|
|
| [1]ܘܲܫܟܸܒ̣ ܐܲܒ̣ܝܼܵܐ ܥܲܡ ܐܲܒ̣ܵـ̈ـܗܵܬܹܗ. ܘܩܲܒ̣ܪܘܼܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܘܩܵܡ ܒܡܲܠܟ̇ܘܼܬܹܗ ܐܵܣܵܐ ܒܪܹܗ ܒܵܬ̣ܪܹܗ. ܒܝܵܘܡܵܘ̈ܗܝ ܐܸܬ̇ܬ̇ܢܝܼܚܲܬ̣ ܐܲܪܥܵܐ ܡ̣ܢ ܩܹܐܪ̈ܣܹܐ ܥܸܣܪܝܼܢ ܫܢ̈ܝܼܢ. |
[No book] |
| [2]ܘܲܥܒܲܕ݂ ܐܵܣܵܐ ܕܛܵܒ̣ ܘܫܲܦܝܼܪ ܩܕ݂ܵܡ ܡܵܪܝܵܐ ܐܲܠܵܗܹܗ. |
[No book] |
| [3]ܘܲܥܩܲܪ ܡܲܕ݂ܒ̇ܚܹ̈ܐ ܕܐܲܠܵܗܹ̈ܐ ܢܘܼܟ݂ܪ̈ܵܝܹܐ: ܘܒ̣ܘܼܡ̈ܣܹܐ. ܘܬܲܒܲܪ ܩܵܝ̈ܡܵܬ̣ܵܐ ܘܦܲܣܸܩ̣ ܐܵܕܲܪ̈ܝܵܢܛܹܐ. |
[No book] |
| [4]ܘܐܸܡܲܪ ܠܲܝܗܘܼܕ݂ܵܐ: ܬܵܘ ܢܨܲܠܹܐ ܩܕ݂ܵܡ ܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬܲܢ. |
[No book] |
| [5]ܘܲܥܩܲܪ ܡ̣ܢ ܟܠܗܹܝܢ ܩܘܼܪ̈ܝܵܐ ܕܒܹܝܬ̣ ܝܼܗܘܼܕ݂ܵܐ: ܥܠܵـ̈ـܘܵܬ̣ܵܐ: ܘܲܦܬܲܟ݂ܪܹ̈ܐ. ܘܐܸܬ̇ܬ̇ܢܝܼܚܲܬ̤ ܡܲܠܟ̇ܘܼܬܹܗ ܒܝܵܘ̈ܡܵܬܹܗ. ܘܲܒ̣ܥܸܠܕ̇ܒ̣ܵܒ̣ܵܐ ܠܵܐ ܗܘ̤ܵܐ ܠܹܗ: ܡ̣ܢ ܟܠܗܘܿܢ ܒܲܥ̈ܠܲܝ ܬܚܘܼܡܹܗ. |
[No book] |
| [6]ܘܲܒ̣ܢܵܐ ܩܘܼܪ̈ܝܵܐ ܥܲܫܝܼ̈ܢܵܬ̣ܵܐ: ܒܐܲܪܥܵܐ ܕܲܝܗܘܼܕ݂ܵܐ. ܡܸܛܠ ܕܐܸܬ̇ܬ̇ܢܝܼܚܲܬ̣ ܐܲܪܥܵܐ. ܘܠܵܐ ܐܝܼܬ̣ ܗ̄ܘ̣ܵܐ ܐ̄ܢܵܫ ܕܥܵܒܹܕ݂ ܥܲܡܹܗ ܩܪܵܒ̣ܵܐ ܫܢܲـ̈ـܝܵܐ ܗܵܠܹܝܢ. ܡܸܛܠ ܕܐܲܢܝܼܚܹܗ ܗ̄ܘ̣ܵܐ ܡܵܪܝܵܐ. |
[No book] |
