➖ »
«
➖ ➕
Peshitta OT
PesOT
The Sonnini Manuscript: The Lost Chapter 29 of Acts
Acts29
←
2 Chronicles
2Ch
19
→
[1]ܘܲܗ̣ܦܲܟ݂ ܝܵܗܘܿܫܵܦܵܛ ܠܐܲܦܲܝ̈ ܪܲܡܫܵܐ ܠܒܲܝܬܹ̇ܗ ܒܲܫܠܵܡܵܐ ܠܐܘܿܪܸܫܠܸܡ. ܘܲܢܦܲܩ̣ ܠܐܘܼܪܥܹܗ ܒܲܪ ܚܲܢܲܢ ܚܲܙܵܝܵܐ ܘܐܸܡܲܪ ܠܡܲܠܟܵܐ ܝܵܗܘܿܫܵܦܵܛ: ܠܲܡܥܲܕܵܪܘܼ ܠܪܲܫܝܼܥܵܐ ܐܸܙܲܠ̣ܬ̇: ܘܲܠܣܵܢܐܵܘ̈ܗܝ ܕܡܵܪܝܵܐ ܪܚܸܡܬ̇ ܡܸܛܠ ܗܵܢܵܐ ܪܓܸܙ ܡܵܪܝܵܐ ܥܠܲܝܟ. [No book]
2[No verse] [No book]
[3]ܐܸܠܵܐ ܡܗܲܝܡܸܢ ܐ̄ܢܵܐ: ܕܦܸܬ̣ܓ̣ܵܡܹ̈ܐ ܛܵܒܹ̈ܐ ܐܸܫܬܲܡܲܥܘ ܡܸܢܵܟ݂. ܡܸܛܠ ܕܲܕ݂ܡܵܐ ܙܲܟܵܝܵܐ ܠܵܐ ܐܹܫܲܕ̇ܬ̇ ܒܐܲܪܥܵܐ. ܘܐܲܬ̣ܩܸܢܬ̇ ܠܸܒܵܟ݂ ܠܲܡܨܲܠܵܝܘܼ ܩܕ݂ܵܡ ܡܵܪܝܵܐ ܒܩܘܼܫܬܵܐ. [No book]
[4]ܘܝܼܬܸܒ̣ ܝܵܗܘܿܫܵܦܵܛ ܒܐܘܿܪܸܫܠܸܡ ܘܲܗܦܲܟ݂ ܘܲܢܦܲܩ̣ ܡ̣ܢ ܒܹܪ ܫܒܲܥ ܡܕ݂ܝܼܢ̄ܬܵܐ. ܘܡܲܛܝܼ ܠܛܘܼܪܵܐ ܕܐܲܦܪܹܝܡ ܘܐܲܗܦܸܟ݂ ܐܸܢܘܿܢ ܠܡܸܕ݂ܚܲܠ ܩܕ݂ܵܡ ܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬܲܢ. [No book]
[5]ܘܐܲܩܝܼܡ ܕܲܝܵܢܹ̈ܐ ܒܐܲܪܥܵܐ: ܒܟ݂ܠܗܹܝܢ ܩܘܼܪ̈ܝܵܐ ܕܲܝܗܘܼܕ݂ܵܐ ܥܲܫܝܼ̈ܢܵܬ̣ܵܐ: ܘܩܘܼܪ̈ܝܵܐ ܓܲܢ̄ܒܵܪ̈ܵܬ̣ܵܐ. [No book]
[6]ܘܐܸܡܲܪ ܠܕܲܝܵܢܹ̈ܐ: ܚܙܵܘ ܡܵܢܵܐ ܥܵܒ̣ܕ̇ܝܼܢ ܐ̄ܢܬ̇ܘܿܢ. ܕܠܵܐ ܗ̄ܘ̣ܵܐ ܠܲܒ̣ܢܲܝ̈ܢܵܫܵܐ ܕܵܝܢܝܼܢ ܐ̄ܢܬ̇ܘܿܢ: ܐܸܠܵܐ ܠܡܵܪܝܵܐ ܐܲܠܵܗܲܢ. [No book]
