|
|
| [1]Fidelis sermo: si quis episcopatum desiderat, bonum opus desiderat. |
[No book] |
| [2]Oportet ergo episcopum irreprehensibilem esse, unius uxoris virum, sobrium, prudentem, ornatum, pudicum, hospitalem, doctorem, |
[No book] |
| [3]non vinolentum, non percussorem, sed modestum: non litigiosum, non cupidum, sed |
[No book] |
| [4]suæ domui bene præpositum: filios habentem subditos cum omni castitate. |
[No book] |
| [5]Si quis autem domui suæ præesse nescit, quomodo ecclesiæ Dei diligentiam habebit? |
[No book] |
| [6]Non neophytum: ne in superbiam elatus, in judicium incidat diaboli. |
[No book] |
| [7]Oportet autem illum et testimonium habere bonum ab iis qui foris sunt, ut non in opprobrium incidat, et in laqueum diaboli. |
[No book] |
| [8]Diaconos similiter pudicos, non bilingues, non multo vino deditos, non turpe lucrum sectantes: |
[No book] |
| [9]habentes mysterium fidei in conscientia pura. |
[No book] |
| [10]Et hi autem probentur primum: et sic ministrent, nullum crimen habentes. |
[No book] |
| [11]Mulieres similiter pudicas, non detrahentes, sobrias, fideles in omnibus. |
[No book] |
| [12]Diaconi sint unius uxoris viri, qui filiis suis bene præsint, et suis domibus. |
[No book] |
| [13]Qui enim bene ministraverint, gradum bonum sibi acquirent, et multam fiduciam in fide, quæ est in Christo Jesu. |
[No book] |
| [14]Hæc tibi scribo, sperans me ad te venire cito: |
[No book] |
| [15]si autem tardavero, ut scias quomodo oporteat te in domo Dei conversari, quæ est ecclesia Dei vivi, columna et firmamentum veritatis. |
[No book] |
| [16]Et manifeste magnum est pietatis sacramentum, quod manifestatum est in carne, justificatum est in spiritu, apparuit angelis, prædicatum est gentibus, creditum est in mundo, assumptum est in gloria. |
[No book] |