|
|
| [1]ועזריהו בן עודד היתה עליו רוח אלהים |
[No book] |
| [2]ויצא לפני אסא ויאמר לו שמעוני אסא וכל יהודה ובנימן יהוה עמכם בהיותכם עמו ואם תדרשהו ימצא לכם ואם תעזבהו יעזב אתכם |
[No book] |
| [3]וימים רבים לישראל ללא אלהי אמת וללא כהן מורה־וללא תורה |
[No book] |
| [4]וישב בצר לו על יהוה אלהי ישראל ויבקשהו וימצא להם |
[No book] |
| [5]ובעתים ההם אין שלום ליוצא ולבא כי מהומת רבות על כל ישבי הארצות |
[No book] |
| [6]וכתתו גוי בגוי ועיר בעיר כי אלהים הממם בכל צרה |
[No book] |
| [7]ואתם חזקו ואל ירפו ידיכם כי יש שכר לפעלתכם |
[No book] |
| [8]וכשמע אסא הדברים האלה והנבואה עדד הנביא התחזק ויעבר השקוצים מכל ארץ יהודה ובנימן ומן הערים אשר לכד מהר אפרים ויחדש את מזבח יהוה אשר לפני אולם יהוה |
[No book] |
| [9]ויקבץ את כל יהודה ובנימן והגרים עמהם מאפרים ומנשה ומשמעון כי נפלו עליו מישראל לרב בראתם כי יהוה אלהיו עמו |
[No book] |
| [10]ויקבצו ירושלם בחדש השלשי לשנת חמש עשרה למלכות אסא |
[No book] |
| [11]ויזבחו ליהוה ביום ההוא מן השלל הביאו בקר שבע מאות וצאן שבעת אלפים |
[No book] |
| [12]ויבאו בברית־לדרוש את יהוה אלהי אבותיהם בכל לבבם ובכל נפשם |
[No book] |
| [13]וכל אשר לא ידרש ליהוה אלהי ישראל יומת־למן קטן ועד גדול למאיש ועד אשה |
[No book] |
| [14]וישבעו ליהוה בקול גדול ובתרועה־ובחצצרות ובשופרות |
[No book] |
| [15]וישמחו כל יהודה על השבועה כי בכל לבבם נשבעו ובכל רצונם בקשהו וימצא להם וינח יהוה להם מסביב |
[No book] |
| [16]וגם מעכה אם אסא המלך הסירה מגבירה אשר עשתה לאשרה מפלצת ויכרת אסא את מפלצתה וידק וישרף בנחל קדרון |
[No book] |
| [17]והבמות־לא סרו מישראל רק לבב אסא היה שלם כל ימיו |
[No book] |
| [18]ויבא את קדשי אביו וקדשיו־בית האלהים כסף וזהב וכלים |
[No book] |
| [19]ומלחמה לא היתה עד שנת שלשים וחמש למלכות אסא |
[No book] |