|
|
| [1]Therfor Y biseche first of alle thingis, that bisechingis, preieris, axyngis, doyngis of thankyngis, ben maad for alle men, |
[No book] |
| [2]for kingis and alle that ben set in hiynesse, that we leden a quyet and a pesible lijf, in al pite and chastite. |
[No book] |
| [3]For this thing is good and acceptid bifor God, |
[No book] |
| [4]oure sauyour, that wole that alle men ben maad saaf, and that thei come to the knowyng of treuthe. |
[No book] |
| [5]For o God and a mediatour is of God and of men, a man Crist Jhesus, |
[No book] |
| [6]that yaf him silf redempcioun for alle men. Whos witnessing is confermyd in his tymes; |
[No book] |
| [7]in which Y am set a prechour and an apostle. For Y seye treuthe, and Y lie not, that am a techere of hethene men in feith and in treuthe. |
[No book] |
| [8]Therfor Y wole, that men preye in al place, liftinge vp clene hondis with outen wraththe and strijf. |
[No book] |
| [9]Also wymmen in couenable abite, with schamefastnesse and sobrenesse araiynge hem silf, not in writhun heeris, ethir in gold, ethir peerlis, ethir preciouse cloth; but that that bicometh wymmen, |
[No book] |
| [10]biheetinge pite bi good werkis. |
[No book] |
| [11]A womman lerne in silence, with al subieccioun. |
[No book] |
| [12]But Y suffre not a womman to teche, nether to haue lordschip on the hosebonde, but to be in silence. |
[No book] |
| [13]For Adam was first formed, aftirward Eue; |
[No book] |
| [14]and Adam was not disseyued, but the womman was disseyued, in breking of the lawe. |
[No book] |
| [15]But sche schal be sauyd bi generacioun of children, if sche dwellith perfitli in feith, and loue, and hoolynesse, with sobrenesse. |
[No book] |