| [7]ܘܐܸܡܲܪ ܠܲܕ݂ܒܹܝܬ̣ ܝܼܗܘܼܕ݂ܵܐ: ܬܵܘ ܢܸܒ̣ܢܹܐ ܩܘܼܪ̈ܝܵܐ ܗܵܠܹܝܢ. ܘܢܲܟ݂ܪܸܟ݂ ܐܸܢܹܝܢ ܫܘܼܪܹ̈ܐ ܘܡܲܓܕ̇ܠܹ̈ܐ: ܘܬܲܪ̈ܥܹܐ ܘܣܘܼܟ̇ܪܹ̈ܐ: ܥܲܕ݂ ܫܵܠܝܵܐ ܐܲܪܥܵܐ ܡ̣ܢ ܩܹܐܪܣܵܐ. ܡܸܛܠ ܕܲܒ̣ܥܲܝܢ ܠܡܵܪܝܵܐ ܐܲܠܵܗܲܢ: ܐܵܦ ܗ̤ܘ ܒܥ̣ܵܢ: ܘܐܲܢܝܼܚܲܢ ܡ̣ܢ ܟܠܗܘܿܢ ܕܲܚܕ݂ܵܪ̈ܲܝܢ. ܘܒܲܝܐܲܢ ܘܦܲܨܝܲܢ. |
[No book] |
| [8]ܘܲܗܘ̤ܵܘ ܠܐܵܣܵܐ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܫܵܩ̈ܠܲܝ ܣܲܝܦܹ̈ܐ ܘܪ̈ܘܼܡܚܹܐ ܡ̣̤ ܕܒܹܝܬ̣ ܝܼܗܘܼܕ݂ܵܐ: ܬܠܵܬ̣ܡܵܐܐ ܐܲܠܦ̈ܝܼܢ: ܘܡ̣ܢ ܕܒܹܝܬ̣ ܒܸܢܝܵܡܹܝܢ: ܠܒ̣ܝܼ̈ܫܲܝ ܫܸܪܝܵܢܵܐ: ܘܡܵܬ̣ܚܲܝ̈ ܩܸܫܬܵܐ: ܡܲܐܬܹ̇ܝܢ ܘܲܬ̣ܡܵܢܐܝܼܢ ܐܲܠܦ̈ܝܼܢ ܟܠܗܘܿܢ ܗܵܠܹܝܢ ܓܲܢ̄ܒܵܪ̈ܲܝ ܚܲܝܠܵܐ. |
[No book] |
| [9]ܘܲܢܦܲܩ ܠܘܵܬ̣ܗܘܿܢ ܙܵܪܵܚ ܗܸܢܕ̇ܘܵܝܵܐ: ܒܚܲܝܠܵܐ ܣܲܓ̇ܝܼܵܐܐ: ܐܵܠܹܦ ܐܲܠܦ̈ܝܼܢ: ܘܲܒ̣ܙܵܘ̈ܓܹ̇ܐ ܬܠܵܬ̣ܝܼܢ ܐܲܠܦ̈ܝܼܢ. ܘܐܸܬ̣ܵܘ ܘܲܡܛܵܘ ܥܕܲܡܵܐ ܠܡܹܐܪܫܵܐ. |
[No book] |
| [10]ܘܲܢܦܲܩ ܐܵܣܵܐ ܠܩܘܼܒ̣ܠܹܗ. ܘܲܥܒܲܕ݂ ܥܲܡܹܗ ܩܪܵܒ̣ܵܐ ܒܢܲܚܠܵܐ ܕܡܹܐܪܫܵܐ. |
[No book] |
