|
|
| [1]ויאמר דויד־זה הוא בית יהוה האלהים וזה מזבח לעלה לישראל |
[No book] |
| [2]ויאמר דויד־לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים |
[No book] |
| [3]וברזל לרב למסמרים לדלתות השערים ולמחברות־הכין דויד ונחשת לרב אין משקל |
[No book] |
| [4]ועצי ארזים לאין מספר כי הביאו הצידנים והצרים עצי ארזים לרב־לדויד |
[No book] |
| [5]ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו |
[No book] |
| [6]ויקרא לשלמה בנו ויצוהו לבנות בית ליהוה אלהי ישראל |
[No book] |
| [7]ויאמר דויד לשלמה בנו [Q: בני]־אני היה עם לבבי לבנות בית לשם יהוה אלהי |
[No book] |
| [8]ויהי עלי דבר יהוה לאמר דם לרב שפכת ומלחמות גדלות עשית לא תבנה בית לשמי־כי דמים רבים שפכת ארצה לפני |
[No book] |
| [9]הנה בן נולד לך הוא יהיה איש מנוחה והניחותי לו מכל אויביו מסביב כי שלמה יהיה שמו ושלום ושקט אתן על ישראל בימיו |
[No book] |
| [10]הוא יבנה בית לשמי והוא יהיה לי לבן ואני לו לאב והכינותי כסא מלכותו על ישראל־עד עולם |
[No book] |
| [11]עתה בני יהי יהוה עמך והצלחת ובנית בית יהוה אלהיך כאשר דבר עליך |
[No book] |
| [12]אך יתן לך יהוה שכל ובינה ויצוך על ישראל ולשמור את תורת יהוה אלהיך |
[No book] |
| [13]אז תצליח־אם תשמור לעשות את החקים ואת המשפטים אשר צוה יהוה את משה על ישראל חזק ואמץ אל תירא ואל תחת |
[No book] |
| [14]והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף |
[No book] |
| [15]ועמך לרב עשי מלאכה־חצבים וחרשי אבן ועץ וכל חכם בכל מלאכה |
[No book] |
| [16]לזהב לכסף ולנחשת ולברזל אין מספר קום ועשה ויהי יהוה עמך |
[No book] |
| [17]ויצו דויד לכל שרי ישראל לעזר לשלמה בנו |
[No book] |
| [18]הלא יהוה אלהיכם עמכם והניח לכם מסביב כי נתן בידי את ישבי הארץ ונכבשה הארץ לפני יהוה ולפני עמו |
[No book] |
| [19]עתה תנו לבבכם ונפשכם לדרוש ליהוה אלהיכם וקומו ובנו את מקדש יהוה האלהים להביא את ארון ברית יהוה וכלי קדש האלהים לבית הנבנה לשם יהוה |
[No book] |