|
|
| [1]ܒܲܫܢܲܬ̣ ܬܡܲܢܲܥܸܣܪܹ̈ܐ ܫܢ̈ܝܼܢ ܠܲܦܩܲܚ ܒܲܪ ܪܘܿܡܲܠܝܵܐ ܡܲܠܟܵܐ ܕܝܼܣܪܵܝܹܠ: ܐܲܡ̣ܠܸܟ݂ ܐܵܚܵܙ ܒܲܪ ܝܘܿܬ̣ܵܡ ܡܲܠܟܵܐ ܕܲܝܗܘܼܕ݂ܵܐ. |
[No book] |
| [2]ܒܲܪ ܥܸܣܪܝܼܢ ܗ̄ܘ̣ܵܐ ܫܢ̈ܝܼܢ ܐܵܚܵܙ ܟܲܕ݂ ܐܲܡܠܸܟ݂: ܘܫܸܬ̇ܬܲܥܸܣܪܹ̈ܐ ܫܢ̈ܝܼܢ ܐܲܡܠܸܟ݂ ܒܐܘܿܪܸܫܠܸܡ. ܘܠܵܐ ܥ̣ܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ ܐܲܠܵܗܹܗ ܐܲܝܟ݂ ܕܵܘܝܼܕ݂ ܐܲܒ̣ܘܼܗܝ. |
[No book] |
| [3]ܘܗܲܠܸܟ݂ ܒܐܘܼܪܚܵܐ ܕܡܲܠ̈ܟܹ̇ܐ ܕܝܼܣܪܵܝܹܠ. ܐܵܦ ܒܪܹܗ ܐܲܥܒܲܪ ܒܢܘܼܪܵܐ: ܐܲܝܟ݂ ܢܵܡܘܿܣܵܐ ܕܥܲܡܡܹ̈ܐ ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡ ܒܢܲܝ̈ ܝܼܣܪܵܝܹܠ. |
[No book] |
| [4]ܘܕܲܒܲܚ ܘܐܲܥܛܲܪ ܥܲܠ ܥ̈ܠܵܘܵܬ̣ܵܐ ܘܥܲܠ ܪ̈ܵܡܵܬ̣ܵܐ: ܘܲܬ̣ܚܹܝܬ̣ ܟܠ ܐܝܼܠܵܢ ܕܥܲܒ̇ܝܼܛ. |
[No book] |
| [5]ܗܵܝܕܹ̇ܝܢ ܣܠܸܩ ܪܵܨܵܢ ܡܲܠܟܵܐ ܕܐܵܪܵܡ: ܘܲܦܩܲܚ ܒܲܪ ܪܘܿܡܲܠܝܵܐ ܡܲܠܟܵܐ ܕܝܼܣܪܵܝܹܠ: ܠܐܘܿܪܸܫܠܸܡ ܠܡܸܬ̣ܟܲܬܵܫܘܼ ܥܲܡܵܗ̇. ܘܠܵܐ ܐܸܫܟܲܚܘ ܕܢܸܬ̣ܟܲܬ̇ܫܘܼܢ ܥܠܹܝܗ. |
[No book] |
| [6]ܒܙܲܒ̣ܢܵܐ ܗܵܘ̇: ܐܲܗܦܲܟ݂ ܪܵܨܵܢ ܡܲܠܟܵܐ ܕܐܵܪܵܡ ܠܐܲܝܠܲܬ̣ ܠܐܵܪܵܡ: ܘܐܲܦܸܩ ܠܲܝܗܘܼܕ݂ܵܐ ܡ̣ܢ ܐܲܝܠܲܬ̣. ܘܐܲܪ̈ܡܵܝܹܐ ܐܸܬ̣ܵܘ ܠܐܲܝܠܲܬ̣: ܘܝܼܬܸܒ̣ܘ ܬܲܡܵܢ ܥܕܲܡܵܐ ܠܝܵܘܡܵܢܵܐ. |
[No book] |
| [7]ܘܫܲܕܲܪ ܐܵܚܵܙ ܐܝܼܙ̈ܓܲܕܹ̇ܐ ܠܘܵܬ̣ ܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ: ܘܐܸܡܲܪ: ܥܲܒ̣ܕܵܟ݂ ܐ̄ܢܵܐ ܘܲܒ̣ܪܵܟ݂: ܣܲܩ ܘܲܦܪܘܿܩܲܝܢܝ ܡ̣ܢ ܐܝܼܕ݂ܵܘ̈ܗܝ ܕܡܲܠܟܵܐ ܕܐܵܪܵܡ: ܘܡ̣ܢ ܐܝܼܕ݂ܵܘܗܝ ܕܡܲܠܟܵܐ ܕܝܼܣܪܵܝܹܠ ܕܩܵܝ̇ܡܝܼܢ ܥܠܲܝ. |
