|
|
| [1]ܘܲܗܘ̤ܵܐ ܝܵܘܡܵܐ: ܘܐܸܡܲܪ ܝܘܿܢܵܬ̣ܵܢ ܒܲܪ ܫܵܐܘܿܠ ܠܛܲܠܝܵܐ ܕܲܫܩܝܼܠ ܡܵܐ̈ܢܵܘܗܝ: ܬܵܐ ܢܸܥܒܲܪ ܠܲܩܝܵܡܵܐ ܕܲܦܠܸܫ̈ܬܵܝܹܐ ܠܥܸܒ̣ܪܵܐ ܕܲܠܗܲܠ. ܘܠܲܐܒ̣ܘܼܗܝ ܠܵܐ ܚܵܘܝܼ. |
[No book] |
| [2]ܘܫܵܐܘܿܠ ܝܵܬܹܒ̣ ܒܣܵܘܦܵܗ̇ ܕܪܵܘܬ̣ܵܐ ܬܚܹܝܬ̣ ܪܘܼܡܵܢܵܐ ܕܲܒ̣ܓܸܒ̣ܥܘܿܢ: ܘܥܲܡܵܐ ܐܝܼܬ̣ ܗ̄ܘ̣ܵܐ ܥܲܡܹܗ ܐܲܝܟ݂ ܫܸܬܡܵܐܐ ܓܲܒ̣ܪ̈ܝܼܢ. |
[No book] |
| [3]ܘܐܲܚܝܵܐ ܒܲܪ ܐܲܚܛܝܘܿܒ̣: ܐܲܚܘܼܗܝ ܕܝܘܼܟ݂ܵܒ̣ܵܪ ܒܲܪ ܦܝܼܢܚܸܣ ܒܲܪ ܥܹܠܝܼ ܟܵܗܢܹܗ ܕܡܵܪܝܵܐ ܕܲܒ̣ܫܝܼܠܘܿ: ܘܫܵܩܹܠ ܦܸܕ̇ܬ̣ܵܐ. ܘܥܲܡܵܐ ܠܵܐ ܝܼܕܲܥܘ ܕܐܸܙܲܠ ܝܘܿܢܵܬ̣ܵܢ ܠܒܹܝܬ̣ ܡܲܥܒܲܪܬܵܐ. |
[No book] |
| [4]ܘܲܒ̣ܥܵܐ ܕܢܸܥܒܲܪ ܠܲܩܝܵܡܵܐ ܕܲܦܠܸܫ̈ܬܵܝܹܐ: ܘܫܸܢܵܐ ܕܟܹܐܦܵܐ ܡ̣ܢ ܥܸܒ̣ܪܵܐ ܡܸܟܵܐ: ܘܫܸܢܵܐ ܐ̄ܚܪܹܬ̣ܵܐ ܕܟܹܐܦܵܐ ܡܸܟܵܐ. ܫܡܵܗ̇ ܕܲܚܕ݂ܵܐ ܒܵܨܘܿܨ: ܘܲܫܡܵܗ̇ ܕܐܲܚܪܹܬ̣ܵܐ ܣܝܼܥܵܐ. |
[No book] |
| [5]ܫܸܢܵܐ ܚܕ݂ܵܐ ܢܵܓ̣ܕܵܐ ܡ̣ܢ ܓܲܪܒ̇ܝܵܐ ܠܘܼܩܒܲܠ ܡܲܟ݂ܡܲܣ: ܘܐܲܚܪܹܬ̣ܵܐ ܡ̣ܢ ܬܲܝܡܢܵܐ ܠܘܼܩܒܲܠ ܓܒܲܥ. |
[No book] |
| [6]ܘܐܸܡܲܪ ܝܘܿܢܵܬ̣ܵܢ ܠܛܲܠܝܵܐ ܕܲܫܩܝܼܠ ܡܵܐܢܵܘ̈ܗܝ: ܬܵܐ ܢܸܥܒܲܪ ܠܲܩܝܵܡܵܐ ܕܥܘܼܪ̈ܠܹܐ ܗܵܠܹܝܢ: ܛܵܟ݂ ܢܥܲܕܪܲܢ ܡܵܪܝܵܐ: ܡܸܛܠ ܕܠܲܝܬ̇ ܟܵܠܝܼܬ̣ܵܐ ܠܡܵܪܝܵܐ: ܠܡܸܦܪܲܩ ܒܣܲܓ̇ܝܼ ܐܵܘ ܒܲܙܥܘܿܪ. |
[No book] |
