➖ »
«
➖ ➕
Peshitta OT
PesOT
The Sonnini Manuscript: The Lost Chapter 29 of Acts
Acts29
←
2 Chronicles
2Ch
20
→
[1]ܘܲܗܘ̤ܵܐ ܡ̣ܢ ܒܵܬܲܪ ܗܵܠܹܝܢ: ܐܸܬ̣ܵܘ ܒܢܲܝ̈ ܡܘܼܐܵܒ̣: ܘܲܒ̣ܢܲܝ̈ ܥܲܡܘܿܢ: ܘܥܲܡܗܘܿܢ ܓܲܒ̣ܪܹ̈ܐ ܩܪ̈ܲܒ̣ܬ̣ܵܢܹܐ: ܠܡܸܥܒܲܕ݂ ܩܪܵܒ̣ܵܐ ܥܲܡ ܝܵܗܘܿܫܵܦܵܛ. [No book]
[2]ܘܐܸܬ̣ܵܘ: ܘܚܵܘܝܼܘ ܠܝܵܗܘܿܫܵܦܵܛ: ܘܐܵܡ̇ܪܝܼܢ ܠܹܗ: ܐܸܬ̣ܵܐ ܥܠܲܝܟ ܚܲܝܠܵܐ ܣܲܓ̇ܝܼ: ܡ̣ܢ ܥܸܒ̣ܪܵܐ ܕܝܲܡܵܐ ܣܘܼܡܵܩܵܐ. ܗܵܐ ܗܸܢܘܿܢ ܫܪܹܝܢ ܒܐܝܼܪܝܼܚܘܿ: ܗ̤ܝ ܗ̄ܝ̣ ܥܹܝܢ ܓܵܕ݂. [No book]
[3]ܘܲܕ݂ܚܸܠ ܘܐܲܪܝܼܡ ܝܵܗܘܿܫܵܦܵܛ ܐܲܦܵܘ̈ܗܝ ܠܲܡܨܲܠܵܝܘܼ ܩܕ݂ܵܡ ܡܵܪܝܵܐ. ܘܲܓ̣ܙܲܪ ܨܵܘܡܵܐ ܥܲܠ ܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ: ܘܐܸܡܲܪ ܠܗܘܿܢ: ܐܸܬ̣ܟܲܢܲܫܘ: ܘܬ̣ܵܘ ܢܸܒ̣ܥܸܐ ܡ̣ܢ ܡܵܪܝܵܐ ܐܲܠܵܗܲܢ. [No book]
[4]ܘܐܸܬ̣ܟܲܢܲܫܘ: ܘܐܸܬ̣ܵܘ ܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ: ܘܐܵܦ ܡ̣ܢ ܩܘܼܪ̈ܝܵܐ ܪ̈ܲܚܝܼܩܵܬ̣ܵܐ ܘܐܸܬ̣ܵܘ ܠܡܸܒ̣ܥܵܐ ܡ̣ܢ ܡܵܪܝܵܐ. [No book]
[5]ܘܩܵܡ̣ ܝܵܗܘܿܫܵܦܵܛ ܒܓ̣ܵܘ ܥܲܡܵܐ ܕܲܝܗܘܼܕ݂ܵܐ: ܒܓ̣ܵܘ ܒܲܝܬܹ̇ܗ ܕܡܵܪܝܵܐ ܕܐܝܼܬ̣ ܒܐܘܿܪܸܫܠܸܡ: ܩܕ݂ܵܡ ܬܲܪܥܵܐ ܚܲܕ݂ܬ̣ܵܐ. [No book]
