➖ »
«
➖ ➕
Peshitta OT
PesOT
The Works of Flavius Josephus
Josephus
←
1 Kings
1Kg
4
→
[1]ܘܲܗܘ̤ܵܐ ܫܠܹܝܡܘܿܢ ܡܲܠܟܵܐ ܥܲܠ ܟܠܹܗ ܝܼܣܪܵܝܹܠ. [No book]
[2]ܘܗܵܠܹܝܢ ܪܵܘ̱ܪ̈ܒ̣ܵܢܹܐ ܕܝܼܠܹܗ: ܥܲܙܲܪܝܵܐ ܒܲܪ ܨܵܕ݂ܘܿܩ ܟܵܗܢܵܐ. [No book]
[3]ܐܹܠܝܼܚܪܲܦ ܘܐܲܚܝܼܵܐ ܒ̈ܢܲܝ ܫܝܼܫܵܐ ܣܵܦܪܹ̈ܐ: ܘܝܘܿܫܵܦܵܛ ܒܲܪ ܐܲܚܝܼܠܘܿܕ݂ ܡܥܲܗܕ݂ܵܢܵܐ. [No book]
[4]ܘܲܒ̣ܢܵܝܵܐ ܒܲܪ ܝܘܿܝܵܕ݂ܵܥ ܥܲܠ ܚܲܝܠܵܐ: ܘܨܵܕ݂ܘܿܩ ܘܐܲܒ̣ܝܼܬܲܪ ܟܵܗ̈ܢܹܐ. [No book]
[5]ܘܥܲܙܲܪܝܵܐ ܒܲܪ ܢܵܬ̣ܵܢ ܥܲܠ ܩܲܝܘܼܡܹ̈ܐ: ܘܙܵܒ̣ܘܼܪ ܒܲܪ ܢܵܬ̣ܵܢ ܟܵܗܢܵܐ ܪܲܚܡܵܐ ܕܡܲܠܟܵܐ. [No book]
[6]ܘܐܲܒ̣ܝܼܥܫܵܪ ܪܲܒ̇ ܒܲܝܬܵܐ: ܘܐܲܕ݂ܘܿܢܝܼܪܵܡ ܒܲܪ ܥܲܒ̣ܕܵܐ ܥܲܠ ܡܲܕ̇ܐܬ̣ܵܐ. [No book]
[7]ܘܠܲܫܠܹܝܡܘܿܢ ܬܪܸܥܣܲܪ ܩܲܝܘܼ̈ܡܹܐ ܗܵܠܹܝܢ ܥܲܠ ܟܠܹܗ ܝܼܣܪܵܝܹܠ ܘܲܡܬܲܪܣܹܝܢ ܠܡܲܠܟܵܐ ܘܲܠܒܲܝܬܹ̇ܗ ܘܲܠܚܲܝܠܵܐ. ܝܲܪܚܵܐ ܒܫܲܢ̄ܬܵܐ ܐܵܚܹܕ݂ ܥܲܠ ܚܲܕ݂ ܠܲܡܬܲܪܣܵܝܘܼ. [No book]
[8]ܘܲܗܵܠܹܝܢ ܫܡܵܗܲܝ̈ܗܘܿܢ: ܒܲܪ ܚܘܿܪ ܒܛܘܼܪܵܐ ܕܐܲܦܪܹܝܡ. [No book]
[9]ܒܲܪ ܕܩܲܪ ܒܡܲܩܲܨ ܘܲܒ̣ܫܲܥ̱ܠܒ̣ܝܼܡ: ܘܲܒ̣ܒܹܝܬ̣ ܫܡܸܫ: ܘܒ̣ܐܝܼܠܘܿܢ ܕܒܹܝܬ̣ ܚܲܢܵܢ. [No book]
[10]ܒܲܪ ܚܲܣܲܕ݂ ܒܪܲܒ̇ܘܼܬ̣: ܕܝܼܠܹܗ ܣܵܟ݂ܘܼܬ̣ ܘܟ݂ܠܵܗ̇ ܐܲܪܥܵܐ ܕܚܵܦܵܪ. [No book]
[11]ܒܲܪ ܐܲܒ̣ܝܼܥܵܕ݂ܵܒ̣ ܒܲܢܦܬ̇ܕ̇ܘܿܪ: ܛܵܦܲܬ̣ ܒܵܪܬ̣ ܫܠܹܝܡܘܿܢ ܗܘ̤ܵܬ̣ ܠܹܗ ܐܲܢ̄ܬ̇ܬ̣ܵܐ. [No book]