| [7]ܘܐܸܡܲܪ ܠܹܗ ܫܵܩܹܠ ܡܵܐܢܵܘ̈ܗܝ: ܥܒܸܕ݂ ܟܠ ܕܲܒ̣ܠܸܒܵܟ݂: ܘܲܣܛܝܼ ܙܸܠ: ܗܵܐ ܐܸܢܵܐ ܥܲܡܵܟ݂: ܟܠ ܕܲܒ̣ܠܸܒܵܟ݂ ܥܒܸܕ݂. |
[No book] |
| [8]ܘܐܸܡܲܪ ܠܹܗ ܝܘܿܢܵܬ̣ܵܢ: ܗܵܐ ܚܢܲܢ ܥܵܒ̣ܪܝܼܢܲܢ ܥܲܠ ܓܲܒ̣ܪܹ̈ܐ: ܘܢܸܬ̣ܓ̇ܠܸܐ ܠܗܘܿܢ. |
[No book] |
| [9]ܐܸܢ ܗܵܟܲܢܵܐ ܢܹܐܡܪܘܿܢ ܠܲܢ ܫܬ̣ܘܿܩܘ ܥܲܕ݂ ܢܸܡܛܸܐ ܠܘܵܬ̣ܟ݂ܘܿܢ: ܢܩܘܼܡ ܒܕ݂ܘܼܟ݂ܬܲܢ: ܘܠܵܐ ܢܸܣܲܩ ܥܠܲܝܗܘܿܢ. |
[No book] |
| [10]ܘܐܸܢ ܗܵܟܲܢܵܐ ܢܹܐܡܪܘܼܢ ܠܲܢ ܣܲܩܘ ܠܘܵܬܲܢ. ܢܸܣܲܩ: ܡܸܛܠ ܕܐܲܫܠܸܡ ܐܸܢܘܿܢ ܡܵܪܝܵܐ ܐܲܠܵܗܲܢ ܒܐܝܼܕܲܢ: ܗܵܕܹܐ ܠܲܢ ܐܵܬ̤ܵܐ. |
[No book] |
| [11]ܘܐܸܬ̣ܓ̇ܠܝܼܘ ܬܪ̈ܲܝܗܘܿܢ ܥܲܠ ܩܝܵܡܵܐ ܕܲܦܠܸܫ̈ܬܵܝܹܐ: ܘܐܸܡܲܪܘ ܦܠܸܫ̈ܬܵܝܹܐ: ܗܵܐ ܥܸܒ̣ܪ̈ܝܹܐ ܢܵܦܩܝܼܢ ܡ̣ܢ ܚ̈ܠܹܠܹܐ ܕܐܸܬ̇ܛܲܫܝܼܘ ܬܲܡܵܢ. |
[No book] |
| [12]ܘܲܥܢܵܘ ܐ̄ܢܵܫܲܝ̈ ܩܝܵܡܵܐ ܠܝܘܿܢܵܬ̣ܵܢ ܘܲܠܫܵܩܹܠ ܡܵܐܢܵܘ̈ܗܝ ܘܐܸܡܲܪܘ: ܣܲܩܘ ܠܘܵܬܲܢ ܘܢܵܘܕܲܥܟ݂ܘܿܢ ܦܸܬ̣ܓ̣ܵܡܵܐ. ܘܐܸܡܲܪ ܝܘܿܢܵܬ̣ܵܢ ܠܫܵܩܹܠ ܡܵܐܢܵܘ̈ܗܝ: ܣܲܩ ܒܵܬܲܪܝ: ܡܸܛܠ ܕܐܲܫܠܸܡ ܐܸܢܘܿܢ ܡܵܪܝܵܐ ܒܐܝܼܕ݂ܵܐ ܕܝܼܣܪܵܝܹܠ. |
[No book] |
| [13]ܘܲܣܠܸܩ ܝܘܿܢܵܬ̣ܵܢ ܥܲܠ ܐܝܼܕ݂ܵܘ̈ܗܝ ܘܥܲܠ ܪܸ̈ܓ̣ܠܵܘܗܝ: ܘܫܵܩܹܠ ܡܵܐܢܵܘ̈ܗܝ ܒܵܬ̣ܪܹܗ. ܘܲܢܦܲܠ ܩܝܵܡܵܐ ܕܲܦܠܸܫ̈ܬܵܝܹܐ ܩܕ݂ܵܡ ܝܘܿܢܵܬ̣ܵܢ: ܘܫܵܩܹܠ ܡܵܐܢܵܘ̈ܗܝ ܡܩܲܛܸܠ ܗ̄ܘ̣ܵܐ ܒܵܬ̣ܪܹܗ. |
