|
|
| [1]ܒܲܫܢܲܬ̣ ܬܡܵܢܲܥܸܣܪܹ̈ܐ ܠܡܲܠܟ̇ܘܼܬܹܗ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܩܵܡ̣ ܒܡܲܠܟ̇ܘܼܬ̣ܵܐ ܐܲܒ̣ܝܼܵܐ ܥܲܠ ܫܲܒ̣ܛܵܐ ܕܒܹܝܬ̣ ܝܼܗܘܼܕ݂ܵܐ. |
[No book] |
| [2]ܘܲܬ̣ܠܵܬ̣ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. ܘܲܫܡܵܐ ܕܐܸܡܹܗ ܡܲܥܟܵܐ ܒܲܪܬ̣ ܐܘܿܪܝܹܠ ܡ̣ܢ ܪܵܡܬ̣ܵܐ. |
[No book] |
| [3]ܘܐܸܣܲܪ ܐܲܒ̣ܝܼܵܐ ܓܲܒ̣ܪܹ̈ܐ ܥܵܒ̣ܕܲܝ̈ ܩܪܵܒ̣ܵܐ: ܐܲܪܒܲܥ ܡܵܐܐ ܐܲܠܦ̈ܝܼܢ ܓܲܒ̣ܪܹ̈ܐ ܥܠܲܝܡܹ̈ܐ: ܥܕܲܡܵܐ ܕܩܲܒܸ̇ܠܘ ܥܠܲܝܗܘܿܢ ܕܢܹܐܙܠ̄ܘܿܢ ܘܢܸܥܒ̇ܕ݂ܘܼܢ ܩܪܵܒ̣ܵܐ ܥܲܡ ܝܘܿܪܲܒ̣ܥܲܡ ܒܲܪ ܢܵܒ̣ܵܛ. ܘܝܘܿܪܲܒ̣ܥܲܡ ܒܲܪ ܢܵܒ̣ܵܛ ܟܲܢܸܫ ܠܹܗ ܚܲܝܠܵܐ: ܘܐܸܬ̣ܵܐ ܕܢܸܥܒܸ̇ܕ݂ ܩܪܵܒ̣ܵܐ ܒܲܬ̣ܡܵܢܹܝܡܵܐܐ ܐܲܠܦ̈ܝܼܢ ܥܠܲܝܡܹ̈ܐ ܓܲܢ̄ܒܵܪ̈ܲܝ ܚܲܝܠܵܐ. |
[No book] |
| [4]ܘܩܵܡ̣ ܐܲܒ̣ܝܼܵܐ ܡ̣ܢ ܛܘܼܪܵܐ ܕܲܨܡܲܪܝܲܡ: ܕܐܝܼܬ̣ ܒܲܬ̣ܚܘܼܡܵܐ ܕܛܘܼܪܵܐ ܕܐܲܦܪܹܝܡ ܘܐܸܡܲܪ: ܫ̣ܡܲܥ ܝܘܿܪܲܒ̣ܥܲܡ ܒܲܪ ܢܵܒ̣ܵܛ ܘܟ݂ܠܹܗ ܝܼܣܪܵܝܹܠ. |
[No book] |
| [5]ܟܒܲܪ ܝܵܕ݂ܥܝܼܢ ܗ̄ܘܲܝܬ̇ܘܿܢ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܝܲܗ̄ܒ̣ ܡܲܠܟ̇ܘܼܬ̣ܵܐ ܠܕ݂ܵܘܝܼܕ݂ ܥܲܠ ܝܼܣܪܵܝܹܠ ܠܥܵܠܲܡ: ܠܹܗ ܘܠܲܒ̣ܢܵܘ̈ܗܝ ܩܝܵܡܵܐ ܕܡܸܠܚܵܐ. |
[No book] |