[No book] |
| [8]ܘܲܢܣܲܒ̣ ܐܵܚܵܙ ܟܸܣܦܵܐ ܘܕܲܗܒ̣ܵܐ ܕܐܸܫܬ̇ܟܲܚ ܒܒܲܝܬܹ̇ܗ ܕܡܵܪܝܵܐ: ܘܲܒ̣ܒܹܝܬ̣ ܓܲܙܵܐ ܕܡܲܠܟܵܐ. ܘܫܲܕܲܪ ܠܡܲܠܟܵܐ ܕܐܵܬ̣ܘܿܪ ܩܘܼܪܒܵܢܵܐ. |
[No book] |
| [9]ܘܫܲܡܥܹܗ ܡܲܠܟܵܐ ܕܐܵܬ̣ܘܿܪ ܘܲܣܠܸܩ ܡܲܠܟܵܐ ܕܐܵܬ̣ܘܿܪ ܥܲܠ ܕܲܪܡܣܘܿܩ ܘܐܲܚܕܵܗ̇ ܘܓܲܠܝܵܗ̇ ܠܩܝܼܪ ܘܲܠܪܵܨܵܢ ܩܛܲܠ. |
[No book] |
| [10]ܘܐܸܙܲܠ ܡܲܠܟܵܐ ܐܵܚܵܙ ܠܐܘܼܪܥܹܗ ܕܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ: ܠܕܲܪܡܣܘܿܩ ܘܲܚܙܵܐ ܡܲܕ݂ܒ̇ܚܵܐ ܕܲܒ̣ܕܲܪܡܣܘܿܩ ܘܫܲܕܲܪ ܡܲܠܟܵܐ ܐܵܚܵܙ ܠܐܘܿܪܝܼܵܐ ܟܵܗܢܵܐ ܕܡܘܼܬܹܗ ܕܡܲܕ݂ܒ̇ܚܵܐ: ܘܒܸܢܝܵܢܹܗ: ܘܟܠܹܗ ܥܒ̣ܵܕܹܗ. |
[No book] |
| [11]ܘܲܥܒܲܕ݂ ܐܘܿܪܝܼܵܐ ܟܵܗܢܵܐ ܡܲܕ݂ܒ̇ܚܵܐ: ܐܲܝܟ݂ ܕܫܲܕܲܪ ܡܲܠܟܵܐ ܐܵܚܵܙ ܡ̣ܢ ܕܲܪܡܘܣܘܿܩ: ܗܵܟܲܢܵܐ ܥ̣ܒܲܕ݂ ܐܘܿܪܝܼܵܐ ܟܵܗܢܵܐ: ܥܲܕ݂ܠܵܐ ܢܹܐܬܹܐ ܐܵܚܵܙ ܡܲܠܟܵܐ ܡ̣ܢ ܕܲܪܡܣܘܿܩ. |
[No book] |
| [12]ܘܐܸܬ̣ܵܐ ܡܲܠܟܵܐ ܡ̣ܢ ܕܲܪܡܣܘܿܩ. ܘܲܚܙܵܐ ܐܵܚܵܙ ܡܲܠܟܵܐ ܡܲܕ݂ܒ̇ܚܵܐ: ܘܲܩܪܸܒ̣ ܡܲܠܟܵܐ ܠܘܵܬ̣ ܡܲܕ݂ܒ̇ܚܵܐ: ܘܲܣܠܸܩ ܠܥܸܠ ܡܸܢܹܗ. |
[No book] |
| [13]ܘܐܲܣܸܩ ܥܠܵܘܗܝ ܥ̈ܠܵܘܵܬ̣ܵܐ ܘܩܘܼܪ̈ܒܵܢܹܐ ܘܢܲܩܝܼ ܢܘܼܩܵܝܹ̈ܐ: ܘܪܲܣ̣ ܕܡܵܐ ܕܫܲܠܡܹ̈ܐ ܕܝܼܠܹܗ ܥܲܠ ܡܲܕ݂ܒ̇ܚܵܐ. |
[No book] |
| [14]ܘܡܲܕ݂ܒ̇ܚܵܐ ܕܲܢܚܵܫܵܐ ܕܲܩܕ݂ܵܡ ܡܵܪܝܵܐ: ܩܲܪܒܹܗ ܡ̣ܢ ܩܕ݂ܵܡ ܐܲܦܲܝ̈ ܒܲܝܬܵܐ: ܡ̣ܢ ܒܹܝܬ̣ ܡܲܕ݂ܒ̇ܚܵܐ ܘܡ̣ܢ ܒܹܝܬ̣ ܡܵܪܝܵܐ. ܘܣܵܡܹܗ ܥܲܠ ܓܹܢ̄ܒ̣ ܡܲܕ݂ܒ̇ܚܵܐ ܡ̣ܢ ܓܲܪܒ̇ܝܵܐ. |
