«
Reconstruction of Beza's Greek Textus-Receptus NT (1598)
Beza GNT
Vulgata Clementina (1592)
Vul
[No book] [1]Igitur David senex et plenus dierum, regem constituit Salomonem filium suum super Israël.
[No book] [2]Et congregavit omnes principes Israël, et sacerdotes atque Levitas.
[No book] [3]Numeratique sunt Levitæ a triginta annis, et supra: et inventa sunt triginta octo millia virorum.
[No book] [4]Ex his electi sunt, et distributi in ministerium domus Domini viginti quatuor millia: præpositorum autem et judicum sex millia.
[No book] [5]Porro quatuor millia janitores: et totidem psaltæ canentes Domino in organis, quæ fecerat ad canendum.
[No book] [6]Et distribuit eos David per vices filiorum Levi, Gerson videlicet, et Caath, et Merari.
[No book] [7]Filii Gerson: Leedan, et Semei.
[No book] [8]Filii Leedan: princeps Jahiel, et Zethan, et Joël, tres.
[No book] [9]Filii Semei: Salomith, et Hosiel, et Aran, tres: isti principes familiarum Leedan.
[No book] [10]Porro filii Semei: Leheth, et Ziza, et Jaus, et Baria: isti filii Semei, quatuor.
[No book] [11]Erat autem Leheth prior, Ziza secundus: porro Jaus et Baria non habuerunt plurimos filios, et idcirco in una familia, unaque domo computati sunt.
[No book] [12]Filii Caath: Amram, et Isaar, Hebron, et Oziel, quatuor.
[No book] [13]Filii Amram: Aaron, et Moyses. Separatusque est Aaron ut ministraret in Sancto sanctorum, ipse et filii ejus in sempiternum, et adoleret incensum Domino secundum ritum suum, ac benediceret nomini ejus in perpetuum.
[No book] [14]Moysi quoque hominis Dei filii annumerati sunt in tribu Levi.
[No book] [15]Filii Moysi: Gersom, et Eliezer.
[No book] [16]Filii Gersom: Subuel primus.
[No book] [17]Fuerunt autem filii Eliezer: Rohobia primus: et non erant Eliezer filii alii. Porro filii Rohobia multiplicati sunt nimis.
[No book] [18]Filii Isaar: Salomith primus.
[No book] [19]Filii Hebron: Jeriau primus, Amarias secundus, Jahaziel tertius, Jecmaam quartus.
[No book] [20]Filii Oziel: Micha primus, Jesia secundus.
[No book] [21]Filii Merari: Moholi, et Musi. Filii Moholi: Eleazar, et Cis.
[No book] [22]Mortuus est autem Eleazar, et non habuit filios, sed filias: acceperuntque eas filii Cis fratres earum.
[No book] [23]Filii Musi: Moholi, et Eder, et Jerimoth, tres.
[No book] [24]Hi filii Levi in cognationibus et familiis suis, principes per vices, et numerum capitum singulorum, qui faciebant opera ministerii domus Domini, a viginti annis et supra.
[No book] [25]Dixit enim David: Requiem dedit Dominus Deus Israël populo suo, et habitationem Jerusalem usque in æternum.
[No book] [26]Nec erit officii Levitarum ut ultra portent tabernaculum, et omnia vasa ejus ad ministrandum.
[No book] [27]Juxta præcepta quoque David novissima supputabitur numerus filiorum Levi a viginti annis et supra.
[No book] [28]Et erunt sub manu filiorum Aaron in cultum domus Domini, in vestibulis, et in exedris, et in loco purificationis, et in sanctuario, et in universis operibus ministerii templi Domini.
[No book] [29]Sacerdotes autem, super panes propositionis, et ad similæ sacrificium, et ad lagana azyma, et sartaginem, et ad torrendum, et super omne pondus atque mensuram.
[No book] [30]Levitæ vero ut stent mane ad confitendum, et canendum Domino: similiterque ad vesperam,
[No book] [31]tam in oblatione holocaustorum Domini, quam in sabbatis et calendis et solemnitatibus reliquis juxta numerum, et cæremonias uniuscujusque rei, jugiter coram Domino.
[No book] [32]Et custodiant observationes tabernaculi fœderis, et ritum sanctuarii, et observationem filiorum Aaron fratrum suorum, ut ministrent in domo Domini.
Author: Theodore Beza (1519–1605)
Source: www.hagiascriptura.com

See information...
Source: unbound.biola.edu
Top