|
|
| [1]ܘܲܗܘ̤ܵܐ ܕܟܲܕ݂ ܡܲܣܸܩ ܡܵܪܝܵܐ ܠܐܹܠܝܼܵܐ ܒܥܲܠܥܵܠܵܐ ܠܲܫܡܲܝܵܐ: ܐܸܙܲܠܘ ܐܹܠܝܼܵܐ ܘܐܹܠܝܼܫܲܥ ܡ̣ܢ ܓܲܠܥܵܠܵܐ. |
[No book] |
| [2]ܘܐܸܡܲܪ ܐܹܠܝܼܵܐ ܠܐܹܠܝܼܫܲܥ: ܟܲܬܲܪ ܠܝܼ ܗܵܪܟܵܐ: ܡܸܛܠ ܕܡܵܪܝܵܐ ܫܲܕ̇ܪܲܢܝ ܠܒܹܝܬ̣ ܐܹܝܠ. ܘܐܸܡܲܪ ܐܹܠܝܼܫܲܥ: ܚܲܝ ܗ̄ܘ̣ ܡܵܪܝܵܐ: ܘܚܲܝܵܐ ܗ̄ܝ̣ ܢܲܦ̮ܫܵܟ݂: ܕܠܵܐ ܐܸܫܒ̇ܩܵܟ݂. ܘܲܢܚܸܬ̣ܘ ܠܒܹܝܬ̣ ܐܹܝܠ. |
[No book] |
| [3]ܘܢܦܲܩܘ ܒܢܲܝ̈ ܢܒ̣ܝܹ̈ܐ ܕܒܹܝܬ̣ ܐܹܝܠ ܠܘܵܬ̣ ܐܹܠܝܼܫܲܥ: ܘܐܵܡ̇ܪܝܼܢ ܠܹܗ: ܠܵܐ ܝܵܕܲܥ ܐܲܢ̄ܬ̇ ܕܝܵܘܡܵܢܵܐ ܢܵܣܹܒ̣ ܡܵܪܝܵܐ ܠܡܵܪܵܟ݂ ܡ̣ܢ ܪܹܫܵܟ݂. ܘܐܸܡܲܪ ܐܵܦ ܐܸܢܵܐ ܝܵܕܲܥ ܐ̄ܢܵܐ: ܫܬ̣ܘܿܩܘ. |
[No book] |
| [4]ܘܐܸܡܲܪ ܐܹܠܝܼܵܐ ܠܐܹܠܝܼܫܲܥ: ܟܲܬܲܪ ܠܝܼ ܗܵܪܟܵܐ: ܡܸܛܠ ܕܡܵܪܝܵܐ ܫܲܕ̇ܪܲܢܝ ܠܐܝܼܪܝܼܚܘܿ ܘܐܸܡܲܪ: ܚܲܝ ܗ̄ܘ̣ ܡܵܪܝܵܐ: ܘܚܲܝܵܐ ܗ̄ܝ̣ ܢܲܦ̮ܫܵܟ݂: ܕܠܵܐ ܐܸܫܒ̇ܩܵܟ݂. ܘܐܸܙܲܠ̣ܘ ܠܐܝܼܪܝܼܚܘܿ. |
[No book] |
| [5]ܘܲܩܪܸܒ̣ܘ ܒܢܲܝ̈ ܢܒ̣ܝܹ̈ܐ ܕܒ̣ܐܝܼܪܝܼܚܘܿ ܠܘܵܬ̣ ܐܹܠܝܼܫܲܥ: ܘܐܵܡ̇ܪܝܼܢ ܠܹܗ: ܝܵܕܲܥ ܐܲܢ̄ܬ̇ ܕܝܵܘܡܵܢܵܐ ܢܵܣܹ̇ܒ̣ ܡܵܪܝܵܐ ܠܡܵܪܵܟ݂ ܡ̣ܢ ܪܹܫܵܟ݂. ܘܐܸܡܲܪ ܐܵܦ ܐܸܢܵܐ ܝܵܕܲܥ ܐ̄ܢܵܐ: ܫܬ̣ܘܿܩܘ. |
[No book] |
| [6]ܘܐܸܡܲܪ ܐܹܠܝܼܵܐ ܠܐܹܠܝܼܫܲܥ: ܟܲܬܲܪ ܠܝܼ ܗܵܪܟܵܐ: ܡܸܛܠ ܕܡܵܪܝܵܐ ܫܲܕ̇ܪܲܢܝ ܠܝܘܿܪܕ̇ܢܵܢ. ܘܐܸܡܲܪ ܚܲܝ ܗ̄ܘ̣ ܡܵܪܝܵܐ: ܘܚܲܝܵܐ ܗ̄ܝ̣ ܢܲܦ̮ܫܵܟ݂: ܕܠܵܐ ܐܸܫܒ̇ܩܵܟ݂. ܘܐܸܙܲܠܘܪ̈ܲܝܗܘܿܢ. |
