|
|
| [1]ܘܲܗܘ̤ܵܐ ܡ̣ܢ ܒܵܬܲܪ ܦܸܬ̣ܓ̣ܵܡܹ̈ܐ ܗܵܠܹܝܢ: ܟܲܪܡܵܐ ܐܝܼܬ̣ ܗ̄ܘ̣ܵܐ ܠܢܵܒ̣ܘܿܬ̣ ܐܝܼܙܲܪ ܥܠܵܝܵܐ ܒܐܝܼܙܲܪܥܹܝܠ: ܥܲܠ ܓܹܢ̄ܒ̣ ܗܲܝܟ̇ܠܵܐ ܕܐܲܚܵܒ̣ ܡܲܠܟܵܐ ܕܫܵܡ̇ܪܹܝܢ. |
[No book] |
| [2]ܘܐܸܡܲܪ ܐܵܚܵܒ̣ ܠܢܵܒ̣ܘܿܬ̣: ܗܲܒ̣ܠܝܼ ܟܲܪܡܵܟ݂: ܘܢܸܗܘܹܐ ܠܝܼ ܠܓܲܢܲܬ̣ ܝܲܪܩܵܐ: ܡܸܛܠ ܕܗ̤ܘ ܩܲܪܝܼܒ̣ ܥܲܠ ܓܹܢ̄ܒ̣ ܒܲܝܬܝ. ܘܐܸܬܸ̇ܠ ܠܵܟ݂ ܟܲܪܡܵܐ ܚܠܵܦܵܘܗܝ ܕܛܵܒ̣ ܡܸܢܹܗ. ܐܵܘ ܐܸܢ ܫܲܦܝܼܪ ܒܥܲܝܢܲܝ̈ܟ: ܐܸܬܸ̇ܠ ܠܵܟ݂ ܟܸܣܦܵܐ ܕܡܵܘ̈ܗܝ. |
[No book] |
| [3]ܘܐܸܡܲܪ ܢܵܒ̣ܘܿܬ̣ ܠܐܵܚܵܒ̣: ܚܵܣ ܠܝܼ ܡ̣ܢ ܡܵܪܝܵܐ: ܕܐܸܬܸ̇ܠ ܠܵܟ݂ ܝܵܪܬ̇ܘܼܬ̣ܵܐ ܕܐܵܒ̣ܵܗܲܝ̈. |
[No book] |
| [4]ܘܐܸܙܲܠ ܐܵܚܵܒ̣ ܠܒܲܝܬܹ̇ܗ ܟܲܕ݂ ܟܲܪܝܵܐ ܠܹܗ ܘܲܙܥܝܼܦ: ܥܲܠ ܦܸܬ̣ܓ̣ܵܡܵܐ ܕܐܸܡܲܪ ܠܹܗ ܢܵܒ̣ܘܿܬ̣ ܐܝܼܙܲܪܥܠܵܝܵܐ. ܕܠܵܐ ܝܵܗܹ̇ܒ̣ ܐ̄ܢܵܐ ܠܵܟ݂ ܝܵܪܬ̇ܘܼܬ̣ܵܐ ܕܐܲܒ̣ܵܗܲܝ̈. ܘܲܫܟܸܒ̣ ܥܲܠ ܥܲܪܣܹܗ: ܘܐܲܦܢܝܼ ܐܲܦܵܘ̈ܗܝ: ܘܠܵܐ ܐܸܟܲܠ̣ ܠܲܚܡܵܐ. |
[No book] |
| [5]ܘܐܸܬܲܬ̤ ܠܘܵܬܹܗ ܐܝܼܙܒܸܠ ܐܲܢ̄ܬ̇ܬܹܗ: ܘܐܵܡ̇ܪܵܐ ܠܹܗ: ܡܵܢܵܘ ܟܲܪܝܵܐ ܠܵܗ̇ ܠܪܘܼܚܵܟ݂: ܘܠܵܐ ܨܵܒܹ̇ܐ ܐܲܢ̄ܬ̇ ܠܡܹܐܟܲܠ ܠܲܚܡܵܐ. |
[No book] |
| [6]ܐܵܡܲܪ ܠܵܗ̇: ܥܲܠ ܕܐܸܡ̇ܪܹܬ̣ ܠܢܵܒ̣ܘܿܬ̣ ܐܝܼܙܲܪܥܠܵܝܵܐ: ܗܲܒ̣ܠܝܼ ܟܲܪܡܵܟ݂ ܒܟܸܣܦܵܐ. ܘܐܸܢ ܨܵܒܹ̇ܐ ܐܲܢ̄ܬ̇: ܐܸܬܸ̇ܠ ܠܵܟ݂ ܟܲܪܡܵܐ ܚܠܵܘܗܝ ܕܛܵܒ̣ ܡܸܢܹܗ. ܘܐܸܡܲܪ ܠܝܼ ܠܵܐ ܝܵܗܹ̇ܒ̣ ܐ̄ܢܵܐ ܠܵܟ݂ ܟܲܪܡܝ. |
[No book] |