[6]ܘܨܲܠܝܼ: ܘܗܵܟܲܢܵܐ ܐܸܡܲܪ: ܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬܲܢ: ܐܲܢ̄ܬ̇ ܗ̄ܘ̣ ܐܲܠܵܗܵܐ ܒܲܫܡܲܝܵܐ ܘܐܲܢ̄ܬ̇ ܫܲܠܝܼܛ ܐܲܢ̄ܬ̇ ܒܟ݂ܠܗܹܝܢ ܡܲܠ̈ܟ̇ܘܵܬ̣ܵܐ ܕܥܵܠܡܵܐ. ܘܕ݂ܝܼܠܵܟ݂ ܗ̄ܘ̣ ܚܲܝܠܵܐ ܘܓܲܢ̄ܒܵܪܘܼܬ̣ܵܐ. ܘܐܸܢܵܐ ܩܵܐܹ̇ܡ ܐ̄ܢܵܐ ܩܕ݂ܵܡܲܝܟ ܡܨܲܠܹܐ ܐ̄ܢܵܐ. [No book]
[7]ܘܐܲܢ̄ܬ̇ ܗ̄ܘ̣ ܐܲܠܵܗܲܢ ܐܵܘܒ̇ܕ̇ܬ ܥܵܡܘܿܪܹ̈ܝܗ̇ ܕܐܲܪܥܵܐ ܗܵܕܹܐ: ܩܕ݂ܵܡ ܝܼܣܪܵܝܹܠ. ܘܝܲܗ̄ܒ̣ܬܵܗ̇ ܠܙܲܪܥܹܗ ܕܐܲܒ̣ܪܗܵܡ ܪܵܚܡܵܟ݂: ܠܥܵܠܲܡ. [No book]
[8]ܘܝܼܬܸܒ̣ܘ ܒܵܗ̇. ܘܲܒ̣ܢܵܘ ܒܵܗ̇ ܡܲܩܕ̇ܫܵܐ ܠܲܫܡܵܟ݂: ܘܐܵܡ̇ܪܝܼܢ. [No book]
[9]ܡܸܟܹ̇ܝܠ ܕܡܲܩܕ̇ܫܵܐ ܐܝܼܬ̣ ܒܲܝܢܵܬܲܢ: ܠܵܐ ܐܵܬ̣ܝܵܐ ܥܠܲܝܢ ܒܝܼܫܬܵܐ: ܘܐܵܦܠܵܐ ܚܲܪܒܵܐ: ܘܐܵܦ ܠܵܐ ܕܝܼܢܵܐ: ܘܐܵܦܠܵܐ ܡܵܘܬܵܢܵܐ: ܘܐܵܦܠܵܐ ܟܲܦܢܵܐ. ܘܢܹܐܬܹܐ ܘܲܢܩܘܼܡ ܩܕ݂ܵܡ ܒܲܝܬܵܐ ܗܵܢܵܐ: ܘܲܩܕ݂ܵܡܲܝܟ. ܡܸܛܠ ܕܲܫܡܵܟ݂ ܐܸܬ̣ܩܪܝܼ ܒܒܲܝܬܵܐ ܗܵܢܵܐ. ܘܢܹܐܬܹܐ ܘܲܢܨܲܠܹܐ ܩܕ݂ܵܡܲܝܟ ܒܒܲܝܬܵܐ ܗܵܢܵܐ. ܘܬܸܫܡܲܥ ܒܩܵܠܵܐ ܕܲܨܠܘܿܬܲܢ: ܘܬܸܦ̱ܪܩܲܢ. [No book]
[10]ܘܐܵܦ ܗܵܫܵܐ ܗܵܐ ܒܢܲܝ̈ ܥܲܡܘܿܢ: ܘܛܘܼܪܵܐ ܪܲܓ̣ܒܸܠ: ܘܡܘܼܐܵܒ̣: ܕܠܵܐ ܝܲܗ̄ܒ̣ܬ̇ ܐܸܢܘܿܢ ܠܝܼܣܪܵܝܹܠ ܠܡܸܬ̣ܚܲܠܵܛܘܼ ܥܲܡܗܘܿܢ. ܡܸܛܠ ܕܡ̣ܢ ܐܲܪܥܵܐ ܕܡܸܨܪܹܝܢ ܐܲܦܸܩܬ̇ ܐܸܢܘܿܢ. ܘܐܲܦܪܸܩ̣ܬ̇ ܫܘܼܥܒܵܕ݂ܵܐ ܕܡܸܨܪ̈ܵܝܹܐ ܡܸܢܗܘܿܢ. [No book]