[No book] |
| [7]ܘܚܲܡܫܝܼܢ ܓܲܒ̣ܪܹ̈ܐ ܡ̣ܢ ܒܢܲܝ̈ ܢܒ̣ܝܹ̈ܐ: ܐܸܙܲܠ̣ܘ ܘܩܵܡ̣ܘ ܡ̣ܢ ܩܒ̣ܘܿܠ ܡ̣ܢ ܪܘܼܚܩܵܐ: ܘܲܬ̣ܪ̈ܲܝܗܘܿܢ ܩܵܡ̣ܘ ܥܲܠ ܣܸܦܬܹܗ ܕܝܘܿܪܕ̇ܢܵܢ. |
[No book] |
| [8]ܘܲܢܣܲܒ̣ ܐܹܠܝܼܵܐ ܡܲܥܦܪܹܗ: ܘܟ݂ܪܟܹܗ ܘܲܡܚ̣ܵܐ ܐܸܢܘܿܢ ܠܡܲـ̈ـܝܵܐ ܕܝܘܿܪܕ̇ܢܵܢ: ܘܐܸܬ̣ܦܠܸܓ̣ܘ ܦܸܠܓܵܐ ܠܟ݂ܵܐ ܘܦܸܠܓܵܐ ܠܟ݂ܵܐ: ܘܲܥܒܲܪܘ ܬܪ̈ܲܝܗܘܿܢ ܒܝܲܒ̣ܫܵܐ. |
[No book] |
| [9]ܘܟܲܕ݂ ܥܒܲܪܘ: ܐܸܡܲܪ ܐܹܠܝܼܵܐ ܠܐܹܠܝܼܫܲܥ: ܫܐܲܠ ܡܵܢܵܐ ܐܸܥܒܸ̇ܕ݂ ܠܵܟ݂ ܥܲܕ݂ܠܵܐ ܐܸܬ̇ܕ̇ܒܲܪ ܡܸܢܵܟ݂: ܘܐܸܡܲܪ ܐܹܠܝܼܫܲܥ: ܢܸܗܘܹܐ ܚܲܕ݂ ܬܪܹܝܢ ܒܪܘܼܚܵܟ݂ ܥܠܲܝ. |
[No book] |
| [10]ܘܐܸܡܲܪ ܐܲܣܓ̇ܝܼܬ̇ ܫܐܸܠܬ̇: ܐܸܢ ܬܸܚܙܹܝܢܝ ܟܲܕ݂ ܡܸܬ̇ܕ̇ܒܲܪ ܐ̄ܢܵܐ ܡܸܢܵܟ݂: ܢܸܗܘܹܐ ܠܵܟ݂ ܗܵܟܲܢܵܐ: ܘܐܸܢ ܠܵܐ: ܠܵܐ ܢܸܗܘܹܐ. |
[No book] |
| [11]ܘܲܗܘ̤ܵܐ ܕܟܲܕ݂ ܗܸܢܘܿܢ ܡܡܲܠܠܝܼܢ ܘܲܡܗܲܠܟ݂ܝܼܢ: ܘܗܵܐ ܡܲܪܟܲܒ̣ܬܵܐ ܕܢܘܼܪܵܐ ܘܪ̈ܲܟ݂ܫܵܐ ܕܢܘܼܪܵܐ: ܘܲܦܪܲܫ̣ܘ ܒܹܝܬ̣ ܬܪ̈ܲܝܗܘܿܢ: ܘܲܣܠܸܩ ܐܹܠܝܼܵܐ ܒܥܲܠܥܵܠܵܐ ܠܲܫܡܲܝܵܐ. |
[No book] |
| [12]ܘܐܹܠܝܼܫܲܥ ܚ̣ܙܵܐ: ܘܗܵܐ ܡܲܝܠܸܠ ܘܐܵܡܲܪ: ܐܲܒ̣ܝ ܐܵܒ̣ܝ: ܪܲܟ̇ܒܹ̇ܗ ܕܝܼܣܪܵܝܹܠ: ܘܦܲܪ̈ܵܫܵܘܗܝ ܘܬ̣ܘܼܒ̣ ܠܵܐ ܚ̣ܙܵܝܗܝ: ܘܐܸܚܲܕ݂ ܒܲܠܒ̣ܘܼܫܵܘ̈ܗܝ ܘܨܲܪܝܼ ܐܸܢܘܿܢ ܠܲܬ̣ܪܹܝܢ ܨܪܵܘܵܢ. |
[No book] |
| [13]ܘܐܲܪܝܼܡ ܡܲܥܦܪܹܗ ܕܐܹܠܝܼܵܐ ܕܲܢܦܲܠ̣ ܡܸܢܹܗ: ܘܲܗ̣ܦܲܟ݂ ܘܩܵܡ̣ ܠܹܗ ܥܲܠ ܣܸܦܬܹܗ ܕܝܘܿܪܕ̇ܢܵܢ. |
