➖ »
«
➖ ➕
Peshitta OT
PesOT
The First Book of Clement
1Clem
←
2 Chronicles
2Ch
28
→
[1]ܒܲܪ ܥܸܣܪܝܼܢ ܗ̄ܘ̣ܵܐ ܘܚܲܡܸܫ ܫܢ̈ܝܼܢ ܐܵܚܵܙ ܟܲܕ݂ ܐܲܡ̣ܠܸܟ݂. ܘܫܸܬ̇ܬܲܥܸܣܪܹ̈ܐ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܠܵܐ ܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ ܐܲܠܵܗܹܗ: ܐܲܝܟ݂ ܕܵܘܝܼܕ݂ ܐܲܒ̣ܘܼܗܝ. [No book]
[2]ܘܗܲܠܸܟ݂ ܒܐܘܼܪ̈ܚܵܬ̣ܵܐ ܕܡܲܠ̈ܟܹ̇ܐ ܕܝܼܣܪܵܝܹܠ. ܘܐܵܦ ܡܲܕ݂ܒ̇ܚܹ̈ܐ ܥ̣ܒܲܕ݂ ܠܲܦܬܲܟ݂ܪܹ̈ܐ. [No book]
[3]ܘܐܲܣܸܩ ܩܲܛܪ̈ܘܿܩܹܐ ܕܒܸܣܡܹ̈ܐ ܒܢܲܚ̈ܠܹܐ ܪܵܘ̱ܪ̈ܒܹܐ. ܘܐܲܥܒܲܪ ܒܪܹܗ ܒܢܘܼܪܵܐ: ܐܲܝܟ݂ ܢܵܡܘܿܣܵܐ ܕܥܲܡܡܹ̈ܐ ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡ ܒܢܲܝ̈ ܝܼܣܪܵܝܹܠ. [No book]
[4]ܘܕܲܒܲܚ̣: ܘܐܲܣܸܩ̣ ܩܲܛܪ̈ܘܿܩܹܐ ܕܒܸܣܡܹ̈ܐ ܥܲܠ ܡܲܕ݂ܒ̇ܚܹ̈ܐ ܘܥܲܠ ܥ̈ܠܵܘܵܬ̣ܵܐ: ܘܲܬ̣ܚܹܬ̣ ܟܠ ܐܝܠܵܢܹ̈ܐ ܫܲܦܝܼܪܹ̈ܐ. [No book]
[5]ܘܐܲܫ̱ܠܡܹܗ ܡܵܪܝܵܐ ܐܲܠܵܗܵܐ ܒܐܝܼܕ݂ܵܐ ܕܡܲܠܟܵܐ ܕܐܲܕ݂ܘܿܡ ܘܲܚܪܲܒ̣ ܡܸܢܹܗ ܚܲܪܒܵܐ ܣܲܓ̇ܝܼ ܘܲܫܒ̣ܵܐ ܡܸܢܹܗ ܫܒ̣ܝܼܬ̣ܵܐ ܪܲܒ̇ܬ̣ܵܐ: ܘܐܸܬ̣ܵܘ ܠܕܲܪܡܣܘܿܩ. ܘܐܵܦ ܒܐܝܼ̈ܕܲܝ ܡܲܠܟܵܐ ܕܝܼܣܪܵܝܹܠ ܐܸܫܬ̇ܠܸܡ. ܘܲܚܪܲܒ̣ ܡܸܢܹܗ ܚܲܪܒܵܐ ܪܲܒ̇ܬ̣ܵܐ. [No book]
[6]ܘܩܲܛܸܠ̣ ܦܩܲܚ ܒܲܪ ܪܘܿܡܲܠܝܵܐ: ܡ̣ܢ ܡܲܠܟܵܐ ܕܒܹܝܬ̣ ܝܼܗܘܼܕ݂ܵܐ: ܡܵܐܐ ܘܥܸܣܪܝܼܢ ܐܲܠܦ̈ܝܼܢ ܒܝܵܘܡܵܐ ܚܲܕ݂: ܟܠܗܘܿܢ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ. ܥܲܠ ܕܲܫܒܲܩ̣ܘ ܠܡܵܪܝܵܐ ܐܲܠܵܗܵܐ ܕܐܲܒ̣ܵܗܲܝ̈ܗܘܿܢ. [No book]