[11]ܘܗܵܐ ܗܸܢܘܿܢ ܦܵܪܥܝܼܢ ܠܲܢ ܚܘܼܒ̣ܠܲܢ ܘܐܵܬܹ̇ܝܢ ܕܢܲܦܩܘܼܢܵܢ ܡ̣ܢ ܝܵܪܬ̇ܘܼܬ̣ܵܟ݂ ܕܐܵܘܪܸܬ̇ܬ̣ܵܢ. [No book]
[12]ܡܵܪܝܵܐ ܐܲܠܵܗܲܢ ܐܸܬ̣ܓܲܠܚ ܘܕ݂ܘܼܢ ܐܸܢܘܿܢ: ܡܸܛܠ ܕܠܲܝܬ̇ ܒܲܢ ܚܲܝܠܵܐ ܠܲܡܩܵܡ ܩܕ݂ܵܡܲܝܗܘܿܢ. ܐܲܝܬܵܐ ܥܠܲܝܗܘܿܢ ܚܲܪܒܵܐ ܕܕ݂ܝܼܢܵܟ݂. ܘܲܚܢܲܢ ܠܵܐ ܝܵܕ݂ܥܝܼܢܲܢ ܡܵܢܵܐ ܢܸܥܒܸ̇ܕ݂ ܡܸܛܠ ܕܥܲܝܢܲܝ̈ܟ ܥܠܲܝܟ ܫܩ̈ܝܼܠܵܢ. [No book]
[13]ܘܟ݂ܠܗܘܿܢ ܕܒܹܝܬ̣ ܝܼܗܘܼܕ݂ܵܐ: ܩܵܝ̇ܡܝܼܢ ܗ̄ܘ̣ܵܘ ܩܕ݂ܵܡ ܡܵܪܝܵܐ: ܘܐܵܦ ܛܠܵܝܲܝ̈ܗܘܿܢ: ܘܢܸܫܲܝ̈ܗܘܿܢ: ܘܲܒ̣ܢܲܝ̈ܗܘܿܢ: ܘܲܒ̣̈ܢܵܬ̣ܗܘܿܢ. [No book]
[14]ܘܲܚܙܵܐܹܝܠ ܒܲܪ ܙܟܲܪܝܵܐ: ܒܲܪ ܒܢܵܝܵܐ: ܒܲܪ ܝܘܿܝܵܕ݂ܵܥ: ܒܲܪ ܡܬܲܢܝܵܐ. ܠܹܘܵܝܹ̈ܐ: ܡ̣ܢ ܒܢܵܘ̈ܗܝ ܕܐܵܣܵܦ: ܫܪܵܬ̤ ܥܠܵܘܗܝ ܪܘܼܚܵܐ ܕܓܲܢ̄ܒܵܪܘܼܬ̣ܵܐ: ܡ̣ܢ ܩܕ݂ܵܡ ܡܵܪܝܵܐ. ܘܗ̤ܘ ܩܵܐܹ̇ܡ ܗ̄ܘ̣ܵܐ ܩܕ݂ܵܡ ܥܲܡܵܐ ܕܝܼܣܪܵܝܹܠ. [No book]
[15]ܘܐܸܡܲܪ: ܫܡܲܥ ܟܠܹܗ ܝܼܗܘܼܕ݂ܵܐ: ܘܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܘܡܲܠ̈ܟܵܐ ܝܵܗܘܿܫܵܦܵܛ ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܟ݂ܘܿܢ. ܐܲܢ̄ܬ̇ܘܿܢ ܠܵܐ ܬܸܕ݂ܚ̄ܠܘܼܢ: ܘܠܵܐ ܬܙܘܼܥܘܼܢ: ܡ̣ܢ ܩܕ݂ܵܡ ܚܲܝܠܵܐ ܗܵܢܵܐ ܣܲܓ̇ܝܼܵܐܐ. ܡܸܛܠ ܕܠܵܐ ܗ̄ܘ̣ܵܐ ܕܝܼܠܟ݂ܘܿܢ ܩܪܵܒ̣ܵܐ. ܕܡܵܪܝܵܐ ܗ̄ܘ̣ ܓܹܝܪ ܩܪܵܒ̣ܵܐ. [No book]
