sic intuere in omnia opera Altissimi, duo et duo, et unum contra unum. |
| [No book] |
[16]Et ego novissimus evigilavi, et quasi qui colligit acinos post vindemiatores. |
| [No book] |
[17]In benedictione Dei et ipse speravi, et quasi qui vindemiat replevi torcular. |
| [No book] |
[18]Respicite quoniam non mihi soli laboravi, sed omnibus exquirentibus disciplinam. |
| [No book] |
[19]Audite me, magnates et omnes populi: et rectores ecclesiæ, auribus percipite. |
| [No book] |
[20]Filio et mulieri, fratri et amico, non des potestatem super te in vita tua: et non dederis alii possessionem tuam, ne forte pœniteat te, et depreceris pro illis. |
| [No book] |
[21]Dum adhuc superes et aspiras, non immutabit te omnis caro. |
| [No book] |
[22]Melius est enim ut filii tui te rogent, quam te respicere in manus filiorum tuorum. |
| [No book] |
[23]In omnibus operibus tuis præcellens esto. |
| [No book] |
[24]Ne dederis maculam in gloria tua. In die consummationis dierum vitæ tuæ, et in tempore exitus tui, distribue hæreditatem tuam. |
| [No book] |
[25]Cibaria, et virga, et onus asino: panis, et disciplina, et opus servo. |
| [No book] |
[26]Operatur in disciplina, et quærit requiescere: laxa manus illi, et quærit libertatem. |
| [No book] |
[27]Jugum et lorum curvant collum durum, et servum inclinant operationes assiduæ. |
| [No book] |
[28]Servo malevolo tortura et compedes: mitte illum in operationem, ne vacet: |
| [No book] |
[29]multam enim malitiam docuit otiositas. |
| [No book] |
[30]In opera constitue eum: sic enim condecet illum. Quod si non obaudierit, curva illum compedibus, et non amplifices super omnem carnem: verum sine judicio nihil facias grave. |
| [No book] |
[31]Si est tibi servus fidelis, sit tibi quasi anima tua: quasi fratrem sic eum tracta, quoniam in sanguine animæ comparasti illum. |
| [No book] |
[32]Si læseris eum injuste, in fugam convertetur: |
| [No book] |
[33]et si extollens discesserit, quem quæras et in qua via quæras illum nescis. |