|
|
| [1]Sapientiam omnium antiquorum exquiret sapiens, et in prophetis vacabit. |
[No book] |
| [2]Narrationem virorum nominatorum conservabit, et in versutias parabolarum simul introibit. |
[No book] |
| [3]Occulta proverbiorum exquiret, et in absconditis parabolarum conversabitur. |
[No book] |
| [4]In medio magnatorum ministrabit, et in conspectu præsidis apparebit. |
[No book] |
| [5]In terram alienigenarum gentium pertransiet: bona enim et mala in hominibus tentabit. |
[No book] |
| [6]Cor suum tradet ad vigilandum diluculo ad Dominum, qui fecit illum, et in conspectu Altissimi deprecabitur. |
[No book] |
| [7]Aperiet os suum in oratione, et pro delictis suis deprecabitur. |
[No book] |
| [8]Si enim Dominus magnus voluerit, spiritu intelligentiæ replebit illum: |
[No book] |
| [9]et ipse tamquam imbres mittet eloquia sapientiæ suæ, et in oratione confitebitur Domino: |
[No book] |
| [10]et ipse diriget consilium ejus, et disciplinam, et in absconditis suis consiliabitur. |
[No book] |
| [11]Ipse palam faciet disciplinam doctrinæ suæ, et in lege testamenti Domini gloriabitur. |
[No book] |
| [12]Collaudabunt multi sapientiam ejus, et usque in sæculum non delebitur. |
[No book] |
| [13]Non recedet memoria ejus, et nomen ejus requiretur a generatione in generationem. |
[No book] |
| [14]Sapientiam ejus enarrabunt gentes, et laudem ejus enuntiabit ecclesia. |
[No book] |
| [15]Si permanserit, nomen derelinquet plus quam mille: et si requieverit, proderit illi. |
[No book] |
| [16]Adhuc consiliabor ut enarrem: ut furore enim repletus sum. |
[No book] |
| [17]In voce dicit: Obaudite me, divini fructus, et quasi rosa plantata super rivos aquarum fructificate. |
[No book] |
| [18]Quasi Libanus odorem suavitatis habete. |
[No book] |
| [19]Florete flores quasi lilium: et date odorem, et frondete in gratiam: et collaudate canticum, et benedicite Dominum in operibus suis. |
[No book] |
| [20]Date nomini ejus magnificentiam, et confitemini illi in voce labiorum vestrorum, et in canticis labiorum, et citharis: et sic dicetis in confessione: |
[No book] |
| [21]Opera Domini universa bona valde. |
[No book] |
| [22]In verbo ejus stetit aqua sicut congeries: et in sermone oris illius sicut exceptoria aquarum: |
[No book] |
| [23]quoniam in præcepto ipsius placor fit, et non est minoratio in salute ipsius. |
[No book] |
| [24]Opera omnis carnis coram illo, et non est quidquam absconditum ab oculis ejus. |
[No book] |
| [25]A sæculo usque in sæculum respicit, et nihil est mirabile in conspectu ejus. |
[No book] |
| [26]Non est dicere: Quid est hoc, aut quid est istud? omnia enim in tempore suo quærentur. |
[No book] |
| [27]Benedictio illius quasi fluvius inundavit. |
[No book] |
| [28]Quomodo cataclysmus aridam inebriavit, sic ira ipsius gentes quæ non exquisierunt eum hæreditabit. |
[No book] |
| [29]Quomodo convertit aquas in siccitatem, et siccata est terra, et viæ illius viis illorum directæ sunt, sic peccatoribus offensiones in ira ejus. |
[No book] |
| [30]Bona bonis creata sunt ab initio: sic nequissimis bona et mala. |
[No book] |
| [31]Initium necessariæ rei vitæ hominum, aqua, ignis, et ferrum, sal, lac, et panis similagineus, et mel, et botrus uvæ, et oleum, et vestimentum. |
[No book] |
| [32]Hæc omnia sanctis in bona, sic et impiis et peccatoribus in mala convertentur. |
[No book] |
| [33]Sunt spiritus qui ad vindictam creati sunt, et in furore suo confirmaverunt tormenta sua. |
[No book] |
| [34]In tempore consummationis effundent virtutem, et furorem ejus qui fecit illos placabunt. |
[No book] |
| [35]Ignis, grando, fames, et mors, omnia hæc ad vindictam creata sunt: |
[No book] |
| [36]bestiarum dentes, et scorpii, et serpentes, et rhomphæa vindicans in exterminium impios. |
[No book] |
| [37]In mandatis ejus epulabuntur: et super terram in necessitatem præparabuntur, et in temporibus suis non præterient verbum. |
[No book] |
| [38]Propterea ab initio confirmatus sum, et consiliatus sum, et cogitavi, et scripta dimisi. |
[No book] |
| [39]Omnia opera Domini bona, et omne opus hora sua subministrabit. |
[No book] |
| [40]Non est dicere: Hoc illo nequius est: omnia enim in tempore suo comprobabuntur. |
[No book] |
| [41]Et nunc in omni corde et ore collaudate, et benedicite nomen Domini. |
[No book] |