[16]ܐܸܣܬܲܪܗܲܒ̣ܘ: ܘܚܘܿܬ̣ܘ ܥܠܲܝܗܘܿܢ ܗܵܐ ܗܸܢܘܿܢ ܣܵܠܩܝܼܢ ܒܡܲܣܩܵܢܵܐ ܕܨܲܦܪܵܐ. ܘܬܸܫܟ̇ܚܘܼܢ ܐܸܢܘܿܢ ܒܲܫܩܝܼܦܵܐ ܕܢܲܚܠܵܐ: ܩܕ݂ܵܡ ܡܲܕ݂ܒ̇ܪܵܐ. ܘܗܸܢܘܿܢ ܣܵܠܩܝܼܢ ܠܡܸܬ̣ܟܲܬܵܫܘܼ ܥܲܡܟ݂ܘܿܢ. [No book]
[17]ܘܲܒ̣ܗܵܝ ܫܵܥܬ̣ܵܐ ܩܘܼܡܝ ܘܲܚܙܵܘ ܦܘܼܪܩܵܢܵܐ ܕܥܵܒܹܕ݂ ܡܵܪܝܵܐ ܥܲܡܟ݂ܘܿܢ: ܕܒܹܝܬ̣ ܝܼܗܘܼܕ݂ܵܐ: ܘܥܵܡܘܿܪܹ̈ܝܗ̇ ܕܐܘܿܪܸܫܠܸܡ ܠܵܐ ܬܸܕ݂ܚ̄ܠܘܼܢ: ܐܵܦܠܵܐ ܬܙܘܼܥܘܼܢ ܡܚܵܪ ܦܘܿܩܘ ܩܕ݂ܵܡܲܝܗܘܿܢ. ܘܐܲܕ݂ܘܿܢܲܝ ܡܵܪܹܐ ܡܵܪ̈ܵܘܵܬ̣ܵܐ ܢܸܗܘܹܐ ܒܥܸܕ݂ܪ̱ܟ݂ܘܿܢ. [No book]
[18]ܘܲܢܦܲܠ ܝܵܗܘܿܫܵܦܵܛ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܘܲܣܓܸܕ݂. ܘܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ ܘܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܢܦܲܠ̣ܘ ܣܓܸܕ݂ܘ ܩܕ݂ܵܡ ܡܵܪܝܵܐ. [No book]
[19]ܘܩܵܡ̣ܘ ܠܹܘܵܝܹ̈ܐ ܡ̣ܢ ܒܢܲܝ̈ ܩܵܗܵܬ̣: ܘܡ̣ܢ ܒܢܲܝ̈ ܩܘܿܪܚ: ܠܲܡܫܲܒܵܚܘܼ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܒܩܵܠܵܐ ܪܵܡܵܐ. [No book]
[20]ܘܩܲܕܸ̇ܡ̣ܘ ܒܨܲܦܪܵܐ: ܘܲܢܦܲܩܘ ܠܡܲܕ݂ܒ̇ܪܵܐ ܕܲܬ̣ܩܘܿܥ ܘܟܲܕ݂ ܢܦܲܩܘ: ܩܵܡ̣ ܝܵܗܘܿܫܵܦܵܛ: ܘܐܸܡܲܪ: ܫܘܼܡܥܘܼܢܝ ܕܒܹܝܬ̣ ܝܼܗܘܼܕ݂ܵܐ: ܘܥܵܡܘܿܪܹ̈ܝܗ̇ ܕܐܘܿܪܸܫܠܸܡ ܘܗܲܝܡܸܢܘ ܒܡܵܪܝܵܐ ܐܲܠܵܗܟ݂ܘܿܢ: ܘܬܸܬ̣ܗܲܝܡܢܘܿܢ ܗܲܝܡܸܢܘ ܒܲܢܒ̣ܝܼܘ̈ܗܝ: ܘܬܸܬ̣ܦܲܪܩܘܿܢ. [No book]