[No book] |
| [14]ܘܲܗܘ̤ܵܬ̣ ܡܚܘܿܬ̣ܵܐ ܩܲܕ݂ܡܵܝܬܵܐ ܕܲܡܚܵܐ ܝܘܿܢܵܬܲܢ ܘܫܵܩܹܠ ܡܵܐܢܵܘ̈ܗܝ: ܐܲܝܟ݂ ܥܸܣܪܝܼܢ ܓܲܒ̣ܪ̈ܝܼܢ: ܐܲܝܟ݂ ܦܵܣ̈ܘܿܠܹܐ ܘܐܲܝܟ݂ ܕܲܒ̣ܪ̈ܲܝ ܦܲܕܵܢܹ̈ܐ ܒܚܲܩܠܵܐ. |
[No book] |
| [15]ܘܲܗܘ̤ܵܬ̣ ܙܵܘܥܬ̣ܵܐ ܡ̣ܢ ܡܲܫܪܝܼܬ̣ܵܐ ܕܲܒ̣ܚܲܩܠܵܐ: ܘܲܒ̣ܟ݂ܠܹܗ ܥܲܡܵܐ ܕܩܵܐܹܡ. ܘܲܡܚܲـ̈ܒ̇ܠܵܢܹܐ ܙܵܥܘ ܐܵܦ ܗܸܢܘܿܢ: ܘܙܵܥܲܬ̤ ܐܲܪܥܵܐ. ܘܲܗܘ̤ܵܬ̣ ܥܠܲܝܗܘܿܢ ܕܸܚܠܬܹܗ ܕܡܵܪܝܵܐ. |
[No book] |
| [16]ܘܲܚܙܵܘ ܕܵܘܩܹ̈ܐ ܕܫܵܐܘܿܠ ܕܒܲܓ̣ܥܬ̣ܵܐ ܕܒܸܢܝܵܡܹܝܢ. ܘܗܵܐ ܚܲܝܠܵܐ ܕܲܦܠܸܫ̈ܬܵܝܹܐ ܙܵܥ ܘܐܸܙܲܠ ܘܐܸܬ̇ܬ̇ܒܲܪ. |
[No book] |
| [17]ܘܐܸܡܲܪ ܫܵܐܘܿܠ ܠܥܲܡܵܐ ܕܥܲܡܹܗ: ܦܩܘܿܕ݂ܘ ܘܲܚܙܵܘ ܡܲܢܘܼ ܐܸܙܲܠ ܡܸܢܲܢ. ܘܲܦܩܲܕ݂ܘ ܘܲܚܙܵܘ: ܘܗܵܐ ܠܲܝܬ̇ ܝܘܿܢܵܬ̣ܵܢ ܘܫܵܩܹܠ ܡܵܐܢܵܘ̈ܗܝ. |
[No book] |
| [18]ܘܐܸܡܲܪ ܫܵܐܘܿܠ ܠܐܲܚܝܼܵܐ: ܩܲܪܒ̣ ܐܵܪܘܿܢܹܗ ܕܐܲܠܵܗܵܐ. ܡܸܛܠ ܕܬܲܡܵܢ ܗ̄ܘ̣ܵܐ ܐܵܪܘܿܢܹܗ ܕܡܵܪܝܵܐ: ܒܝܵܘܡܵܐ ܗܵܘ̇ ܥܲܡ ܒ̈ܢܲܝ ܝܼܣܪܵܝܹܠ. |
[No book] |
| [19]ܘܗܘ̤ܵܐ ܕܟܲܕ݂ ܐܸܡܲܪ ܫܵܐܘܿܠ ܠܟ݂ܵܗܢܵܐ: ܚܲܝܠܵܐ ܕܲܒ̣ܡܲܫܪܝܼܬ̣ܵܐ ܕܲܦܠܸܫ̈ܬܵܝܹܐ ܐܸܙܲܠ ܣܘܿܓ̣ܵܐܐ. ܘܐܸܡܲܪ ܫܵܐܘܿܠ ܠܟ݂ܵܗܢܵܐ ܟܢܘܿܫ ܐܝܼܕ݂ܵܟ݂. |
[No book] |
| [20]ܘܲܩܥܵܐ ܫܵܐܘܿܠ ܘܟ݂ܠܹܗ ܥܲܡܵܐ ܕܥܲܡܹܗ: ܘܐܸܬ̣ܵܐܘ ܥܕܲܡܵܐ ܠܲܩܪܵܒ̣ܵܐ: ܘܗܵܐ ܥܘ̤ܬ̣ ܬܲܡܵܢ ܚܲܪܒܹ̇ܗ ܕܓܲܒ̣ܪܵܐ ܒܚܲܒ̣ܪܹܗ: ܫܓ̣ܝܼܫܬܵܐ ܪܲܒ̇ܬ̣ܵܐ ܕܛܵܒ̣. |