| [7]ܐܵܡܪܵܐ ܠܹܗ ܐܝܼܙܒܸܠ ܐܲܢ̄ܬ̇ܬܹܗ: ܐܲܢ̄ܬ̇ ܬܲܟ݂ܫܲܪ ܕܬܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ. ܩܘܼܡ ܐܲܟ݂ܘܿܠ ܠܲܚܡܵܐ: ܘܢܸܛܐܲܒ̣ ܠܵܟ݂. ܐܸܢܵܐ ܐܸܬܸ̇ܠ ܠܵܟ݂ ܟܲܪܡܹܗ ܕܢܵܒ̣ܘܿܬ̣ ܐܝܼܙܲܪܥܠܵܝܵܐ. |
[No book] |
| [8]ܘܟܸܬ̣ܒܲܬ̤ ܐܸܓܲܪܬܵܐ ܒܲܫܡܹܗ ܕܐܵܚܵܒ̣: ܘܲܚܬܲܡܬ̣ܵܗ̇ ܒܥܲܙܩܬܹܗ. ܘܫܲܕ̇ܪܲܬ̤ ܐܸܓܲܪܬܵܐ ܠܣܵܒܹ̈ܐ ܘܲܠܚܹܐܪܹ̈ܐ ܕܝܵܬ̣ܒ̇ܝܼܢ ܒܲܩܪܝܼܬ̣ܵܐ ܥܲܡ ܢܵܒ̣ܘܿܬ̣. |
[No book] |
| [9]ܘܟܸܬ̣ܒܲܬ̤ ܒܐܸܓܲܪܬܵܐ: ܕܲܓ̣ܙܘܿܪܘ ܨܵܘܡܵܐ: ܘܐܵܘܬܸ̇ܒ̣ܘ ܠܢܵܒ̣ܘܿܬ̣ ܒܪܹܫ ܥܲܡܵܐ. |
[No book] |
| [10]ܘܐܲܝܬܵܘ ܬܪܹܝܢ ܓܲܒ̣ܪ̈ܝܼܢ ܒܢܲܝ̈ ܥܵܘܼܠܵܐ: ܘܐܵܘܬܸ̇ܒ̣ܘ ܠܩܘܼܒ̣ܠܹܗ. ܘܢܲܣ̱ܗܕ݂ܘܼܢ ܒܹܗ ܘܢܹܐܡܪܘܿܢ: ܕܨܲܚܝܼ ܢܵܒ̣ܘܿܬ̣ ܠܐܲܠܵܗܵܐ ܘܲܠܡܲܠܟܵܐ. ܘܐܲܦܩܘܼܗܝ ܘܪܘܼܓ̣ܡܘܼܗܝ. ܘܲܢܡܘܼܬ̣. |
[No book] |
| [11]ܘܲܥܒܲܕ݂ܘ ܐ̄ܢܵܫܵܐ ܕܲܩܪܝܼܬܹܗ ܣܵܒܹ̈ܐ ܘܚܹܐܪܹ̈ܐ ܕܝܵܬ̣ܒ̇ܝܼܢ ܒܲܩܪܝܼܬ̣ܵܐ ܥܲܡ ܢܵܒ̣ܘܿܬ̣: ܐܲܝܟ݂ ܕܫܸܠܚܲܬ̤ ܠܗܘܿܢ ܐܝܼܙܒܸܠ: ܐܲܝܟ݂ ܕܲܟ݂ܬ̣ܝܼܒ̣ ܒܐܸܓܲܪܬܵܐ ܕܫܸܠܚܲܬ̤ ܠܗܘܿܢ. |
[No book] |
| [12]ܓܙܲܪܘ ܨܵܘܡܵܐ: ܘܐܵܘܬ̇ܒ̣ܘܼܗܝ ܠܢܵܒ̣ܘܿܬ̣ ܒܪܹܫ ܥܲܡܵܐ. |
[No book] |
| [13]ܘܐܲܝܬ̇ܝܼܘ ܬܪܹܝܢ ܓܲܒ̣ܪ̈ܝܼܢ ܒܢܲܝ̈ ܥܵܘܼܠܵܐ. ܘܐܵܘܬܸ̇ܒ̣ܘ ܠܩܘܼܒ̣ܠܹܗ. ܘܐܲܣܗܸܕ݂ܘ ܓܲܒ̣ܪܹ̈ܐ ܗܵܢܘܿܢ ܥܲܠ ܢܵܒ̣ܘܿܬ̣ ܘܐܸܡܲܪܘ: ܕܨܲܚܝܼ ܢܵܒ̣ܘܿܬ̣ ܠܐܲܠܵܗܵܐ ܘܲܠܡܲܠܟܵܐ. ܘܐܲܦܩܘܼܗܝ ܠܒܲܪ ܡ̣ܢ ܩܪܝܼܬ̣ܵܐ. ܘܪܲܓ̣ܡܘܼܗܝ ܒܟܹܐܦܹ̈ܐ: ܘܡܝܼܬ̣. |
[No book] |
| [14]ܘܲܫܠܲܚܘ ܠܐܝܼܙܒܸܠ ܕܐܸܬ̣ܪܓܸܡ ܢܵܒ̣ܘܿܬ̣ ܘܡܝܼܬ̣. |