[21]ܘܩܵܡ̣ ܒܡܸܨܥܲܬ̣ ܥܲܡܵܐ: ܘܐܸܡܲܪ: ܬܵܘ ܢܵܘܕܹ̇ܐ ܠܡܵܪܝܵܐ: ܘܲܢܫܲܒܲܚ ܠܗܸܕ݂ܪܵܐ ܕܩܲܕ̇ܝܼܫܘܼܬܹܗ: ܟܲܕ݂ ܢܵܦܹ̇ܩ ܩܕ݂ܵܡ ܚܲܝܠܵـ̈ـܘܵܬܲܢ: ܘܥܵܒܹ̇ܕ݂ ܠܲܢ ܩܪܵܒ̣ܵܐ ܥܲܡ ܒܥܸܠܕ̇ܒ̣ܵܒܲܝ̈ܢ. ܘܐܵܡ̇ܪܝܼܢ: ܐܵܘܕܵܘ ܠܡܵܪܝܵܐ ܕܛܵܒ̣ ܗ̄ܘ̣: ܘܲܠܥܵܠܲܡ ܛܲܝܒ̇ܘܼܬܹܗ. ܪ̈ܵܡܵܬ̣ܵܐ ܫܲܪܝܼ ܡܫܲܒ̇ـ̈ـܚܵܢ: ܘܛܘܼܪܹ̈ܐ ܫܲܪܝܼܘ ܕܵܝܨܝܼܢ. [No book]
22[No verse] [No book]
23[No verse] [No book]
[24]ܘܲܝܗܘܼܕ݂ܵܐ ܐܸܬ̣ܵܐ ܠܹܗ ܠܛܘܼܪܵܐ ܕܕ݂ܵܘܩܹ̈ܐ ܕܡܲܕ݂ܒ̇ܪܵܐ ܘܲܚܙܵܘ ܘܗܵܐ ܟܠܗܘܿܢ ܦܲܓ̣ܪ̈ܲܝܗܘܿܢ ܡܝܼܬ̣ܝܼܢ: ܘܲܪܡܹܝܢ ܥܲܠ ܐܲܪܥܵܐ ܘܠܵܐ ܐܝܼܬ̣ ܐ̄ܢܵܫ ܕܲܦܠܲܛ ܡܸܢܗܘܿܢ. [No book]
[25]ܘܐܸܬ̣ܵܐ ܝܵܗܘܿܫܵܦܵܛ ܘܥܲܡܵܐ ܕܝܼܣܪܵܝܹܠ: ܠܡܸܒܲܙ ܒܸܙܲܬ̣ܗܘܿܢ ܘܐܸܫܟܲܚܘ ܒܗܘܿܢ ܒܸܙܬ̣ܵܐ ܣܘܿܓ̣ܵܐܐ ܕܛܵܒ̣: ܘܩܸܢܝܵܢܵܐ ܘܲܦܓ̣ܘܼ̈ܕܹܐ: ܘܪ̈ܲܟ݂ܫܵܐ: ܘܡܵܐܢܹ̈ܐ ܕܪܸܓ̇ܬ̣ܵܐ. ܘܲܫܩܲܠܘ ܠܗܘܿܢ ܡܸܕܸ̇ܡ ܕܲܨܒ̣ܵܘ. [No book]
[26]ܘܲܗܘ̤ܵܐ ܒܵܬܲܪ ܬܠܵܬ̣ܵܐ ܝܵܘ̈ܡܝܼܢ: ܟܲܕ݂ ܒܲܙܘ ܒܸܙܬ̣ܵܐ: ܡܸܛܠ ܕܣܲܓ̇ܝܼܵܐܐ ܗ̄ܘ̣ܵܬ̣ ܛܵܒ̣: ܘܲܒ̣ܝܵܘܡܵܐ ܕܐܲܪܒ̇ܥܵܐ ܐܸܬ̣ܟܲܢܲܫܘ ܠܲܦܩܲܥܬ̣ܵܐ ܕܒ̣ܘܼܪܟ̇ܬ̣ܵܐ ܡܸܛܠ ܕܬܲܡܵܢ ܒܲܪܸܟ݂ܘ ܠܡܵܪܝܵܐ ܐܲܠܵܗܵܐ. ܡܸܛܠ ܗܵܢܵܐ ܐܸܬ̣ܩܪܝܼ ܫܡܵܗ̇ ܕܕ݂ܘܼܟ̇ܬ̣ܵܐ ܗܵܝ̇ ܒܘܼܪܟ̇ܬ̣ܵܐ ܥܕܲܡܵܐ ܠܝܵܘܡܵܢܵܐ. [No book]