[No book] |
| [21]ܥܸܒ̣ܪ̈ܵܝܹܐ ܘܲܦܠܸܫ̈ܬܵܝܹܐ: ܐܲܝܟ݂ ܕܐܸܬ̣ܡܵܠܝ ܘܐܲܝܟ݂ ܕܡ̣ܢ ܡܢܵܬ̣ܡܵܠܝ. ܘܲܣܠܸܩܘ ܥܲܡܗܘܿܢ ܠܡܲܫܪܝܼܬ̣ܵܐ: ܘܲܚܕ݂ܝܼܪܝܼܢ ܐܵܦ ܗܸܢܘܿܢ ܠܡܸܗܘܵܐ ܥܲܡ ܒ̈ܢܲܝ ܝܼܣܪܵܝܹܠ: ܘܥܲܡ ܫܵܐܘܿܠ ܘܥܲܡ ܝܘܿܢܵܬ̣ܵܢ. |
[No book] |
| [22]ܘܟ݂ܠܗܘܿܢ ܓܲܒ̣ܪܹ̈ܐ ܕܝܼܣܪܵܝܹܠ ܕܲܡܛܲܫܹܝܢ ܒܛܘܼܪܵܐ ܕܐܲܦܪܹܝܡ: ܫܡܲܥܘ ܕܲܥܪܲܩܘ ܦܠܸܫ̈ܬܵܝܹܐ ܡ̣ܢ ܩܕ݂ܵܡ ܒ̈ܢܲܝ ܝܼܣܪܵܝܹܠ: ܘܐܸܙܕܲܝܲܢܘ ܐܵܦ ܗܸܢܘܿܢ ܒܵܬܲܪܗܘܿܢ ܠܲܩܪܵܒ̣ܵܐ. |
[No book] |
| [23]ܘܲܦܪܲܩ ܡܵܪܝܵܐ ܠܝܼܣܪܵܝܹܠ ܒܝܵܘܡܵܐ ܗܵܘ̇. ܘܲܩܪܵܒ̣ܵܐ ܥܒܲܪ ܠܗܘܿܢ ܒܹܝܬ̣ ܐܘܿܢ ܠܓܲܒ̣ܪܹ̈ܐ ܕܝܼܣܪܵܝܹܠ. |
[No book] |
| [24]ܘܲܩܪܒ̣ ܫܵܐܘܿܠ ܒܝܵܘܡܵܐ ܗܵܘ̇ ܘܐܸܡܲܪ ܠܥܲܡܵܐ: ܠܝܼܛ ܗ̄ܘ̣ ܓܲܒ̣ܪܵܐ ܕܢܹܐܟ݂ܘܿܠ ܠܲܚܡܵܐ ܥܕܲܡܵܐ ܠܪܲܡܫܵܐ: ܥܕܲܡܵܐ ܕܐܸܬ̣ܦܪܲܥ ܡ̣ܢ ܒܥܸܠܕܒ̣ܵܒܲܝ̈. ܘܠܵܐ ܛܥܸܡܘ ܟܠܹܗ ܥܲܡܵܐ ܠܲܚܡܵܐ. |
[No book] |
| [25]ܘܐܸܙܲܠܘ ܒܟ݂ܠܵܗ̇ ܐܲܪܥܵܐ: ܘܥܲܠܘ ܒܥܵܒ̣ܵܐ. ܘܗܵܐ ܕܸܒ̣ܫܵܐ ܒܥܵܒ̣ܵܐ ܥܲܠ ܐܲܦܲܝ̈ ܚܲܩܠܵܐ: ܘܥܲܠܘ ܥܲܡܵܐ ܒܥܵܒ̣ܵܐ. ܘܪܵܕܹܐ ܗ̄ܘ̣ܵܐ ܕܸܒ̣ܫܵܐ. |
[No book] |
| [26]ܘܠܲܝܬ̇ ܕܡܵܛܘܫܸܛ ܐܝܼܕܹܗ ܠܦܘܼܡܹܗ: ܡܸܛܠ ܕܲܕ݂ܚܸܠܘ ܥܲܡܵܐ ܡ̣ܢ ܡܵܘܡܵܬ̣ܵܐ. |
[No book] |
