➖ »
«
➖ ➕
Peshitta OT
PesOT
The First Book of Clement
1Clem
←
2 Chronicles
2Ch
27
→
[1]ܒܲܪ ܥܸܣܪܝܼܢ ܘܚܲܡܸܫ ܫܢ̈ܝܼܢ ܝܘܿܬ̣ܵܡ: ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ. ܘܫܸܬ̇ܬܲܥܸܣܪܹ̈ܐ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܐ ܕܐܸܡܹܗ: ܝܹܪܘܿܫܵܐ ܒܲܪܬ̣ ܨܵܕ݂ܘܿܩ. [No book]
[2]ܘܲܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ: ܐܲܝܟܲܢܵܐ ܕܲܥܒܲܕ݂ ܥܘܿܙܝܼܵܐ ܐܲܒ̣ܘܼܗܝ ܒܲܠܚܘܿܕ݂ ܠܵܐ ܥܲܠ ܠܒܲܝܬܹ̇ܗ ܕܡܵܪܝܵܐ. ܘܲܥܕܲܡܵܐ ܠܗܵܫܵܐ ܥܲܡܵܐ ܡܚܲܒ̇ܠܝܼܢ ܗ̄ܘ̣ܵܘ. [No book]
[3]ܘܗ̤ܘ ܒܢ̣ܵܐ ܬܲܪܥܵܐ ܕܒܲܝܬܹ̇ܗ ܕܡܵܪܝܵܐ ܥܸܠܵܝܵܐ. ܘܐܵܦ ܒܫܘܼܪܵܐ ܕܐܸܬ̣ܓ̇ܡܲܪ: ܒܢ̣ܵܐ ܣܲܓ̇ܝܼ ܛܵܒ̣. [No book]
[4]ܘܩܘܼܪ̈ܝܵܐ ܒܢ̣ܵܐ ܒܐܲܪܥܵܐ ܕܲܝܗܘܼܕ݂ܵܐ ܘܲܒ̣ܚܲܪܫܲܬ̣ ܒܢ̣ܵܐ ܒܝܼܪ̈ܵܬ̣ܵܐ ܘܡܲܓܕ̇ܠܹ̈ܐ. [No book]
[5]ܘܗ̤ܘ ܐܸܬ̣ܟܲܬܲܫ ܗ̄ܘ̣ܵܐ ܥܲܡ ܥܲܡܵܐ ܕܲܒ̣ܢܲܝ̈ ܥܲܡܘܿܢ: ܘܐܸܬ̇ܬܲܩܲܦ ܥܠܲܝܗܘܿܢ. ܘܝܲܗ̄ܒ̣ܘ ܠܹܗ ܒܢܲܝ̈ ܥܲܡܘܿܢ ܒܫܲܢ̄ܬܵܐ ܗܵܝ̇: ܡܵܐܐ ܟܲܟ̇ܪ̈ܝܼܢ ܕܟܸܣܦܵܐ: ܘܥܸܣܪܵܐ ܐܲܠܦ̈ܝܼܢ ܟܘܿܪܹ̈ܐ ܕܚܸܛܹ̈ܐ: ܘܥܸܣܪܵܐ ܐܲܠܦ̈ܝܼܢ ܟܘܿܪܹ̈ܐ ܕܲܣܥܵܪܹ̈ܐ. ܗܵܢܵܐ ܟܠܹܗ ܩܘܼܪܒܵܢܵܐ: ܚܫܲܒ̣ܘ ܘܩܲܪܸܒ̣ܘ ܠܹܗ ܒܢܲܝ̈ ܥܲܡܘܿܢ. [No book]
[6]ܘܲܒ̣ܫܲܢ̄ܬܵܐ ܕܬܲܪܬܹ̇ܝܢ ܘܕܲܬ̣ܠܵܬ̣: ܐܸܬ̣ܥܲܫܲܢ ܝܘܿܬ̣ܵܡ: ܡܸܛܠ ܕܐܲܬ̣ܩܸܢ ܐܘܼܪ̈ܚܵܬܹܗ ܩܕ݂ܵܡ ܡܵܪܝܵܐ ܐܲܠܵܗܹܗ. [No book]
[7]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܝܘܿܬ̣ܵܡ: ܘܟ݂ܠܗܘܿܢ ܩܪ̈ܵܒ̣ܵܘܗܝ ܘܐܘܼܪ̈ܚܵܬܹܗ: ܗܸܢܘܿܢ ܟܬ̣ܝܼܒ̣ܝܼܢ ܥܲܠ ܣܸܦܪܵܐ ܕܡܲܠ̈ܟܹ̇ܐ ܕܝܼܣܪܵܝܹܠ ܘܕܲܝܗܘܼܕ݂ܵܐ. [No book]
[8]ܘܲܫܟܸܒ̣ ܝܘܿܬ̣ܵܡ ܥܲܡ ܐܲܒ̣ܸܵܗܵܘ̈ܗܝ. ܘܐܸܬ̣ܩܒܲܪ ܒܲܩܪܝܼܬ̣ܵܐ ܕܕ݂ܵܘܝܼܕ݂. ܘܐܲܡ̣ܠܸܟ݂ ܐܵܚܵܙ ܒܪܹܗ ܒܵܬ̣ܪܹܗ. [No book]
Translation: Charles H. Hoole (1885)
Source: www.earlychristianwritings.com
Top