[12]ܒܲܥܢܵܐ ܒܲܪ ܐܲܚܠܘܿܕ݂ ܒܬܲܥܢܵܟ݂ ܘܲܒ̣ܡܲܓܕܘܿ: ܘܲܒ̣ܟ݂ܠ ܒܹܝܬ̣ ܝܵܫܵܢ ܕܥܲܠ ܓܹܢ̄ܒ̣ ܨܲܪܬܵܢ: ܡ̣ܢ ܬܚܹܝܬ̣ ܠܐܝܼܙܲܪܥܹܝܠ: ܡ̣ܢ ܒܹܝܬ̣ ܝܵܫܵܢ ܘܲܥܕܲܡܵܐ ܠܐܲܒܸܠ ܡܚܘܿܠܵܐ: ܘܲܥܕܲܡܵܐ ܠܥܸܒ̣ܪܵܐ ܕܲܢܩܸܡܥܲܡ. [No book]
[13]ܒܲܪ ܓܲܒܲܪ ܒܪܵܡܲܬ̣ ܓܸܠܥܵܕ݂: ܕܝܼܠܹܗ ܚܒܸܠ ܝܵܐܝܼܪ ܒܲܪ ܡܢܲܫܹܐ: ܕܝܼܠܹܗ ܚܒܸܠ ܐܲܪܓ̇ܘܿܒ̣ ܕܲܒ̣ܒܲܝܫܵܢ ܫܬ̇ܝܼܢ ܩܘܼܪ̈ܝܵܐ ܪܵܘ̱ܪ̈ܒ̣ܵܬ̣ܵܐ: ܕܐܝܼܬ̣ ܠܗܹܝܢ ܫܘܼܪܹ̈ܐ ܘܣܘܼܟ̇ܪܹ̈ܐ ܘܬܲܪ̈ܥܹܐ ܕܲܢܚܵܫܵܐ. [No book]
[14]ܐܲܚܝܼܢܵܕ݂ܵܒ̣ ܒܲܪ ܓܲܕ̇ܘܼ ܒܡܸ̇ܚܢܝܼܡ. [No book]
[15]ܐܲܚܝܼܡܥܨ ܒܢܲܦ̮ܬܵܠܝܼ: ܐܵܦ ܗ̤ܘ ܢܣܲܒ̣ ܠܒܸܣܡܲܬ̣ ܒܲܪܬܹܗ ܕܲܫܠܹܝܡܘܿܢ ܐܲܢ̄ܬ̇ܬ̣ܵܐ. [No book]
[16]ܒܲܥܢܵܐ ܒܲܪ ܚܘܿܫܝܼ ܒܐܵܫܹܝܪ ܘܲܒ̣ܥܵܠܘܼܬ̣. [No book]
[17]ܝܘܿܫܵܦܵܛ ܒܲܪ ܦܵܪܘܿܚ ܒܐܝܼܣܵܟ݂ܵܪ. [No book]
[18]ܫܲܡܥܝܼ ܒܲܪ ܐܲܠܵܐ ܒܒܸܢܝܵܡܹܝܢ. [No book]
[19]ܓܲܒܲܪ ܒܲܪ ܐܘܿܪܝܼ ܒܐܲܪܥܵܐ ܕܓܸܠܥܵܕ݂: ܐܲܪܥܵܐ ܕܣܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ: ܘܥܘܿܓ̣ ܡܲܠܟܵܐ ܕܒܲܝܫܵܢ: ܘܩܲܝܘܼܡܵܐ ܚܲܕ݂ ܕܒܲܐܪܥܵܐ. [No book]
[20]ܘܲܝܗܘܼܕ݂ܐ ܘܝܼܣܪܵܝܹܠ: ܣܲܓ̇ܝܼܐܝܼܢ ܐܲܝܟ݂ ܚܵܠܵܐ ܕܥܲܠ ܣܦܲܬ̣ ܝܲܡܵܐ: ܣܘܿܓ̣ܵܐܐ: ܐܵܟ݂ܠܝܼܢ ܘܫܵܬܹܝܢ ܘܚܵܕ݂ܝܼܢ. [No book]