| [27]ܘܝܘܿܢܵܬ̣ܵܢ ܠܵܐ ܫܸܡܲܥ ܟܲܕ݂ ܐܵܘܡܝܼ ܐܲܒ̣ܘܼܗܝ ܠܥܲܡܵܐ: ܘܐܵܘܫܸܛ ܗ̤ܘ ܒܪܹܫ ܚܘܼܛܪܵܐ ܕܒ̣ܐܝܼܕܹܗ: ܘܛܲܡܫܹܗ ܒܟܲܟܵܪܝܼܬ̣ܵܐ ܕܕܸܒ̣ܫܵܐ: ܘܐܲܗܦܸܟ݂ ܐܝܼܕܹܗ ܠܦܘܼܡܹܗ: ܘܲܢܗܲܪ ܥܲܝܢܵܘ̈ܗܝ. |
[No book] |
| [28]ܘܲܥܢܵܐ ܓܲܒ̣ܪܵܐ ܥܲܡܵܐ ܘܐܸܡܲܪ ܠܝܘܿܢܵܬ̣ܵܢ: ܡܵܘܡܵܝܘܼ ܐܵܘܡܝܼ ܐܲܒ̣ܘܼܟ݂ ܠܥܲܡܵܐ ܘܐܸܡܲܪ: ܠܝܼܛ ܗ̄ܘ̣ ܓܲܒ̣ܪܵܐ ܕܢܹܟ݂ܘܿܠ ܠܲܚܡܵܐ ܝܵܘܡܵܢܵܐ: ܘܐܸܬ̇ܛܲܪܲܦ ܥܲܡܵܐ. |
[No book] |
| [29]ܘܐܸܡܲܪ ܝܘܿܢܵܬ̣ܵܢ: ܕܲܠܚܵܗ̇ ܐܵܒ̣ܝ ܠܐܲܪܥܵܐ: ܚܙܵܘ ܕܲܢܗܲܪ ܥܲܝܢܲܝ̈ ܕܛܸܥܡܹܬ̣ ܩܲܠܝܼܠ ܡ̣ܢ ܕܸܒ̣ܫܵܐ ܗܵܢܵܐ. |
[No book] |
| [30]ܘܐܵܦ ܡܸܛܠ ܕܠܵܐ ܐܸܟܲܠ ܥܲܡܵܐ ܝܵܘܡܵܢܵܐ ܡ̣ܢ ܒܸܙܬ̣ܵܐ ܕܲܒ̣ܥܸܠܕܒ̣ܵܒ̣ܵܘ̈ܗܝ ܕܐܸܫܟܲܚ: ܡܸܛܠ ܗܵܘ̇ ܠܵܐ ܣܲܓܝܼܐܵܐ ܡܚܘܿܬ̣ܵܐ ܒܲܦܠܸܫ̈ܬܵܝܹܐ. |
[No book] |
| [31]ܘܲܚܪܲܒ̣̄ܢ ܝܵܘܡܵܢܵܐ ܒܲܦܠܸܫ̈ܬܵܝܹܐ ܡ̣ܢ ܡܲܟ݂ܡܲܣ ܐܲܝܠܘܿܢ. ܘܐܸܬ̣ܛܲܪܲܦ ܥܲܡܵܐ ܛܵܒ̣. |
[No book] |
| [32]ܘܐܸܬ̣ܠܲܥܲܒ̣ܘ ܥܲܡܵܐ ܥܲܠ ܒܸܙܬ̣ܵܐ: ܘܲܕ݂ܒܲܪܘ ܥܵـ̈ܢܵܐ: ܘܬ̣ܵܘܪܹ̈ܐ: ܘܥܸܓ̣̈ܠܹܐ: ܘܲܢܟܲܣܘ ܥܲܠ ܐܲܪܥܵܐ: ܘܐܸܟܲܠܘ ܥܲܡܵܐ ܥܲܠ ܕܡܵܐ. |
[No book] |
| [33]ܘܚܵܘܝܼܘ ܠܫܵܐܘܿܠ ܘܐܸܡܲܪܘ ܠܹܗ: ܗܵܐ ܥܲܡܵܐ ܚܛܵܘ ܠܡܵܪܝܵܐ ܘܐܵܟ݂ܠܝܼܢ ܥܲܠ ܕܡܵܐ: ܘܐܸܡܲܪ ܫܵܐܘܿܠ ܐܲܥܠܝܼܬ̇ܘܿܢ: ܓܙܘܿܪܘ ܠܝܼ ܝܵܘܡܵܢܵܐ ܟܹܐܦܵܐ ܪܲܒ̇ܬ̣ܵܐ. |