[27]ܘܲܗܦܲܟ݂ܘ ܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ ܠܐܘܿܪܸܫܠܸܡ: ܘܝܵܗܘܿܫܵܦܵܛ ܒܪܹܫܲܝܗܘܿܢ ܡܸܛܠ ܕܐܵܬܹ̇ܝܢ ܗ̄ܘ̣ܵܘ ܓܹܝܪ ܠܐܘܿܪܸܫܠܸܡ ܒܚܲܕ݂ܘܼܬ̣ܵܐ. ܡܸܛܠ ܕܚܲܕ̇ܝܼ ܐܸܢܘܿܢ ܡܵܪܝܵܐ ܡ̣ܢ ܒܥܸܠܕ̇ܒ̣ܵܒܲܝ̈ܗܘܿܢ. [No book]
[28]ܘܐܸܬ̣ܵܘ ܠܐܘܿܪܸܫܠܸܡ: ܒܬܸܫܒ̇ـ̈ـܚܵܬ̣ܵܐ: ܘܲܒ̣ܟܸܢܵܪܹ̈ܐ: ܘܲܒ̣ܩܲܪ̈ܢܵܬ̣ܵܐ ܟܦܝܼ̈ܦܵܬ̣ܵܐ ܘܲܦܫ̈ܝܼܛܵܬ̣ܵܐ. ܘܐܸܬ̣ܵܘ ܠܒܲܝܬܹ̇ܗ ܕܡܵܪܝܵܐ. [No book]
[29]ܘܢܸܦܠܲܬ̤ ܕܸܚ̱ܠܬܹܗ ܕܡܵܪܝܵܐ ܥܲܠ ܟܠܗܹܝܢ ܡܕ݂ܝܼ̈ܢܵܬ̣ܵܐ: ܘܥܲܠ ܡܲܠ̈ܟ̇ܘܵܬ̣ܗܹܝܢ: ܟܲܕ݂ ܫ̣ܡܲܥ ܕܡܵܪܝܵܐ ܡܸܬ̣ܟܲܬܲܫ ܥܲܡ ܒܥܸܠܕ̇ܒ̣ܵܒ̣ܵܘ̈ܗܝ ܕܝܼܣܪܵܝܹܠ. [No book]
[30]ܘܐܸܬ̇ܬ̇ܢܝܼܚܲܬ̤ ܡܲܠܟ̇ܘܼܬܹܗ ܕܝܵܗܘܿܫܵܦܵܛ ܘܐܲܢܝܼܚܹܗ ܡܵܪܝܵܐ ܡ̣ܢ ܚܕ݂ܵܪ̈ܵܘܗܝ. [No book]
[31]ܘܐܲܡ̣ܠܸܟ݂ ܝܵܗܘܿܫܵܦܵܛ ܥܲܠ ܝܼܗܘܼܕ݂ܵܐ. ܒܲܪ ܬܠܵܬ̣ܝܼܢ ܗ̄ܘ̣ܵܐ ܘܚܲܡܸܫ ܫܢ̈ܝܼܢ ܝܵܗܘܿܫܵܦܵܛ: ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ. ܘܥܸܣܪܝܼܢ ܘܚܲܡܸܫ ܫܢ̈ܝܼܢ: ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܐ ܕܐܸܡܹܗ ܥܪܘܿܒ̣ܵܐ ܒܲܪܬ̣ ܫܲܠܚܝܼ. [No book]
