|
|
| [1]Non litiges cum homine potente, ne forte incidas in manus illius. |
[No book] |
| [2]Non contendas cum viro locuplete, ne forte contra te constituat litem tibi: |
[No book] |
| [3]multos enim perdidit aurum et argentum, et usque ad cor regum extendit et convertit. |
[No book] |
| [4]Non litiges cum homine linguato, et non strues in ignem illius ligna. |
[No book] |
| [5]Non communices homini indocto, ne male de progenie tua loquatur. |
[No book] |
| [6]Ne despicias hominem avertentem se a peccato, neque improperes ei: memento quoniam omnes in correptione sumus. |
[No book] |
| [7]Ne spernas hominem in sua senectute, etenim ex nobis senescunt. |
[No book] |
| [8]Noli de mortuo inimico tuo gaudere: sciens quoniam omnes morimur, et in gaudium nolumus venire. |
[No book] |
| [9]Ne despicias narrationem presbyterorum sapientium, et in proverbiis eorum conversare: |
[No book] |
| [10]ab ipsis enim disces sapientiam et doctrinam intellectus, et servire magnatis sine querela. |
[No book] |
| [11]Non te prætereat narratio seniorum, ipsi enim didicerunt a patribus suis: |
[No book] |
| [12]quoniam ab ipsis disces intellectum, et in tempore necessitatis dare responsum. |
[No book] |
| [13]Non incendas carbones peccatorum arguens eos, et ne incendaris flamma ignis peccatorum illorum. |
[No book] |
| [14]Ne contra faciem stes contumeliosi, ne sedeat quasi insidiator ori tuo. |
[No book] |
| [15]Noli fœnerari homini fortiori te: quod si fœneraveris, quasi perditum habe. |
[No book] |
| [16]Non spondeas super virtutem tuam: quod si spoponderis, quasi restituens cogita. |
[No book] |
| [17]Non judices contra judicem, quoniam secundum quod justum est judicat. |
[No book] |
| [18]Cum audace non eas in via, ne forte gravet mala sua in te: ipse enim secundum voluntatem suam vadit, et simul cum stultitia illius peries. |
[No book] |
| [19]Cum iracundo non facias rixam, et cum audace non eas in desertum: quoniam quasi nihil est ante illum sanguis, et ubi non est adjutorium, elidet te. |
[No book] |
| [20]Cum fatuis consilium non habeas: non enim poterunt diligere nisi quæ eis placent. |
[No book] |
| [21]Coram extraneo ne facias consilium: nescis enim quid pariet. |
[No book] |
| [22]Non omni homini cor tuum manifestes, ne forte inferat tibi gratiam falsam, et convicietur tibi. |
[No book] |