[No book] |
| [34]ܘܐܸܡܲܪ ܫܵܐܘܿܠ: ܐܸܬ̣ܟܲܪܟ̇ܘ ܒܥܲܡܵܐ ܘܐܸܡܲܪܘ ܠܗܘܿܢ: ܩܲܕܒ̣ܘ ܓܒܲܪ ܬܵܘܪܹܗ: ܘܲܓ̣ܒܲܪ ܥܸܪܒܹ̇ܐ. ܘܟ݂ܘܿܣܘ ܗܵܪܟܵܐ. ܘܠܵܐ ܬܸܚܛܘܿܢ ܠܡܵܪܝܵܐ: ܘܬܹܟ݂ܠܘܼܢ ܥܲܠ ܕܡܵܐ. ܘܩܲܪܒ̣ܘ ܟܠܹܗ ܥܲܡܵܐ ܓܒܲܪ ܬܵܘܪܹܗ ܒܐܝܼܕܹܗ ܒܠܸܠܝܵܐ: ܘܢܲܟܲܣܘ ܬܲܡܵܢ. |
[No book] |
| [35]ܘܲܒ̣ܢܵܐ ܬܲܡܵܢ ܫܵܐܘܿܠ ܡܲܕ݂ܒ̇ܚܵܐ ܠܡܵܪܝܵܐ: ܘܫܸܪܝܼ ܠܡܸܒ̣ܢܵܐ ܡܲܕ݂ܒ̇ܚܵܐ ܠܡܵܪܝܵܐ. |
[No book] |
| [36]ܘܐܸܡܲܪ ܫܵܐܘܿܠ: ܢܸܚܘܿܬ̣ ܒܵܬܲܪ ܦܠܸܫ̈ܬܵܝܹܐ: ܘܢܸܒ̇ܘܿܙ ܒܗܘܿܢ: ܥܕܲܡܵܐ ܕܢܵܗܲܪ ܨܲܦܪܵܐ: ܘܠܵܐ ܢܸܫܒ̇ܘܿܩ ܡܸܢܗܘܿܢ ܓܒܲܪ. ܘܐܸܡܲܪܘ: ܟܠ ܕܫܲܦܝܼܪ ܒܥܲܝܢܲܝ̈ܟ ܢܸܥܒܸ̇ܕ݂. |
[No book] |
| [37]ܘܐܸܡܲܪ ܫܵܐܘܿܠ ܠܐܲܠܵܗܵܐ: ܐܸܚܘܿܬ̣ ܒܵܬܲܪ ܦܠܸܫ̈ܬܵܝܹܐ: ܡܲܫܠܸܡ ܠܗܘܿܢ ܒܐܝܼܕ݂ܵܐ ܕܝܼܣܪܵܝܹܠ. ܘܠܵܐ ܥܢܵܝܗܝ ܡܵܪܝܵܐ ܒܝܵܘܡܵܐ ܗܵܘ̇. |
[No book] |
| [38]ܘܐܸܡܲܪ ܫܵܐܘܿܠ: ܩܲܪܸܒ̣ܘ ܠܝܼ ܠܗܵܪܟܵܐ ܠܟ݂ܠܗܹܝܢ ܫܲܪ̈ܒ̣ܵܬܹܗ ܕܥܲܡܵܐ. ܘܕܲܥܘ ܘܲܚܙܵܘ ܒܡܵܢܵܐ ܗܘ̤ܵܬ̣ ܚܛܝܼܬ̣ܵܐ ܗܵܕܹܐ ܝܵܘܡܵܢܵܐ. |
[No book] |
| [39]ܡܸܛܠ ܕܚܲܝ ܗ̄ܘ̣ ܡܵܪܝܵܐ ܕܲܦܪܲܩ ܠܝܼܣܪܵܝܹܠ: ܕܐܸܢ ܐܝܼܬ̣ ܒܝܘܿܢܵܬ̣ܵܢ ܒܹܪܝ: ܐܸܠܵܐ ܡܡܵܬ̣ ܢܡܘܼܬ̣. ܘܠܲܝܬ̇ ܕܲܥܢܵܝܗܝ ܡ̣ܢ ܟܠܹܗ ܥܲܡܵܐ. |
[No book] |