[No book] |
| [15]ܘܟܲܕ݂ ܫܸܡܥܲܬ̤ ܐܝܼܙܒܸܠ ܕܡܝܼܬ̣ ܝܵܒ̣ܘܿܬ̣: ܐܸܡܪܲܬ̤ ܐܝܼܙܒܸܠ ܠܐܵܚܵܒ̣: ܩܘܼܡ ܝܼܪܲܬ̣ ܟܲܪܡܹܗ ܕܢܵܒ̣ܘܿܬ̣ ܐܝܼܙܲܪܥܠܵܝܵܐ ܕܠܵܐ ܨܒ̣ܵܐ ܕܲܢܙܲܒ̇ܢܝܼܘܗܝ ܠܵܟ݂ ܒܟܸܣܦܵܐ. ܡܸܛܠ ܕܢܵܒ̣ܘܿܬ̣ ܡܝܼܬ̣ ܠܹܗ: ܘܠܵܐ ܗ̄ܘ̣ܵܐ ܚܲܝ. |
[No book] |
| [16]ܘܟܲܕ݂ ܫ̣ܡܲܥ ܐܵܚܵܒ̣ ܕܡܝܼܬ̣ ܢܵܒ̣ܘܿܬ̣: ܩܵܡ ܐܵܚܵܒ̣ ܠܡܸܚܲܬ̣ ܠܟܲܪܡܹܗ ܕܢܵܒ̣ܘܿܬ̣ ܐܝܼܙܲܪܥܠܵܝܵܐ ܠܡܹܐܪܬܹ̇ܗ. |
[No book] |
| [17]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܹܠܝܼܵܐ ܕܡ̣ܢ ܬܲܫܒ̇ܝܼ: ܠܡܹܐܡܲܪ. |
[No book] |
| [18]ܩܘܼܡ ܚܘܿܬ̣ ܠܐܘܼܪܥܹܗ ܕܐܵܚܵܒ̣ ܡܲܠܟܵܐ ܕܝܼܣܪܵܝܹܠ ܕܲܒ̣ܫܵܡܪܹܝܢ: ܗܵܐ ܒܟܲܪܡܹܗ ܕܢܵܒ̣ܘܿܬ̣ ܐܝܼܙܲܪܥܠܵܝܵܐ ܕܲܢܚܸܬ̣ ܠܬܲܡܵܢ ܠܡܹܐܪܬܹ̇ܗ. |
[No book] |
| [19]ܘܐܸܡܲܪ ܠܹܗ: ܗܵܟܲܢܵܐ ܐܵܡܲܪ ܡܵܪܝܵܐ: ܗܵܐ ܩܛܲܠܬ̇: ܘܗܵܐ ܝܼܕܬ̇ܬ. ܗܵܟܲܢܵܐ ܐܵܡܲܪ ܡܵܪܝܵܐ: ܒܕ݂ܘܼܟ̇ܬ̣ܵܐ ܕܠܲܥܘ ܟܲܠ̈ܒܹ̇ܐ ܕܡܹܗ ܕܢܵܒ̣ܘܿܬ̣: ܢܸܠܥܘܼܢ ܟܲܠ̈ܒܹ̇ܐ ܐܵܦ ܕܡܵܟ݂ ܕܝܼܠܵܟ݂. |
[No book] |
| [20]ܐܵܡܲܪ ܠܹܗ ܐܵܚܵܒ̣ ܠܐܹܠܝܼܵܐ: ܐܸܫܟܲܚܬܵܢܝ ܒܥܸܠܕ̇ܒ̣ܵܒ̣ܝ ܐܵܡܲܪ ܠܹܗ ܐܸܫܟܲܚܬܵܟ݂: ܥܲܠ ܕܐܸܬ̣ܪܵܘܪܵܒ̣ܬ̇ ܠܡܸܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ. |
[No book] |
| [21]ܗܵܐ ܡܲܝܬܹ̇ܐ ܐ̄ܢܵܐ ܥܠܲܝܟ ܒܝܼܫܬܵܐ: ܘܐܹܒܲܥܲܪ ܒܵܬ̣ܪܵܟ݂: ܘܐܵܘܒܸ̇ܕ݂ ܠܐܵܚܵܒ̣ ܕܬ̣ܵܐܵܢ ܒܐܸܣܬ̣ܵܐ: ܘܕ݂ܵܐܣܲܪ ܘܫܵܪܹܐ ܒܝܼܣܪܵܝܹܠ. |
[No book] |
