|
|
| [1]Laudemus viros gloriosos, et parentes nostros in generatione sua. |
[No book] |
| [2]Multam gloriam fecit Dominus: magnificentia sua a sæculo. |
[No book] |
| [3]Dominantes in potestatibus suis, homines magni virtute et prudentia sua præditi, nuntiantes in prophetis dignitatem prophetarum: |
[No book] |
| [4]et imperantes in præsenti populo, et virtute prudentiæ populis sanctissima verba: |
[No book] |
| [5]in peritia sua requirentes modos musicos, et narrantes carmina Scripturarum: |
[No book] |
| [6]homines divites in virtute, pulchritudinis studium habentes, pacificantes in domibus suis. |
[No book] |
| [7]Omnes isti in generationibus gentis suæ gloriam adepti sunt, et in diebus suis habentur in laudibus. |
[No book] |
| [8]Qui de illis nati sunt reliquerunt nomen narrandi laudes eorum. |
[No book] |
| [9]Et sunt quorum non est memoria: perierunt quasi qui non fuerint: et nati sunt quasi non nati, et filii ipsorum cum ipsis. |
[No book] |
| [10]Sed illi viri misericordiæ sunt, quorum pietates non defuerunt. |
[No book] |
| [11]Cum semine eorum permanent bona: |
[No book] |
| [12]hæreditas sancta nepotes eorum, et in testamentis stetit semen eorum: |
[No book] |
| [13]et filii eorum propter illos usque in æternum manent: semen eorum et gloria eorum non derelinquetur. |
[No book] |
| [14]Corpora ipsorum in pace sepulta sunt, et nomen eorum vivit in generationem et generationem. |
[No book] |
| [15]Sapientiam ipsorum narrent populi, et laudem eorum nuntiet ecclesia. |
[No book] |
| [16]Enoch placuit Deo, et translatus est in paradisum, ut det gentibus pœnitentiam. |
[No book] |
| [17]Noë inventus est perfectus, justus, et in tempore iracundiæ factus est reconciliatio. |
[No book] |
| [18]Ideo dimissum est reliquum terræ, cum factum est diluvium. |
[No book] |
| [19]Testamenta sæculi posita sunt apud illum, ne deleri possit diluvio omnis caro. |
[No book] |
| [20]Abraham magnus pater multitudinis gentium, et non est inventus similis illi in gloria: qui conservavit legem Excelsi, et fuit in testamento cum illo. |
[No book] |
| [21]In carne ejus stare fecit testamentum, et in tentatione inventus est fidelis. |
[No book] |
| [22]Ideo jurejurando dedit illi gloriam in gente sua, crescere illum quasi terræ cumulum, |
[No book] |
| [23]et ut stellas exaltare semen ejus, et hæreditare illos a mari usque ad mare, et a flumine usque ad terminos terræ. |
[No book] |
| [24]Et in Isaac eodem modo fecit, propter Abraham patrem ejus. |
[No book] |
| [25]Benedictionem omnium gentium dedit illi Dominus, et testamentum confirmavit super caput Jacob. |
[No book] |
| [26]Agnovit eum in benedictionibus suis, et dedit illi hæreditatem, et divisit illi partem in tribubus duodecim. |
[No book] |
| [27]Et conservavit illi homines misericordiæ, invenientes gratiam in oculis omnis carnis. |
[No book] |