| [40]ܘܐܸܡܲܪ ܠܟ݂ܠܹܗ ܝܼܣܪܵܝܹܠ: ܐܲܢ̄ܬ̇ܘܿܢ ܗܘ̤ܵܘ ܒܣܸܛܪܵܐ ܚܲܕ݂: ܘܐܸܢܵܐ ܘܝܘܿܢܵܬ̣ܵܢ ܒܹܪܝ ܢܸܗܘܸܐ ܒܣܸܛܪܵܐ ܚܲܕ݂. ܘܐܸܡܲܪ ܥܲܡܵܐ ܠܫܵܐܘܿܠ: ܟܠ ܕܫܲܦܝܼܪ ܒܥܲܝܢܲܝ̈ܟ ܠܡܸܥܒܲܕ݂ ܥܒܸܕ݂. |
[No book] |
| [41]ܘܐܸܡܲܪ ܫܵܐܘܿܠ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܲܒ̣ ܫܲܠܡܘܼܬ̣ܵܐ. ܘܐܸܬ̇ܬ̇ܚܸܕ݂ ܫܵܐܘܿܠ ܘܝܘܿܢܵܬ̣ܵܢ: ܘܲܢܦܲܩܘ ܥܲܡܵܐ. |
[No book] |
| [42]ܘܐܸܡܲܪ ܫܵܐܘܿܠ: ܐܲܪܡܵܘ ܒܲܝܢܲܝ ܘܲܠܝܘܿܢܵܬ̣ܵܢ ܒܹܪܝ: ܘܐܸܬ̇ܬ̇ܚܸܕ݂ ܝܘܿܢܵܬ̣ܵܢ. |
[No book] |
| [43]ܘܐܸܡܲܪ ܫܵܐܘܿܠ ܠܝܘܿܢܵܬ̣ܵܢ: ܚܵܘܵܢܝ ܡܵܢܵܐ ܥܒܲܕܲܬ̇. ܘܚܵܘܝܹܗ ܝܘܿܢܵܬ̣ܵܢ: ܘܐܸܡܲܪ ܠܹܗ: ܒܪܹܫ ܚܘܼܛܪܵܐ ܕܒ̣ܐܝܼܕ݂ܝ ܩܲܠܝܼܠ ܛܸܥܡܹ̇ܬ̣ ܕܸܒ̣ܫܵܐ: ܡܸܛܠ ܗܵܘ̇ ܡܵܐܬ̣ ܐ̄ܢܵܐ. |
[No book] |
| [44]ܘܐܸܡܲܪ ܫܵܐܘܿܠ: ܗܵܟܲܢܵܐ ܢܸܥܒܸ̇ܕ݂ ܠܝܼ ܐܲܠܵܗܵܐ ܘܗܵܟܲܢܵܐ ܢܵܘܣܸܦ ܠܝܼ. ܕܲܡܡܵܬ̣ ܬܡܘܼܬ̣ ܝܘܿܢܵܬ̣ܵܢ. |
[No book] |
| [45]ܘܐܸܡܪܘ ܥܲܡܵܐ ܠܫܵܐܘܿܠ: ܝܘܿܢܵܬ̣ܵܢ ܢܡܘܼܬ̣ ܕܲܥܒܲܕ݂ ܦܘܼܪܩܵܢܵܐ ܠܝܼܣܪܵܝܹܠ: ܚܵܣ: ܚܲܝ ܗ̄ܘ̣ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܸܢ ܢܸܦܠ ܡ̣ܢ ܣܲܥܪܵܐ ܕܪܹܫܹܗ ܥܲܠ ܐܲܪܥܵܐ: ܡܸܛܠ ܕܥܲܡܹܗ ܕܐܲܠܵܗܵܐ ܦܪܲܩ ܝܵܘܡܵܢܵܐ. ܘܦܲܨܝܹܗ ܥܲܡܵܐ ܠܝܘܿܢܵܬ̣ܵܢ. ܘܠܵܐ ܡܝܼܬ̣. |
[No book] |