[7]ܘܲܩܛܲܠ ܠܙܲܟ݂ܪܝܼ ܓܲܢ̄ܒܵܪܵܐ ܕܒܹܝܬ̣ ܐܲܦܪܹܝܡ: ܘܠܲܡܥܲܣܝܵܐ ܒܲܪ ܡܲܠܟܵܐ: ܘܠܲܥܙܲܪܩܝܼ ܪܲܒ̇ ܒܲܝܬܵܐ: ܘܠܲܐܠܩܵܢܵܐ ܬܸܢܝܵܢܵܐ ܕܡܲܠܟܵܐ. [No book]
[8]ܘܲܫܒܵܘ ܒܢܲܝ̈ ܝܼܣܪܵܝܹܠ ܡ̣ܢ ܐܲܚܲܝ̈ܗܘܿܢ: ܐ̄ܢܵܫܵܐ ܡܲܐܬܹ̇ܝܢ ܐܲܠܦ̈ܝܼܢ: ܘܲܒ̣ܢܲܝ̈ܗܘܿܢ ܘܲܒ̣̈ܢܵܬ̣ܗܘܿܢ. ܘܐܵܦ ܫܒ̣ܝܼܬ̣ܵܐ ܣܲܓ̇ܝܼ ܒܲܙܘ ܡܸܢܗܘܿܢ. ܘܐܲܝܬ̇ܝܘܼܗ̇ ܠܲܫܒ̣ܝܼܬ̣ܵܐ ܠܫܵܡܪܹܝܢ. [No book]
[9]ܘܬܲܡܵܢ ܗ̄ܘ̣ܵܐ ܢܒ̣ܝܹܗ ܕܡܵܪܝܵܐ: ܥܲܕ̇ܘܿ ܫܡܹܗ. ܘܲܢܦܲܩ ܩܕ݂ܵܡ ܚܲܝܠܵܐ ܕܐܸܬ̣ܵܐ ܠܫܵܡܪܹܝܢ: ܘܐܸܡܲܪ: ܡܸܛܠ ܕܲܪܓܸܙ ܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬܲܢ ܥܲܠ ܕܒܹܝܬ̣ ܝܼܗܘܼܕ݂ܵܐ: ܘܐܲܫܠܸܡ ܐܸܢܘܿܢ ܒܐܝܼܕܲܝ̈ܟ̇ܘܿܢ: ܚ̣ܪܲܒ̣ܬ̇ܘܿܢ ܐܸܢܘܿܢ: ܘܠܵܐ ܚܵܣܬ̇ܘܿܢ ܥܠܲܝܗܘܿܢ. [No book]
[10]ܘܐܵܦ ܗܵܫܵܐ ܟܵܬ̣ܫܝܼܢ ܐ̄ܢܬ̇ܘܿܢ ܕܢܸܗܘܘܿܢ ܠܟ݂ܘܿܢ ܥܲܒ̣̈ܕܹ̇ܐ ܘܐܲܡ̈ܗܵܬ̣ܵܐ. ܘܐܵܦ ܗܵܫܵܐ ܐܲܢ̄ܬ̇ܘܿܢ ܝܵܕ݂ܥܝܼܢ ܐ̄ܢܬ̇ܘܿܢ ܕܲܚܛܝܼܬ̣ܵܐ ܗܵܕܹܐ: ܩܕ݂ܵܡ ܡܵܪܝܵܐ ܐܲܠܵܗܟ݂ܘܿܢ ܚܛܲܝܬ̇ܘܿܢ. [No book]
[11]ܘܐܵܦ ܗܵܫܵܐ ܫܘܼܡܥܘܼܢܝ: ܘܐܲܗܦܸܟ݂ܘ ܫܒ̣ܝܼܬ̣ܵܐ ܕܲܫܒܲܝܬ̇ܘܿܢ ܡ̣ܢ ܐܲܚܲܝ̈ܟ̇ܘܿܢ ܕܲܠܡܵܐ ܕܹܝܢ ܬܸܣܲܩ ܚܸܡܬܹܗ ܕܡܵܪܝܵܐ ܥܠܲܝܟ̇ܘܿܢ. [No book]
[12]ܘܩܵܡ̣ܘ ܓܲܒ̣ܪܹ̈ܐ ܡ̣ܢ ܪܹ̈ܫܹܐ ܕܒܹܝܬ̣ ܐܲܦܪܹܝܡ: ܥܲܙܲܪܝܵܐ: ܘܝܘܿܚܲܢܵܐ: ܘܲܒ̣ܪܲܟ݂ܝܵܐ ܒܲܪ ܡܩܲܪܝܵܐ. [No book]