| [6]ܘܩܵܡ̣ ܝܘܿܪܲܒ̣ܥܲܡ ܒܲܪ ܢܵܒ̣ܵܛ ܥܲܒ̣ܕܹ̇ܗ ܕܲܫܠܹܝܡܘܿܢ ܒܪܹܗ ܕܕ݂ܵܘܝܼܕ݂. ܘܲܡܪܲܕ݂ ܥܲܠ ܡܵܪܹܗ. |
[No book] |
| [7]ܘܟܲܢܸܫ ܠܘܵܬܹܗ ܓܲܒ̣ܪܹ̈ܐ ܪ̈ܲܫܝܼܥܹܐ ܒܢܲܝ̈ ܥܵܘܼܠܵܐ. ܘܐܸܬ̣ܥܲܫܲܢ ܥܲܠ ܪܚܸܒ̣ܥܲܡ ܒܪܹܗ ܕܲܫܠܹܝܡܘܿܢ. ܘܲܪܚܸܒ̣ܥܲܡ ܛܲܠܝܵܐ ܗ̄ܘ̣ܵܐ ܘܲܛܠܹܐ ܝܵܘ̈ܡܝܼܢ. ܘܠܵܐ ܝܵܕܲܥ ܗ̄ܘ̣ܵܐ ܡܸܕܸ̇ܡ ܠܡܹܐܡܲܪ. ܘܠܵܐ ܒܲܝܐܹܗ ܠܥܲܡܵܐ ܥܲܠ ܫܘܼܥܒܵܕ݂ܵܐ ܕܫܲܥܒܸ̇ܕ݂ ܐܸܢܘܿܢ ܫܠܹܝܡܘܿܢ ܐܲܒ̣ܘܼܗܝ. |
[No book] |
| [8]ܘܐܵܦ ܗܵܫܵܐ ܡܵܢܵܐ ܐܵܡ̇ܪܝܼܢ ܐ̄ܢܬ̇ܘܿܢ: ܐܸܙܲܠܬ̇ܘܿܢ ܐܲܦܪܸܩܬ̇ܘܿܢ ܡܸܢܟ݂ܘܿܢ ܡܲܠܟ̇ܘܼܬ̣ܵܐ ܕܒܹܝܬ̣ ܕܵܘܝܼܕ݂. ܘܐܸܙܲܠܬ̇ܘܿܢ ܘܲܦܠܲܚܬ̇ܘܿܢ ܠܐܲܠܵܗܹ̈ܐ ܡܝܼ̈ܬܹܐ. ܘܐܸܢܵܐ ܥܲܠ ܫܲܒ̣ܛܵܐ ܚܲܕ݂ ܩܵܐܹ̇ܡ ܐ̄ܢܵܐ ܒܡܲܠܟ̇ܘܼܬ̣ܵܐ: ܘܐܲܢ̄ܬ̇ܘܿܢ ܫܲܒ̣ܛܹ̈ܐ ܣܲܓ̇ܝܼܐܹ̈ܐ. ܘܒܲܝܢܵܬ̣ܟ݂ܘܿܢ ܐܝܼܬ̣ ܥܸܓ̣ܠܵܐ ܕܕܲܗܒ̣ܵܐ: ܕܲܥܒܲܕ݂ ܠܟ݂ܘܿܢ ܝܘܿܪܲܒ̣ܥܲܡ ܒܲܪ ܢܵܒ̣ܵܛ. |
[No book] |
| [9]ܘܐܲܢ̄ܬ̇ܘܿܢ ܐܲܦܪܸܩܬ̇ܘܿܢ ܠܟ݂ܵܗܢܹ̈ܐ ܒܢܵܘ̈ܗܝ ܕܐܲܗܪܘܿܢ ܘܲܠܠܹܘܵܝܹ̈ܐ. ܘܲܥܒܲܕ̇ܬ̇ܘܿܢ ܠܟ݂ܘܿܢ ܟܘܼܡܪܹ̈ܐ ܡ̣ܢ ܥܲܡܵܐ ܕܐܲܪܥܵܐ. ܘܟ݂ܠ ܡܲܢ ܕܥܵܐܹ̇ܠ ܠܲܡܩܲܪܵܒ̣ܘܼ ܩܘܼܪܒܵܢܵܐ: ܫܵܩܠܝܼܢ ܗ̄ܘܲܝܬ̇ܘܿܢ ܡܸܢܹܗ ܬܵܘܪܵܐ ܒܲܪ ܒܲܩܪܵܐ: ܘܕܸܟ݂ܪܹ̈ܐ ܫܲܒ̣ܥܵܐ. ܘܗܵܘܹ̇ܐ ܗ̄ܘ̣ܵܐ ܟܘܼܡܪܵܐ ܠܲܕ݂ܠܵܐ ܐܲܠܵܗ̈ܝܼܢ. |
