➖ »
«
➖ ➕
Aleppo Codex (~920)
Alep
The Gospel of James
GspJam
←
2 Chronicles
2Ch
30
→
[1]וישלח יחזקיהו על כל ישראל ויהודה וגם אגרות כתב על אפרים ומנשה לבוא לבית יהוה בירושלם־לעשות פסח ליהוה אלהי ישראל [No book]
[2]ויועץ המלך ושריו וכל הקהל בירושלם לעשות הפסח בחדש השני [No book]
[3]כי לא יכלו לעשתו בעת ההיא כי הכהנים לא התקדשו למדי והעם לא נאספו לירושלם [No book]
[4]ויישר הדבר בעיני המלך ובעיני כל הקהל [No book]
[5]ויעמידו דבר להעביר קול בכל ישראל מבאר שבע ועד דן־לבוא לעשות פסח ליהוה אלהי ישראל בירושלם כי לא לרב עשו ככתוב [No book]
[6]וילכו הרצים באגרות מיד המלך ושריו בכל ישראל ויהודה וכמצות המלך לאמר בני ישראל שובו אל יהוה אלהי אברהם יצחק וישראל וישב אל הפליטה הנשארת לכם מכף מלכי אשור [No book]
[7]ואל תהיו כאבותיכם וכאחיכם אשר מעלו ביהוה אלהי אבותיהם ויתנם לשמה כאשר אתם ראים [No book]
[8]עתה אל תקשו ערפכם כאבותיכם תנו יד ליהוה ובאו למקדשו אשר הקדיש לעולם ועבדו את יהוה אלהיכם וישב מכם חרון אפו [No book]
[9]כי בשובכם על יהוה אחיכם ובניכם לרחמים לפני שוביהם ולשוב לארץ הזאת כי חנון ורחום יהוה אלהיכם ולא יסיר פנים מכם אם תשובו אליו [No book]
[10]ויהיו הרצים עברים מעיר לעיר בארץ אפרים ומנשה־ועד זבלון ויהיו משחיקים עליהם ומלעגים בם [No book]
[11]אך אנשים מאשר ומנשה ומזבלון־נכנעו ויבאו לירושלם [No book]
[12]גם ביהודה היתה יד האלהים לתת להם לב אחד לעשות מצות המלך והשרים־בדבר יהוה [No book]
[13]ויאספו ירושלם עם רב לעשות את חג המצות בחדש השני־קהל לרב מאד [No book]
[14]ויקמו־ויסירו את המזבחות אשר בירושלם ואת כל המקטרות הסירו וישליכו לנחל קדרון [No book]
[15]וישחטו הפסח בארבעה עשר לחדש השני והכהנים והלוים נכלמו ויתקדשו ויביאו עלות בית יהוה [No book]
[16]ויעמדו על עמדם כמשפטם כתורת משה איש האלהים הכהנים זרקים את הדם מיד הלוים [No book]
[17]כי רבת בקהל אשר לא התקדשו והלוים על שחיטת הפסחים לכל לא טהור־להקדיש ליהוה [No book]
[18]כי מרבית העם רבת מאפרים ומנשה יששכר וזבלון לא הטהרו־כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד [No book]
[19]כל לבבו הכין לדרוש האלהים יהוה אלהי אבותיו ולא כטהרת הקדש [No book]
[20]וישמע יהוה אל יחזקיהו וירפא את העם [No book]
[21]ויעשו בני ישראל הנמצאים בירושלם את חג המצות שבעת ימים־בשמחה גדולה ומהללים ליהוה יום ביום הלוים והכהנים בכלי עז־ליהוה [No book]
[22]וידבר יחזקיהו על לב כל הלוים־המשכילים שכל טוב ליהוה ויאכלו את המועד שבעת הימים מזבחים זבחי שלמים ומתודים ליהוה אלהי אבותיהם [No book]
[23]ויועצו כל הקהל לעשות שבעת ימים אחרים ויעשו שבעת ימים שמחה [No book]
[24]כי חזקיהו מלך יהודה הרים לקהל אלף פרים ושבעת אלפים צאן והשרים הרימו לקהל פרים אלף וצאן עשרת אלפים ויתקדשו כהנים לרב [No book]
[25]וישמחו כל קהל יהודה והכהנים והלוים וכל הקהל הבאים מישראל והגרים הבאים מארץ ישראל והיושבים ביהודה [No book]
[26]ותהי שמחה גדולה בירושלם כי מימי שלמה בן דויד מלך ישראל לא כזאת בירושלם [No book]
[27]ויקמו הכהנים הלוים ויברכו את העם וישמע בקולם ותבוא תפלתם למעון קדשו לשמים [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top