| [22]ܘܐܸܥܒ̇ܕ݂ܝܼܘܗܝ ܠܒܲܝܬܵܟ݂ ܐܲܝܟ݂ ܒܹܝܬ̣ ܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܘܐܲܝܟ݂ ܒܹܝܬ̣ ܒܲܥܫܵܐ ܒܲܪ ܐܲܚܝܼܵܐ. ܥܲܠ ܪܘܼܓ̣ܙܵܐ ܕܐܲܪܓܸ̇ܙܬ̇ ܘܐܲܚܛܝܼܬ̇ ܠܝܼܣܪܵܝܹܠ. |
[No book] |
| [23]ܘܐܵܦ ܠܐܝܼܙܒܸܠ ܐܵܡܲܪ ܡܵܪܝܵܐ: ܟܲܠ̈ܒܹ̇ܐ ܢܹܐܟ݂ܠܘܼܢܵܗ̇ ܠܐܝܼܙܒܸܠ ܒܝܵܪܬ̇ܘܼܬ̣ܵܐ ܕܐܝܼܙܲܪܥܹܝܠ. |
[No book] |
| [24]ܕܲܢܡܘܼܬ̣ ܠܐܵܚܵܒ̣ ܒܲܩܪܝܼܬ̣ܵܐ: ܢܹܐܟ݂ܠܘܼܢ ܟܲܠ̈ܒܹ̇ܐ. ܘܕܲܢܡܘܼܬ̣ ܠܹܗ ܒܕܲܒ̣ܪܵܐ: ܬܹܐܟ݂ܘܿܠ ܦܵܪܲܚܬ̣ܵܐ ܕܲܫܡܲܝܵܐ. |
[No book] |
| [25]ܘܒܲܠܚܘܿܕ݂ ܠܵܐ ܗܘ̤ܵܐ ܐܵܚܵܒ̣: ܕܐܸܬ̣ܚܲܫܲܒ̣ ܠܡܸܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܕܓܲܪܓܬܹܗ ܐܝܼܙܒܸܠ ܐܲܢ̄ܬ̇ܬܹܗ. |
[No book] |
| [26]ܘܐܸܬ̣ܛܲܢܲܦ ܛܵܒ̣:ܘܐܸܙܲܠ ܒܵܬܲܪ ܦܬܲܟ݂ܪܹ̈ܐ: ܐܲܝܟ݂ ܕܲܥ̣ܒܲܕ݂ܘ ܐܵܡܘܿܪ̈ܵܝܹܐ ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡ ܒ̈ܢܲܝ ܝܼܣܪܵܝܹܠ. |
[No book] |
| [27]ܘܟܲܕ݂ ܫܡܲܥ ܐܵܚܵܒ̣ ܦܸܬ̣ܓ̣ܵܡܵܐ ܗܵܢܵܐ: ܨܲܪܝܼ ܠܒ̣ܘܼܫܵܘ̈ܗܝ: ܘܐܸܬ̣ܟܲܣܝܼ ܣܲܩܵܐ ܥܲܠ ܒܸܣܪܹܗ. ܘܨܵܡ: ܘܫܟ݂ܒ̣ ܒܣܲܩܵܐ: ܘܗܲܠܸܟ݂ ܚܸܦܝܵܝ ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܹܠܝܼܵܐ ܕܡ̣ܢ ܬܲܫܒ̇ܝܼ ܠܡܹܐܡܲܪ. |
[No book] |
| [28]ܚܙܲܝܬ̇ ܕܲܒ̣ܗܸܬ̣ ܐܵܚܵܒ̣ ܡ̣ܢ ܩܕ݂ܵܡܲܝ. ܚܠܵܦ ܕܲܒ̣ܗܸܬ̣ ܡ̣ܢ ܩܕ݂ܵܡܲܝ: ܠܵܐ ܐܲܝܬܹ̇ܐ ܒܝܼܫܬܵܐ ܒܝܵܘܡܵܘ̈ܗܝ. ܒܝܵܘ̈ܡܲܝ ܒܪܹܗ ܐܲܝܬܹ̇ܐ ܒܝܫܬܵܐ ܥܲܠ ܒܲܝܬܹ̇ܗ. |
[No book] |