[No book] |
| [10]ܘܲܚܢܲܢ ܠܡܵܪܝܵܐ ܐܲܠܵܗܲܢ ܠܵܐ ܫܒܲܩ̄ܢ. ܘܟ݂ܵܗ̈ܢܹܐ ܕܲܡܫܲܡܫܝܼܢ ܠܡܵܪܝܵܐ: ܒܢܵܘ̈ܗܝ ܐܸܢܘܿܢ ܕܐܲܗܪܘܿܢ: ܘܠܹܘܵܝܹ̈ܐ ܒܲܥܒ̣ܝܼ̈ܕ݂ܵܬ̣ܗܘܿܢ. |
[No book] |
| [11]ܘܡܲܣܩܝܼܢ ܗ̄ܘ̣ܵܘ ܠܡܵܪܝܵܐ ܕܸܒ̣ܚܹ̈ܐ: ܒܟ݂ܠ ܨܦܲܪ ܘܲܨܦܲܪ: ܘܲܒ̣ܟ݂ܠ ܪܡܸܫ ܘܲܪܡܸܫ: ܘܩܲܛܪ̈ܘܼܩܹܐ ܕܒܸܣܡܹ̈ܐ: ܘܣܸܕ݂ܪܹ̈ܐ ܕܠܲܚܡܵܐ ܥܲܠ ܦܵܬ̣ܘܿܪܹ̈ܐ ܕܟܲـ̈ـܝܵܐ. ܘܲܡܢܵܪ̈ܵܬ̣ܵܐ ܕܕܲܗܒ̣ܵܐ: ܘܲܫܪ̈ܵܓܲܝܗܹܝܢ. ܘܛܲܠܝܵܐ ܫܪܲܓ̣ܬ̣ܵܢܵܐ ܡܲܢܗܲܪ ܠܗܹܝܢ: ܒܟ݂ܠ ܪܡܸܫ ܘܲܪܡܸܫ. ܘܲܚܢܲܢ ܢܵܛܪܝܼܢ ܢܛܘܼܪ̈ܵܬܹܗ ܕܡܵܪܝܵܐ ܐܲܠܵܗܲܢ. |
[No book] |
| [12]ܘܐܲܢ̄ܬ̇ܘܿܢ ܕܹܝܢ ܫܒܲܩܬ̇ܘܿܢܵܝܗܝ. ܘܐܸܙܲܠܬ̇ܘܿܢ ܒܵܬܲܪ ܐܲܠܵܗܹ̈ܐ ܡܝܼ̈ܬܹܐ. ܘܲܦܠܲܚܬ̇ܘܿܢ ܐܸܢܘܿܢ: ܘܲܣܓܸܕ̇ܬ̇ܘܿܢ ܠܗܘܿܢ. ܘܲܫܒܲܩܬ̇ܘܿܢ ܠܡܵܪܝܵܐ ܐܲܠܵܗܵܐ ܕܐܲܒ̣ܵܗܲܝ̈ܟ̇ܘܿܢ ܘܐܵܦ ܐܲܢ̄ܬ̇ܘܿܢ ܠܵܐ ܬܲܟ݂ܫ̄ܪܘܼܢ ܒܥܵܠܡܵܐ. |
[No book] |
| 13[No verse] |
[No book] |
| 14[No verse] |
[No book] |
| [15]ܘܲܗܘ̤ܵܐ ܕܟܲܕ݂ ܐܲܪܝܼܡ̣ܘ ܩܵܠܗܘܿܢ ܓܲܒ̣ܪܹ̈ܐ ܕܒܹܝܬ̣ ܝܼܗܘܼܕ݂ܵܐ: ܘܡܵܪܝܵܐ ܬܒܲܪ ܠܝܘܿܪܲܒ̣ܥܲܡ ܒܲܪ ܢܵܒ̣ܵܛ ܘܠܝܼܣܪܵܝܹܠ: ܩܕ݂ܵܡ ܝܼܗܘܼܕ݂ܵܐ: ܘܲܩܕ݂ܵܡ ܐܲܒ̣ܝܼܵܐ. |
[No book] |
| [16]ܘܲܥܪܲܩ̣ܘ ܒܢܲܝ̈ ܝܼܣܪܵܝܹܠ: ܡ̣ܢ ܩܕ݂ܵܡ ܒܢܲܝ̈ ܝܼܗܘܼܕ݂ܵܐ. |