[32]ܘܗܲܠܸܟ݂ ܒܟ݂ܠܗܹܝܢ ܐܘܼܪ̈ܚܵܬܹܗ ܕܐܵܣܵܐ ܐܲܒ̣ܘܼܗܝ. ܘܠܵܐ ܗ̣ܦܲܟ݂ ܡܸܢܗܹܝܢ ܠܡܸܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ. [No book]
[33]ܒܲܠܚܘܿܕ݂ ܥܠܵـ̈ـܘܵܬ̣ܵܐ ܠܵܐ ܐܲܥܒܲܪ: ܥܕܲܡܵܐ ܠܗܵܫܵܐ. ܘܥܲܡܵܐ ܠܵܐ ܐܸܬ̣ܩܸܢܘ ܠܸܒ̇ܗܘܿܢ ܠܐܲܠܵܗܵܐ ܕܐܲܒ̣ܵܗܵܬ̣̈ܗܘܿܢ. [No book]
[34]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܝܵܗܘܿܫܵܦܵܛ ܩܲܕ݂ܡܵܝܹ̈ܐ ܘܐܲܚܪ̈ܵܝܹܐ ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܒܦܸܬ̣ܓ̣ܵܡܵܘܗܝ ܕܝܵܗܘܿ ܒܲܪ ܚܢܲܢ: ܕܲܟ݂ܬ̣ܝܼܒ̣ ܒܲܣܦܲܪ ܡܲܠܟܲܝ̈ ܝܼܣܪܵܝܹܠ. [No book]
[35]ܘܒ̣ܵܬܲܪ ܗܵܠܹܝܢ ܐܸܬ̣ܩܲܪܲܒ̣ ܝܵܗܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ: ܠܘܵܬ̣ ܐܸܚܲܙܝܵܐ ܡܲܠܟܵܐ ܕܝܼܣܪܵܝܹܠ: ܗܵܘ̇ ܪܲܫܝܼܥܵܐ: ܕܐܲܣܓ̇ܝܼ ܠܡܸܥܒܲܕ݂ ܒܝܼܫܵܬ̣ܵܐ ܡ̣ܢ ܟܠܗܘܿܢ ܡܲܠ̈ܟܹ̇ܐ ܕܝܼܣܪܵܝܹܠ. [No book]
[36]ܘܐܸܬ̣ܩܲܪܲܒ̣ ܠܘܵܬܹܗ ܠܡܸܥܒܲܕ݂ ܣܦܝܼܢܹ̈ܐ ܕܐܵܙܵܠ̄ـ̈ـܢ ܠܬܲܪܫܝܼܫ ܘܲܥܒܲܕ݂ܘ ܣܦܝܼܢܹ̈ܐ ܒܥܹܨܝܼܢܘܿ ܓܒܲܪ ܡܕ݂ܝܼܢ̄ܬܵܐ. [No book]
[37]ܘܐܸܬ̣ܢܲܒ̇ܝܼ ܐܹܠܝܼܥܵܙܲܪ ܒܲܪܕܵܕܹܗ ܒܡܹܐܪܫܵܐ ܡܕ݂ܝܼܢ̄ܬܵܐ: ܥܲܠ ܝܵܗܘܿܫܵܦܵܛ: ܘܐܸܡܲܪ ܠܹܗ. ܒܫܵܘܬܵܦܘܼܬ̣ܵܟ݂ ܕܥܲܡ ܐܹܚܲܙܝܵܐ: ܩܲܠܩܸܠ ܡܵܪܝܵܐ ܟܠܗܘܿܢ ܥܒ̣ܵܕܲܝ̈ܟ ܘܐܸܬ̇ܬܲܒܲܪ ܣܦܝܼܢܹ̈ܐ: ܘܠܵܐ ܐܸܫܟܲܚ ܠܡܹܐܙܲܠ ܠܬܲܪܫܝܼܫ. [No book]
 
Top