[7]ܐܸܬ̣ܥܲܫܲܢܘ: ܘܕ݂ܘܢܘ ܕܝܼܢܵܐ ܕܩܘܼܫܬܵܐ ܘܢܸܗܘܹܐ ܡܵܪܝܵܐ ܥܲܡܟ݂ܘܿܢ ܠܥܵܠܲܡ. ܘܛܲܪܘ ܘܲܥܒܸܕ݂ܘ. ܡܸܛܠ ܕܠܲܝܬ̇ ܩܕ݂ܵܡ ܡܵܪܝܵܐ ܐܲܠܵܗܲܢ ܥܵܘܼܠܵܐ: ܘܡܲܣܲܒ̣ ܒܐܲܦܹ̈ܐ: ܘܩܘܼܒܵܠܵܐ ܕܫܘܼܚܕܵܐ. [No book]
[8]ܘܐܵܦ ܒܐܘܿܪܸܫܠܸܡ ܐܲܩܝܼܡ ܝܵܗܘܿܫܵܦܵܛ ܡ̣ܢ ܠܹܘܵܝܹ̈ܐ: ܘܡ̣ܢ ܟܵܗ̈ܢܹܐ: ܘܡ̣ܢ ܪܹ̈ܫܹܐ ܕܐܲܒ̣ܵـ̈ـܗܵܬ̣ܵܐ ܕܲܒ̣ܢܲܝ̈ ܝܼܣܪܵܝܹܠ: ܠܕ݂ܝܼܢܵܐ ܕܡܵܪܝܵܐ. [No book]
[9]ܘܲܗܦܲܟ݂ ܠܐܘܿܪܸܫܠܸܡ ܦܩܲܕ݂ ܐܸܢܘܿܢ ܘܐܸܡܲܪ ܠܗܘܿܢ: ܗܵܟܲܢܵܐ ܬܸܥܒ̇ܕ݂ܘܼܢ ܠܕܸܚ̱ܠܬܹܗ ܕܡܵܪܝܵܐ: ܒܗܲܝܡܵܢܘܼܬ̣ܵܐ ܘܲܒ̣ܠܸܒܵܐ ܫܲܠܡܵܐ. [No book]
[10]ܘܟ݂ܠ ܕܝܼܢܵܐ ܕܐܵܬܹ̇ܐ ܠܘܵܬ̣ܟ݂ܘܿܢ ܡ̣ܢ ܐܲܚܲܝ̈ܟ̇ܘܿܢ: ܕܝܵܬ̣ܒ̇ܝܼܢ ܒܩܘܼܪ̈ܝܼܟ݂ܘܿܢ: ܒܹܝܬ̣ ܕܡܵܐ ܠܲܕ݂ܡܵܐ: ܘܒܹܝܬ̣ ܢܵܡܘܿܣܵܐ ܠܦܘܼܩܕܵܢܵܐ: ܘܲܠܕ݂ܝܼܢܵܐ. ܘܲܬ̣ܙܲܗܪܘܿܢ ܐܸܢܘܿܢ: ܕܠܵܐ ܢܚܘܼܒ̣ܘܼܢ ܩܕ݂ܵܡ ܡܵܪܝܵܐ: ܘܢܸܪܓܲܙ ܥܠܲܝܗܘܿܢ ܘܥܲܠ ܐܲܚܲܝ̈ܗܘܿܢ. ܘܗܵܟܲܢܵܐ ܬܸܥܒ̇ܕ݂ܘܼܢ: ܘܠܵܐ ܬܚܘܼܒ̣ܘܼܢ. [No book]
[11]ܗܵܐ ܐܲܩܝܼܡܹ̇ـܬ̣ ܥܠܲܝܟ̇ܘܿܢ ܟܵܗ̈ܢܹܐ: ܕܲܢܕ݂ܘܼܢܘܼܢ ܕܝܼܢܵܐ ܕܩܘܼܫܬܵܐ: ܘܕ݂ܝܼܢܵܐ ܕܗܲܝܡܵܢܘܼܬ̣ܵܐ: ܐܲܝܟ݂ ܦܘܼܩܕܵܢܹܗ ܕܡܵܪܝܵܐ. ܘܲܙܟܲܪܝܵܐ ܒܲܪ ܫܡܲܥܝܵܐ: ܚܵܘܝܼ ܠܟ݂ܠܗܘܿܢ ܕܒܹܝܬ̣ ܝܼܗܘܼܕ݂ܵܐ: ܟܠܗܘܿܢ ܦܘܼܩܕܵܢܵܘ̈ܗܝ ܕܡܲܠܟܵܐ ܘܚܵܘܝܼ ܠܣܵܦܪܹ̈ܐ ܘܲܠܠܹܘܵܝܹ̈ܐ: ܟܠ ܡܸܕܸ̇ܡ ܩܕ݂ܵܡܲܝܗܘܿܢ ܬܲܢܝܼ: ܘܐܸܡܲܪ ܠܗܘܿܢ. ܐܸܬ̣ܥܲܫܲܢܘ: ܘܲܥܒܸܕ݂ܘ. ܘܢܸܗܘܹܐ ܡܵܪܝܵܐ ܒܥܸܕ݂ܪ̱ܟ݂ܘܿܢ ܠܥܵܠܲܡ. [No book]
 
Top