| [46]ܘܲܗܦܲܟ݂ ܫܵܐܘܿܠ ܡ̣ܢ ܒܵܬܲܪ ܦܠܸܫ̈ܬܵܝܹܐ. ܘܲܦܠܸܫ̈ܬܵܝܹܐ ܐܸܙܲܠܘ ܠܐܲܬ̣ܪ̱ܗܘܿܢ. |
[No book] |
| [47]ܘܐܸܚܲܕ݂ ܫܵܐܘܿܠ ܡܲܠܟ̇ܘܼܬ̣ܵܐ ܕܝܼܣܪܵܝܹܠ: ܘܐܸܬ̣ܟܲܬ̇ܫ ܒܲܚܕ݂ܵܪ̈ܵܘܗܝ: ܘܲܒ̣ܟ݂ܠܗܘܿܢ ܒܥܸܠܕ̇ܒ̣ܵܒ̣ܵܘ̈ܗܝ: ܒܡܘܼܐܵܒ̣ ܘܲܒ̣ܒ̣̈ܢܲܝ ܥܲܡܘܿܢ: ܘܒܲܐܕ݂ܘܿܡ: ܘܲܒ̣ܡܲܠܟ̇ܘܼܬ̣ܵܐ ܕܨܘܿܒ̣ܵܐ: ܘܒܲܦܠܸܫ̈ܬܵܝܹܐ. ܘܠܲܐܝܟܵܐ ܕܡܸܬ̣ܦܢܸܐ ܗ̄ܘ̣ܵܐ: ܙܵܟܹ̇ܐ ܗ̄ܘ̣ܵܐ. |
[No book] |
| [48]ܘܟܲܢܸܫ ܚܲܝܠܵܐ: ܘܲܚܪܲܒ̣ ܠܲܥܡܵܠܹܝܩ: ܘܦܲܨܝܼ ܠܝܼܣܪܵܝܹܠ ܡ̣ܢ ܐܝܼܕ݂ܵܐ ܕܒ̣ܵܙܘܿܙܵܘ̈ܗܝ. |
[No book] |
| [49]ܘܗܵܠܹܝܢ ܗ̄ܘ̣ܵܘ ܒܢܵܘ̈ܗܝ ܕܫܵܐܘܿܠ: ܝܘܿܢܵܬ̣ܵܢ: ܘܝܲܫܘܝܼ: ܘܡܲܠܟ̇ܝܼܫܘܿܥ: ܘܐܲܫܒܵܫܘܿܠ. ܘܲܫܡܵܗ̈ܐ ܕܬܲܪܬܹܝܢ ܒ̈ܢܵܬܹܗ: ܫܡܵܗ̇ ܕܩܲܫܝܼܫܬܵܐ ܢܵܕ݂ܵܒ̣: ܘܲܫܡܵܗ̇ ܕܲܙܥܘܿܪܬܵܐ ܡܲܠܟܸ̇ܠ. |
[No book] |
| [50]ܘܲܫܡܵܗ̇ ܕܐܲܢ̄ܬ̇ܬ̣ܗ ܕܫܵܐܘܿܠ ܐܲܚܝܼܢܥܵܡ ܒܲܪܬ̣ ܐܲܚܝܼܡܥܵܨ. ܘܫܸܡ ܪܲܒ̇ ܚܲܝܠܹܗ: ܐܲܒ̣ܢܝܼܪ ܒܲܪ ܢܝܼܪ ܕܵܕܹܗ ܕܫܵܐܘܿܠ. |
[No book] |
| [51]ܘܩܝܼܫ ܐܲܒ̣ܘܼܗܝ ܕܫܵܐܘܿܠ: ܘܢܝܼܪ ܒܲܪ ܐܲܒ̣ܝܼܠ ܐܲܒ̣ܘܼܗܝ ܕܐܲܒ̣ܢܝܼܪ. |
[No book] |
| [52]ܘܲܗܘ̤ܵܐ ܩܪܵܒ̣ܵܐ ܥܲܫܝܼܢܵܐ ܥܲܡ ܦܠܸܫ̈ܬܵܝܹܐ: ܟܠܗܘܿܢ ܝܵܘ̈ܡܵܬܹܗ ܕܫܵܐܘܿܠ: ܘܚܵܙܹ̈ܐ ܗ̄ܘ̣ܵܐ ܫܵܐܘܿܠ ܟܠ ܓܲܒ̣ܪܵܐ ܕܓܲܢ̄ܒܵܪ: ܘܟ݂ܠ ܓܲܒ̣ܪܵܐ ܕܐܝܼܬ̣ ܒܹܗ ܚܲܝܠܵܐ: ܘܟ݂ܵܢܹܫ ܗ̄ܘ̣ܵܐ ܠܹܗ ܠܘܵܬܹܗ. |
[No book] |