[21]ܘܲܫܠܹܝܡܘܿܢ ܫܲܠܝܼܛ ܗ̄ܘ̣̱ܵܐ ܒܟ݂ܠܗܹܝܢ ܡܲܠܟ̇ـ̈ـܘܵܬ̣ܵܐ: ܡ̣ܢ ܢܲܗܪܵܐ ܕܐܲܪܥܵܐ ܕܲܦܠܸܫ̈ܬܵܝܹܐ: ܘܲܥܕܲܡܵܐ ܠܲܬ̣ܚܘܼܡܵܐ ܕܡܸܨܪܹܝܢ ܘܲܡܩܲܪܒ̣ܝܼܢ ܩܘܼܪ̈ܒܵܢܹܐ: ܘܦܵܠܚܝܼܢ ܠܡܲܠܟܵܐ ܫܠܹܝܡܘܿܢ ܟܠ ܝܵܘ̈ܡܲܝ ܚܲܝܵܘ̈ܗܝ. [No book]
[22]ܘܲܗܘ̤ܵܐ ܠܲܚܡܹܗ ܕܲܫܠܹܝܡܘܿܢ ܒܝܵܘܡܵܐ ܚܲܕ݂ ܬܠܵܬ̣ܝܼܢ ܟܘܿܪ̈ܝܼܢ ܣܡܝܼܕ݂ܵܐ: ܘܸܫܬ̇ܝܼܢ ܟܘܿܪ̈ܝܼܢ ܩܲܡܚܵܐ. [No book]
[23]ܘܥܸܣܪܵܐ ܬܵܘܪ̈ܝܼܢ ܕܦܸܛܡܵܐ: ܘܥܸܣܪܝܼܢ ܬܵܘܪ̈ܝܼܢ ܕܪܸܥܝܵܐ: ܘܲܡܵܐܐ ܥܵـ̈ـܢܵܐ: ܣܛܲܪ ܡ̣ܢ ܐܲܝ̈ܠܹܐ: ܘܲܛܒܲـ̈ـܝܵܐ: ܘܝܲܚܡܘܼܪܹ̈ܐ: ܘܥܵܘܦܵܐ ܡܦܲܛܡܵܐ. [No book]
[24]ܡܸܛܠ ܕܗ̤ܘ ܫܲܠܝܼܛ ܗ̄ܘ̣ܵܐ ܒܟ݂ܠ ܥܒ̣ܵܪ ܢܲܗܪܵܐ: ܡ̣ܢ ܬܲܚܦܝܼܣ ܘܲܥܕܲܡܵܐ ܠܥܵܐܙܵܐ: ܘܲܒ̣ܟ݂ܠܗܘܿܢ ܡܲܠ̈ܟܹ̇ܐ ܕܒܲܥܒ̣ܵܪ ܢܲܗܪܵܐ ܘܲܫܠܵܡܵܐ ܗܘ̤ܵܐ ܠܹܗ ܡ̣ܢ ܟܠܗܘܿܢ ܣܸܛܪ̈ܵܘܗܝ ܘܡ̣ܢ ܟܠܗܘܿܢ ܚܕ݂ܵܪ̈ܵܘܗܝ. [No book]
[25]ܘܝܼܬܸܒ̣ ܝܼܗܘܼܕ݂ܵܐ ܘܝܼܣܪܵܝܹܠ ܒܫܸܠܝܵܐ: ܐ̄ܢܵܫ ܬܚܹܝܬ̣ ܓܘܼܦܢܵܘ̈ܗܝ: ܘܲܬ̣ܚܹܝܬ̣ ܬܹܐܢܵܘ̈ܗܝ: ܡ̣ܢ ܕܵܢ ܘܲܥܕܲܡܵܐ ܠܒܲܪ ܫܒܲܥ: ܟܠܗܘܿܢ ܝܵܘ̈ܡܵܬܹܗ ܕܲܫܠܹܝܡܘܿܢ. [No book]
[26]ܘܲܗܘ̤ܵܘ ܠܲܫܠܹܝܡܘܿܢ: ܐܲܪܒ̇ܥܝܼܢ ܐܲܠܦ̈ܝܼܢ ܐܘܿܪ̈ܵܘܵܢ ܕܪ̈ܲܟ݂ܫܵܐ ܠܲܪܟ݂ܘܿܒܹܗ: ܘܲܬ̣ܪܸܥܣܲܪ ܐܲܠܦ̈ܝܼܢ ܦܲܪ̈ܵܫܝܼܢ. [No book]
[27]ܘܲܡܬܲܪܣܹܝܢ ܩܲܝܘܼܡܹ̈ܐ ܗܵܠܹܝܢ ܠܡܲܠܟܵܐ ܫܠܹܝܡܘܿܢ. ܘܲܠܟ݂ܠ ܕܩܵܪܸܒ̣ ܠܦܵܬ̣ܘܿܪܹܗ ܕܡܲܠܟܵܐ ܫܠܹܝܡܘܿܢ: ܓܒܲܪ ܒܝܲܪܚܹܗ: ܘܠܵܐ ܡܒܲܨܪܝܼܢ ܡܸܕܸ̇ܡ. [No book]
