➖ »
«
➖ ➕
Aleppo Codex (~920)
Alep
The Epistle of Polycarp to the Church at Phillipians
PolyPhl
←
2 Chronicles
2Ch
20
→
[1]ויהי אחרי כן באו בני מואב ובני עמון ועמהם מהעמונים על יהושפט־למלחמה [No book]
[2]ויבאו ויגידו ליהושפט לאמר בא עליך המון רב מעבר לים מארם והנם בחצצון תמר היא עין גדי [No book]
[3]וירא ויתן יהושפט את פניו לדרוש ליהוה ויקרא צום על כל יהודה [No book]
[4]ויקבצו יהודה לבקש מיהוה גם מכל ערי יהודה באו לבקש את יהוה [No book]
[5]ויעמד יהושפט בקהל יהודה וירושלם־בבית יהוה לפני החצר החדשה [No book]
[6]ויאמר יהוה אלהי אבתינו הלא אתה הוא אלהים בשמים ואתה מושל בכל ממלכות הגוים ובידך כח וגבורה ואין עמך להתיצב [No book]
[7]הלא אתה אלהינו הורשת את ישבי הארץ הזאת מלפני עמך ישראל ותתנה לזרע אברהם אהבך־לעולם [No book]
[8]וישבו בה ויבנו לך בה מקדש לשמך לאמר [No book]
[9]אם תבוא עלינו רעה חרב שפוט ודבר ורעב נעמדה לפני הבית הזה ולפניך כי שמך בבית הזה ונזעק אליך מצרתנו ותשמע ותושיע [No book]
[10]ועתה הנה בני עמון ומואב והר שעיר אשר לא נתתה לישראל לבוא בהם בבאם מארץ מצרים כי סרו מעליהם ולא השמידום [No book]
[11]והנה הם־גמלים עלינו לבוא לגרשנו מירשתך אשר הורשתנו [No book]
[12]אלהינו הלא תשפט בם כי אין בנו כח לפני ההמון הרב הזה הבא עלינו ואנחנו לא נדע מה נעשה־כי עליך עינינו [No book]
[13]וכל יהודה־עמדים לפני יהוה גם טפם נשיהם ובניהם [No book]
[14]ויחזיאל בן זכריהו בן בניה בן יעיאל בן מתניה הלוי־מן בני אסף היתה עליו רוח יהוה בתוך הקהל [No book]
[15]ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה־כי לא לכם המלחמה כי לאלהים [No book]
[16]מחר רדו עליהם הנם עלים במעלה הציץ ומצאתם אתם בסוף הנחל פני מדבר ירואל [No book]
[17]לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו־מחר צאו לפניהם ויהוה עמכם [No book]
[18]ויקד יהושפט אפים ארצה וכל יהודה וישבי ירושלם נפלו לפני יהוה להשתחות ליהוה [No book]
[19]ויקמו הלוים מן בני הקהתים ומן בני הקרחים־להלל ליהוה אלהי ישראל בקול גדול למעלה [No book]
[20]וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם־האמינו ביהוה אלהיכם ותאמנו האמינו בנביאיו והצליחו [No book]
[21]ויועץ אל העם ויעמד משררים ליהוה ומהללים להדרת קדש־בצאת לפני החלוץ ואמרים הודו ליהוה כי לעולם חסדו [No book]
[22]ובעת החלו ברנה ותהלה נתן יהוה מארבים על בני עמון מואב והר שעיר הבאים ליהודה־וינגפו [No book]
[23]ויעמדו בני עמון ומואב על ישבי הר שעיר־להחרים ולהשמיד וככלותם ביושבי שעיר עזרו איש ברעהו למשחית [No book]
[24]ויהודה בא על המצפה למדבר ויפנו אל ההמון והנם פגרים נפלים ארצה ואין פליטה [No book]
[25]ויבא יהושפט ועמו לבז את שללם וימצאו בהם לרב ורכוש ופגרים וכלי חמדות וינצלו להם לאין משא ויהיו ימים שלושה בזזים את השלל־כי רב הוא [No book]
[26]וביום הרבעי נקהלו לעמק ברכה־כי שם ברכו את יהוה על כן קראו את שם המקום ההוא עמק ברכה־עד היום [No book]
[27]וישבו כל איש יהודה וירושלם ויהושפט בראשם לשוב אל ירושלם בשמחה כי שמחם יהוה מאויביהם [No book]
[28]ויבאו ירושלם בנבלים ובכנרות ובחצצרות־אל בית יהוה [No book]
[29]ויהי פחד אלהים על כל ממלכות הארצות בשמעם־כי נלחם יהוה עם אויבי ישראל [No book]
[30]ותשקט מלכות יהושפט וינח לו אלהיו מסביב [No book]
[31]וימלך יהושפט על יהודה־בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחי [No book]
[32]וילך בדרך אביו אסא־ולא סר ממנה לעשות הישר בעיני יהוה [No book]
[33]אך הבמות לא סרו ועוד העם לא הכינו לבבם לאלהי אבתיהם [No book]
[34]ויתר דברי יהושפט הראשנים והאחרנים־הנם כתובים בדברי יהוא בן חנני אשר העלה על ספר מלכי ישראל [No book]
[35]ואחרי כן אתחבר יהושפט מלך יהודה עם אחזיה מלך ישראל הוא הרשיע לעשות [No book]
[36]ויחברהו עמו לעשות אניות ללכת תרשיש ויעשו אניות בעציון גבר [No book]
[37]ויתנבא אליעזר בן דדוהו ממרשה על יהושפט לאמר כהתחברך עם אחזיהו פרץ יהוה את מעשיך וישברו אניות ולא עצרו ללכת אל תרשיש [No book]
Source: unbound.biola.edu
Top