| [11]ܘܨܲܠܝܼ ܐܵܣܵܐ ܩܕ݂ܵܡ ܡܵܪܝܵܐ ܐܲܠܵܗܹܗ: ܘܐܸܡܲܪ: ܐܲܢ̄ܬ̇ ܗ̄ܘ̣ ܡܵܪܲܢ ܥܵܕ݂ܘܿܪܹܗ ܕܥܲܡܵܟ݂: ܟܲܕ݂ ܬܲܫܠܸܡ ܚܲܝܠܵܐ ܣܲܓ̇ܝܼܵܐܐ ܒܐܝܼ̈ܕܲܝ ܙܥܘܿܪܹ̈ܐ. ܗܵܝܕܹ̇ܝܢ ܢܸܕ̇ܥܘܼܢ ܟܠܗܘܿܢ ܥܵܡܘܿܪ̈ܵܘܗܝ ܕܥܵܠܡܵܐ ܕܫܲܦܝܼܪ ܡܸܬ̇ܬܲܟ݂ܠܝܼܢܲܢ ܥܠܲܝܟ. ܥܲܕܲܪܲܝܢ ܡܵܪܝܵܐ ܐܲܠܵܗܲܢ: ܥܲܕܲܪܲܝܢ. ܡܸܛܠ ܕܒܲܫܡܵܟ݂ ܐܸܬܲܝܢ ܥܲܠ ܚܲܝܠܵܐ ܗܵܢܵܐ ܪܲܒܵܐ. ܡܵܪܝܵܐ ܐܲܠܵܗܲܢ: ܠܵܐ ܬܸܫܬܵܘܚܲܪ ܓܲܢ̄ܒܵܪܘܼܬ̣ܵܟ݂ ܡܸܢܲܢ. |
[No book] |
| [12]ܘܗܵܝܕܹ̇ܝܢ ܟܲܕ݂ ܓܡܲܪ ܐܵܣܵܐ ܠܲܡܨܲܠܵܝܘܼ ܨܠܘܿܬܹܗ: ܬܒܲܪ ܡܲܠܲܐܟܹܗ ܕܡܵܪܝܵܐ ܠܗܸܢܕ̇ܘܵܝܹ̈ܐ. ܩܕ݂ܵܡ ܐܵܣܵܐ ܘܲܩܕ݂ܵܡ ܝܼܗܘܼܕ݂ܵܐ. ܘܲܥܪܲܩ̣ܘ ܗܸܢܕ̇ܘܵܝܹ̈ܐ. |
[No book] |
| [13]ܘܲܪܕܲܦ̣ ܐܸܢܘܿܢ ܐܵܣܵܐ ܘܥܲܡܵܐ ܕܥܲܡܹܗ ܥܕܲܡܵܐ ܠܓܵܕ݂ܵܪ. ܘܲܢܦܲܠܘ ܡ̣ܢ ܗܸܢܕ̇ܘܵܝܹ̈ܐ ܕܠܵܐ ܡܸܢܝܵܢܵܐ: ܡܸܛܠ ܕܐܸܬ̇ܬ̇ܒܲܪܘ ܩܕ݂ܵܡ ܡܵܪܝܵܐ: ܘܲܩܕ݂ܵܡ ܚܲܝܠܵـ̈ـܘܵܬܹܗ. ܘܲܢܣܲܒ̣ܘ: ܘܲܫܒ̣ܵܘ ܫܒ̣ܝܼܬ̣ܵܐ ܣܘܼܓ̣ܵܐܐ. |
[No book] |
| [14]ܘܲܚܪܲܒ̣ܘ ܟܠܗܹܝܢ ܩܘܼܪ̈ܝܵܐ ܕܐܝܼܬ̣ ܚܕ݂ܵܪ̈ܲܝ ܓܵܕ݂ܵܪ. ܡܸܛܠ ܕܲܗܘ̤ܵܬ̣ ܕܸܚ̱ܠܬܹܗ ܕܡܵܪܝܵܐ ܥܠܲܝܗܘܿܢ ܘܒܲܙܘ ܟܠܗܹܝܢ ܩܘܼܪ̈ܝܵܐ. ܡܸܛܠ ܕܒܸܙܬ̣ܵܐ ܣܲܓ̇ܝܼܐܬ̣ܵܐ ܗܘ̤ܵܬ̣ ܒܗܹܝܢ. |
[No book] |
| [15]ܘܐܵܦ ܡܲܫܟ̇ܢܹ̈ܐ ܕܥܲܪ̈ܒ̣ܵܝܹܐ ܐܲܝܬ̇ܝܼܘ. ܘܲܫܒ̣ܵܘ ܥܵـ̈ـܢܵܐ ܣܘܿܓ̣ܵܐܐ ܕܛܵܒ̣: ܘܓܲܡ̈ܠܹܐ ܘܐܵܘܒܲܠܘ ܠܐܘܿܪܸܫܠܸܡ. |
[No book] |