[No book] |
| [17]ܘܲܚܪܲܒ̣ ܐܸܢܘܿܢ ܐܲܒ̣ܝܼܵܐ ܚܲܪܒܵܐ ܪܲܒܵܐ. ܘܲܢܦܲܠܘ ܓܲܒ̣ܪܹ̈ܐ ܡ̣ܢ ܝܼܣܪܵܝܹܠ: ܚܲܡܸܫܡܵܐܐ ܐܲܠܦ̈ܝܼܢ ܓܲܒ̣ܪܹ̈ܐ ܥܠܲܝܡܹ̈ܐ. |
[No book] |
| [18]ܘܐܸܬ̇ܬ̇ܒܲܪܘ ܒܢܲܝ̈ ܝܼܣܪܵܝܹܠ ܒܙܲܒ̣ܢܵܐ ܗܵܘ̇ ܘܐܸܬ̣ܓܲܢ̄ܒܲܪ ܒܢܲܝ̈ ܝܼܗܘܼܕ݂ܵܐ. ܡܸܛܠ ܕܐܵܡ̇ܪܝܼܢ: ܣܘܼܡܟܵܢܲܢ ܥܲܠ ܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬܲܢ. |
[No book] |
| [19]ܘܲܪܕܲܦ ܐܲܒ̣ܝܼܵܐ ܒܵܬܲܪ ܝܘܿܪܲܒ̣ܥܲܡ ܘܲܟ݂ܒܲܫ ܡܸܢܹܗ ܩܘܼܪ̈ܝܵܐ ܪܵܘ̱ܪ̈ܒ̣ܵܬ̣ܵܐ: ܒܹܝܬ̣ܐܹܝܠ ܘܡܹܐܟ݂̈ܠܵܬ̣ܵܗ̇: ܫܸܠܵܐ ܘܡܹܐܟ݂̈ܠܵܬ̣ܵܗ̇: ܥܸܦܪܘܿܢ ܘܡܹܐܟ݂̈ܠܵܬ̣ܵܗ̇. |
[No book] |
| [20]ܘܲܙܥܸ̇ܪ ܠܹܗ ܚܲܝܠܵܐ ܠܝܘܿܪܲܒ̣ܥܲܡ: ܬܘܼܒ̣ ܒܝܵܘ̈ܡܵܬܹܗ ܕܐܲܒ̣ܝܼܵܐ. ܘܲܡܚܵܝܗܝ ܡܵܪܝܵܐ ܠܝܘܿܪܲܒ̣ܥܲܡ: ܘܡܝܼܬ̣. |
[No book] |
| [21]ܘܐܸܬ̣ܓܲܢ̄ܒܲܪ ܐܲܒ̣ܝܼܵܐ. ܘܲܢܣܲܒ̣ ܠܹܗ ܢܸܫܹ̈ܐ ܐܲܪܒܲܥܸܣܪܹ̈ܐ: ܘܐܸܬ̣̤ܝܼܠܸܕ݂ܘ ܠܹܗ ܒܢܲـ̈ـܝܐ ܕܸܟ݂ܪܹ̈ܐ ܥܸܣܪܝܼܢ ܘܸܫܬܵܐ: ܘܲܒ̣̈ܢܵܬ̣ܵܐ ܢܸܩ̈ܒ̣ܵܬ̣ܵܐ ܫܸܬ̇ܬܲܥܸܣܪܹ̈ܐ. |
[No book] |
| [22]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܘܐܘܼܪ̈ܚܵܬܹܗ ܗܵܐ ܟܬ̣ܝܼܒ̣ܝܼܢ ܒܡܲܕ݂ܪ̈ܵܫܹܐ ܕܥܲܕ݂ܘ ܢܒ̣ܝܼܵܐ. |
[No book] |