[No book] |
| [15]ܘܦܲܩܸܕ݂ ܡܲܠܟܵܐ ܐܵܚܵܙ ܠܐܘܿܪܝܼܵܐ ܟܵܗܢܵܐ: ܘܐܸܡܲܪ ܠܹܗ: ܥܲܠ ܡܲܕ݂ܒ̇ܚܵܐ ܪܲܒܵܐ ܐܲܣܸܩ ܥܠܵܬ̣ܵܐ ܕܨܲܦܪܵܐ ܘܩܘܼܪܒܵܢܵܐ ܕܪܲܡܫܵܐ: ܘܲܥܠܵܬ̣ܵܐ ܕܡܲܠܟܵܐ ܘܩܘܼܪܒܵܢܹܗ: ܘܲܥܠܵܬ̣ܵܐ ܕܟ݂ܠܹܗ ܥܲܡܵܐ ܕܐܲܪܥܵܐ: ܘܩܘܼܪܒܵܢܗܘܿܢ ܘܢܘܼܩܵܝܗܘܿܢ: ܘܟ݂ܠܹܗ ܕܡܵܐ ܕܲܥܠܵܬ̣ܵܐ. ܘܟ݂ܠ ܕܡܵܐ ܕܕܸܒ̣ܚܹ̈ܐ ܥܠܵܘܗܝ ܪܘܿܣ. ܘܡܲܕ݂ܒ̇ܚܵܐ ܕܲܢܚܵܫܵܐ ܢܸܗܘܹܐ ܠܝܼ ܠܫܘܼܐܵܠܵܐ. |
[No book] |
| [16]ܘܲܥܒܲܕ݂ ܐܘܿܪܝܼܵܐ ܟܵܗܢܵܐ ܐܲܝܟ݂ ܕܦܲܩܕܹܗ ܡܲܠܟܵܐ ܐܵܚܵܙ. |
[No book] |
| [17]ܘܲܦܣܲܩ ܡܲܠܟܵܐ ܐܵܚܵܙ ܓܕ݂ܵܢ̈ܦܹܐ ܕܡܲܬ̣ܩܢܵܐ. ܘܐܲܦܪܸܩ ܡܸܢܗܘܿܢ ܠܲܩܢܹ̈ܐ. ܘܝܲܡܵܐ ܐܲܚܸܬ̣ ܡ̣̱ܢ ܬܵܘܪܹ̈ܐ ܕܲܢܚܵܫܵܐ: ܘܣܵܡܹܗ ܥܲܠ ܪܨܵܦܵܐ ܕܟܹܐ̈ܦܹܐ. |
[No book] |
| [18]ܘܒܹܝܬ̣ ܫܲܒ̇ܬ̣ܵܐ ܕܲܒ̣ܢܵܐ ܒܒܲܝܬܹ̇ܗ ܕܡܵܪܝܵܐ: ܘܡܲܥܠܵܢܵܐ ܕܬܲܪܥܵܐ ܒܲܪܵܝܵܐ: ܐܲܟ݂ܪܸܟ݂ ܠܒܲܝܬܹ̇ܗ ܕܡܵܪܝܵܐ: ܡ̣ܢ ܩܕ݂ܵܡ ܡܲܠܟܵܐ ܕܐܵܬ̣ܘܿܪ. |
[No book] |
| [19]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܵܚܵܙ: ܘܟ݂ܠ ܡܸܕܸ̇ܢ ܕܲܥܒܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. |
[No book] |
| [20]ܘܲܫܟܸܒ̣ ܐܵܚܵܙ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܥܲܡ ܐܲܒ̣ܵܗܵܘ̈ܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܘܐܲܡ̣ܠܸܟ݂ ܚܹܙܲܩܝܵܐ ܒܪܹܗ ܒܵܬ̣ܪܹܗ. |
[No book] |