[28]ܘܲܣܥܵܪܹ̈ܐ ܘܬܸܒ̣ܢܵܐ ܠܪ̈ܲܟ݂ܫܵܐ ܘܲܠܣܘܼܣܵـ̈ـܘܵܬ̣ܵܐ: ܡܲܝܬܹ̇ܝܢ ܠܐܲܬ̣ܪܵܐ ܕܗܵܘܹ̇ܐ ܬܲܡܵܢ ܐ̄ܢܵܫ ܐܲܝܟ݂ ܙܸܕ݂ܩܹܗ. [No book]
[29]ܘܝܲܗ̄ܒ̣ ܐܲܠܵܗܵܐ ܠܲܫܠܹܝܡܘܿܢ ܚܸܟ݂ܡ̱ܬ̣ܵܐ ܘܣܲܟ̇ܘܼܠܬ̣ܵܢܘܼܬ̣ܵܐ ܘܪܲܒ̇ܘܼܬ̣ ܠܸܒܵܐ: ܣܘܿܓ̣ܵܐܐ ܕܛܵܒ̣. [No book]
[30]ܘܣܸܓܝܲܬ̤ ܚܸܟ݂ܡ̱ܬܹܗ ܕܲܫܠܹܝܡܘܿܢ ܡ̣ܢ ܚܸܟ݂ܡܲܬ̣ ܟܠ ܒ̈ܢܲܝ ܡܲܕ݂ܢ̱ܚܵܐ: ܘܡ̣ܢ ܚܸܟ݂ܡܲܬ̣ܗܘܿܢ ܕܡܸܨܪ̈ܵܝܹܐ. [No book]
[31]ܘܲܗܘ̤ܵܐ ܚܲܟ̇ܝܼܡ ܡ̣ܢ ܟܠ ܐ̄ܢܵܫ: ܡ̣ܢ ܐܵܬ̣ܵܢ ܡܲܕ݂ܢ̱ܚܵܝܵܐ: ܘܗܵܡܵܢ ܘܟܲܠܟܵܠ ܘܕܲܪܕܲܥ ܒ̈ܢܲܝ ܡܵܚܘܿܠ. ܘܲܗܘ̤ܵܐ ܫܡܹܗ ܒܟ݂ܠܗܘܿܢ ܥܲܡܡܹ̈ܐ: ܕܒܲܚܕ݂ܵܪ̈ܵܘܗܝ. [No book]
[32]ܘܡܲܠܸܠ̣ ܬܠܵܬ̣ܵܐ ܐܲܠܦ̈ܝܼܢ ܡܲܬ̣̈ܠܝܼܢ. ܘܲܗ̤ܘܲܝ̈ ܬܸܫܒ̇ـ̈ـܚܵܬܹܗ ܐܵܠܹܦ ܘܚܲܡܸܫ. [No book]
[33]ܘܡܲܠܸܠ̣ ܥܲܠ ܐܝܼܠܵܢܹ̈ܐ: ܡ̣ܢ ܐܲܪ̈ܙܹܐ ܕܠܸܒ̣ܢܵܢ: ܘܲܥܕܲܡܵܐ ܠܠܵܘܦܵܐ ܕܢܵܦܹ̇ܩ ܒܐܸܣܬ̣ܵܐ. ܘܡܲܠܸܠ. ܥܲܠ ܒܥܝܼܪܵܐ ܘܥܲܠ ܦܵܪܲܚܬ̣ܵܐ: ܘܥܲܠ ܪ̈ܲܚܫܵܐ ܘܥܲܠ ܢܘܼܢܹ̈ܐ. [No book]
[34]ܘܐܵܬܹ̇ܝܢ ܡ̣ܢ ܟܠܗܘܿܢ ܥܲܡܡܹ̈ܐ ܠܡܸܫܡܲܥ ܚܸܟ݂ܡ̱ܬܹܗ ܕܲܫܠܹܝܡܘܿܢ: ܡܟ̤!!!! ܟܠܗܘܿܢ ܡܲܠ̈ܟܹ̇ܐ ܕܐܲܪܥܵܐ. ܘܲܡܩܲܒܸ̇ܠ ܗ̄ܘ̣ܵܐ ܩܘܼܪ̈ܒܵܢܹܐ: ܡ̣ܢ ܟܠܗܘܿܢ ܡܲܠ̈ܟܹ̇ܐ ܕܐܲܪܥܵܐ ܕܲܫܡܲܥܘ ܚܸܟ݂ܡ̱ܬܹܗ. [No book]
Author: Flavius Josephus
Translation: William Whiston, L.A. (1737)

See information...
Top