[13]ܘܐܵܡ̇ܪܝܼܢ ܠܗܘܿܢ: ܕܠܵܐ ܬܲܥܠܘܼܢ ܫܒ̣ܝܼܬ̣ܵܐ ܗܵܕܹܐ ܠܗܵܪܟܵܐ. ܡܸܛܠ ܕܠܵܐ ܢܸܚܛܹܐ ܬܘܼܒ̣ ܩܕ݂ܵܡ ܡܵܪܝܵܐ ܐܲܠܵܗܲܢ. ܘܐܲܢ̄ܬ̇ܘܿܢ ܐܵܡ̇ܪܝܼܢ ܐ̄ܢܬ̇ܘܿܢ: ܢܵܘܣܸܦ ܚܵܘ̈ܒܲܝܢ ܘܥܲܠ ܚܛܵܗܲܝ̈ܢ: ܡܸܛܠ ܕܣܲܓ̇ܝܼܐܝܼܢ ܐܸܢܘܿܢ ܛܵܒ̣. [No book]
[14]ܘܐܲܗܦܟ݂ܘܼܗ̇ ܠܲܫܒ̣ܝܼܬ̣ܵܐ ܟܠܵܗ̇ ܠܐܘܿܪܸܫܠܸܡ. [No book]
[15]ܘܐܵܘܣܸܦ ܠܲܡܟܲܕܵܝܘܼ ܒܡܵܪܝܵܐ ܟܲܕܵܒ̣ܘܼܬ̣ܵܐ. [No book]
[16]ܒܹܗ ܒܙܲܒ̣ܢܵܐ ܗܵܘ̇ ܫܲܕܲܪ ܗ̄ܘ̣ܵܐ ܡܲܠܟܵܐ ܐܵܚܵܙ: ܠܘܵܬ̣ ܡܲܠܟܵܐ ܕܐܵܬ̣ܘܿܪ ܠܲܡܥܲܕ̇ܪܘܼܬܹܗ. [No book]
[17]ܘܲܥܕܲܡܵܐ ܠܗܵܫܵܐ ܐܲܕ݂ܘܿܡܵܝܹ̈ܐ ܐܸܬ̣ܵܘ: ܘܲܚܪܲܒ̣ܘ ܒܒܹܝܬ̣ ܝܼܗܘܼܕ݂ܵܐ: ܘܲܫܒܵܘ ܡܸܢܗܘܿܢ ܫܒ̣ܝܼܬ̣ܵܐ. [No book]
[18]ܘܲܦܠܸܫܬܵܝܹ̈ܐ ܐܸܬ̣ܵܘ ܘܲܫܪܵܘ ܥܲܠ ܩܘܼܪ̈ܝܵܐ ܕܲܦܩܲܥܬ̣ܵܐ: ܘܥܲܠ ܩܘܼܪ̈ܝܵܐ ܬܲܝܡ̈ܢܵܝܬ̣ܵܐ ܕܒܹܝܬ̣ ܝܼܗܘܼܕ݂ܵܐ. ܘܐܸܚܲܕ݂ܘ ܠܒܹܝܬ̣ ܫܡܸܫ ܩܪܝܼܬ̣ܵܐ: ܘܠܐܝܼܠܘܿܢ ܩܪܝܼܬ̣ܵܐ: ܘܠܲܙܥܘܿܪܲܬ̣ ܩܪܝܼܬ̣ܵܐ: ܘܠܲܫܘܿܒ̣ ܘܲܠܡܹ̈ܐܟ݂ܠܵܬ̣ܵܗ̇: ܘܠܲܓܪܵܡ ܘܲܠܡܹ̈ܐܟ݂ܠܵܬ̣ܵܗ̇. [No book]
[19]ܡܸܛܠ ܕܲܬ̣ܒܲܪ ܡܵܪܝܵܐ ܠܲܕ݂ܒܹܝܬ̣ ܝܼܗܘܼܕ݂ܵܐ: ܡܸܛܠ ܚܛܵܗܵܘ̈ܗܝ ܕܐܵܚܵܙ ܡܲܠܟܵܐ ܕܲܝܗܘܼܕ݂ܵܐ: ܕܐܲܣܓܝܼ ܒܒܹܝܬ̣ ܝܼܗܘܼܕ݂ܵܐ: ܘܟܲܕܸ̇ܒ̣ ܟܲܕܵܒ̣ܘܼܬ̣ܵܐ ܒܡܵܪܝܵܐ ܐܲܠܵܗܹܗ. [No book]
[20]ܘܐܸܬ̣ܵܐ ܥܠܵܘܗܝ ܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ. ܘܲܫܪܵܐ ܥܠܵܘܗܝ. ܘܐܲܠܨܹܗ ܐܘܼܠܨܵܢܵܐ ܪܲܒܵܐ. [No book]
[21]ܘܲܫܩܲܠ ܡܲܠܟܵܐ ܐܵܚܵܙ ܡܵܐܢܹ̈ܐ ܕܐܝܼܬ̣ ܒܒܲܝܬܹ̇ܗ ܕܡܵܪܝܵܐ: ܘܡܵܐܢܹ̈ܐ ܕܲܗܘ̤ܵܘ ܒܒܹܝܬ̣ ܡܲܠ̈ܟܹ̇ܐ ܩܲܕ݂ܡܵܝܹ̈ܐ: ܘܲܒ̣̈ܒ̣ܵܬܹ̇ܐ ܥܲܬ̇ܝܼܪܹ̈ܐ. ܘܝܲܗ̄ܒ̣ ܠܡܲܠܟܵܐ ܕܐܵܬ̣ܘܿܪ: ܕܠܵܐ ܢܲܗܪܝܼܘܗܝ ܒܙܲܒ̣ܢܵܐ ܕܐܘܼܠܨܵܢܹܗ. [No book]
22[No verse] [No book]
[23]ܗ̤ܘ ܡܲܠܟܵܐ ܐܵܚܵܙ. ܘܕܲܒܲܚ ܠܐܲܠܵܗܲܝ̈ ܕܲܪܡܣܘܿܩ ܘܐܸܡܲܪ ܠܗܘܿܢ: ܐܲܢ̄ܬ̇ܘܿܢ ܐܸܢܘܿܢ ܐܲܠܵܗܲܝ̈ ܘܡܵܪ̈ܲܝ. ܠܟ݂ܘܿܢ ܕܵܚܹ̇ܠ ܐ̄ܢܵܐ: ܘܲܠܟ݂ܘܿܢ ܡܕܲܒܲܚ ܐ̄ܢܵܐ. ܘܗ̤ܘ ܗܘ̤ܵܐ ܬܘܼܩ̱ܠܬ̣ܵܐ ܠܲܝܗܘܼܕ݂ܵܐ. ܘܐܲܚܛܝܼ ܠܟ݂ܠܹܗ ܥܲܡܵܐ ܕܲܝܗܘܼܕ݂ܵܐ. [No book]
[24]ܘܟܲܢܸܫ ܐܵܚܵܙ ܠܟ݂ܠܗܘܿܢ ܡܵܐܢܹ̈ܐ ܕܐܝܼܬ̣ ܗ̄ܘ̣ܵܘ ܒܒܷܲܬܹ̇ܗ ܕܡܵܪܝܵܐ. ܘܩܲܨܸܨ ܡܵܐܢܹ̈ܐ ܕܐܝܼܬ̣ ܗ̄ܘ̣ܵܘ ܒܒܲܝܬܹ̇ܗ ܕܡܵܪܝܵܐ. ܘܐܸܚܲܕ݂ ܬܲܪ̈ܥܹܐ ܓܵܘܵܝܹ̈ܐ ܘܒܲܪ̈ܵܝܹܐ ܕܐܝܼܬ̣ ܗ̄ܘ̣ܵܘ ܒܒܲܝܬܹ̇ܗ ܕܡܵܪܝܵܐ. [No book]
[25]ܘܲܥܒܲܕ݂ ܠܹܗ ܡܲܕ݂ܒ̇ܚܵܐ ܒܟ݂ܠ ܙܵܘ̈ܝܵܬ̣ܵܐ ܕܐܝܼܬ̣ ܒܐܘܿܪܸܫܠܸܡ: ܘܲܒ̣ܟ݂ܠ ܩܪܸܐ ܘܲܩܪܸܐ ܕܐܝܼܬ̣ ܝܼܗܘܼܕ݂ܵܐ ܘܲܥܒܲܕ݂ ܗ̄ܘ̣ܵܐ ܕܸܒ̣ܚܹ̈ܐ ܠܲܡܕܲܒܵܚܘܼ ܠܐܲܠܵܗܹ̈ܐ ܐ̄ܚܪ̈ܵܢܹܐ. [No book]
[26]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܵܚܵܙ: ܘܟ݂ܠܗܹܝܢ ܐܘܼܪ̈ܚܵܬܹܗ ܩܲܕ݂ܡܵـ̈ـܝܵܬ̣ܵܐ: ܘܐܲܚܪ̈ܵܝܵܬ̣ܵܐ ܗܵܐ ܟܬ̣ܝܼܒ̣ܝܼܢ ܥܲܠ ܣܸܦܪܵܐ ܕܡܲܠ̈ܟܹ̇ܐ ܕܲܝܗܘܼܕ݂ܵܐ ܘܕ݂ܝܼܣܪܵܝܹܠ. [No book]
[27]ܘܲܫܟܸܒ̣ ܐܵܚܵܙ ܥܲܡ ܐܲܒ̣ܵـ̈ـܗܵܬܹܗ. ܘܩܲܒ̣ܪܘܼܗܝ ܒܐܘܿܪܸܫܠܸܡ: ܡܸܛܠ ܕܠܵܐ ܐܵܘܒ̇ܠܘܼܗܝ ܠܩܲܒ̣ܪܹ̈ܐ ܕܡܲܠ̈ܟܹ̇ܐ ܕܝܼܣܪܵܝܹܠ ܘܐܲܡ̣ܠܸܟ݂ ܚܹܙܲܩܝܵܐ ܒܪܹܗ ܒܵܬ̣ܪܹܗ. [No book]
Translation: Charles H. Hoole (1885)
Source: www.earlychristianwritings.com
Top