[No book] |
| [14]ܘܢܲܣܒܹ̇ܗ ܠܡܲܥܦܪܹܗ ܕܐܹܠܝܼܵܐ ܕܲܢܦܲܠ̣ ܡܸܢܹܗ: ܘܲܡܚ̣ܵܐ ܠܡܲـ̈ـܝܵܐ ܘܐܸܡܲܪ: ܐܘܿܢ ܡܵܪܝܵܐ ܐܲܠܵܗܹܗ ܕܡܵܪܝ ܐܹܠܝܼܵܐ: ܘܐܵܦ ܗ̤ܘ ܡܚ̣ܵܐ ܠܡܲـ̈ـܝܵܐ ܕܝܘܿܪܕ̇ܢܵܢ: ܘܐܸܬ̣ܦܠܸܓ̣ܘ ܦܸܠܓܵܐ ܠܟ݂ܵܐ ܘܦܸܠܓܵܐ ܠܟ݂ܵܐ: ܘܲܥܒܲܕ݂ ܐܹܠܝܼܫܲܥ. |
[No book] |
| [15]ܘܲܚܙ̣ܵܘ ܒܢܲܝ̈ ܢܒ̣ܝܹ̈ܐ ܕܒ̣ܐܝܼܪܝܼܚܘܿ ܡ̣ܢ ܩܒ̣ܘܿܠ: ܘܐܸܡܲܪܘ: ܫܪܵܬ̤ ܪܘܼܚܹܗ ܕܐܹܠܝܼܵܐ ܥܲܠ ܐܹܠܝܼܫܲܥ: ܘܐܸܬ̣ܵܘ ܠܐܘܼܪܥܹܗ ܘܲܣܓܸܕ݂ܘ ܠܹܗ ܥܲܠ ܐܲܪܥܵܐ. |
[No book] |
| [16]ܘܐܸܡܲܪܘ ܠܹܗ: ܗܵܐ ܐܝܼܬ̣ ܗܵܪܟܵܐ ܥܲܡ ܥܲܒ̣ܕܲܝ̈ܟ: ܚܲܡܫܝܼܢ ܓܲܒ̣ܪ̈ܝܼܢ ܓܲܢ̄ܒܵܪ̈ܲܝ ܚܲܝܠܵܐ: ܢܹܐܙܠ̄ܘܿܢ ܢܸܒ̣ܥܘܿܢܹܗ ܠܡܵܪܵܟ݂: ܕܲܠܡܵܐ ܫܩܲܠܬܹܗ ܪܘܼܚܹܗ ܕܡܵܪܝܵܐ: ܘܐܲܪܡܝܵܬܹܗ ܒܚܲܕ݂ ܡ̣ܢ ܛܘܼܪܹ̈ܐ: ܐܵܘ ܒܚܲܕ݂ ܡ̣ܢ ܢܲܚ̈ܠܹܐ. ܘܐܸܡܲܪ ܠܵܐ ܬܫܲܕܪܘܼܢ. |
[No book] |
| [17]ܘܐܸܬ̣ܟܲܬܫܘ ܥܲܡܹܗ ܥܕܲܡܵܐ ܕܲܒ̣ܗܸܬ̣ ܡܸܢܗܘܿܢ. ܘܐܸܡܲܪ ܫܲܕܲܪܘ. ܘܫܲܕܲܪܘ ܚܲܡܫܝܼܢ ܓܲܒ̣ܪ̈ܝܼܢ: ܘܲܒ̣ܥܵܐܘܼܗܝ ܬܠܵܬ̣ܵܐ ܝܵܘ̈ܡܝܼܢ: ܘܠܵܐ ܐܸܫܟ̇ܚܝܼܘܗܝ. |
[No book] |
| [18]ܘܐܸܬ̣ܵܘ ܠܘܵܬܹܗ: ܘܗ̤ܘ ܝܵܬܹܒ̣ ܒܐܝܼܪܝܼܚܘܿ. ܘܐܸܡܲܪ ܠܗܘܿܢ: ܠܵܐ ܐܸܡ̇ܪܹܬ̣ ܠܟ݂ܘܿܢ ܕܠܵܐ ܬܹܐܙܠ̄ܘܼܢ. |
[No book] |
| [19]ܘܐܸܡܲܪܘ ܐ̄ܢܵܫܲܝ̈ ܩܪܝܼܬ̣ܵܐ ܠܐܹܠܝܼܫܲܥ: ܗܵܐ ܡܵܘܬ̇ܒ̣ܵܗ̇ ܕܲܩܪܝܼܬ̣ܵܐ ܫܲܦܝܼܪ: ܐܲܝܟ݂ ܕܡܵܪܲܢ ܚܵܙܹ̇ܐ: ܘܡܲـ̈ـܝܵܐ ܒܝܼܫܝܼܢ: ܘܐܲܪܥܵܐ ܡܓܲܙܝܵܐ. |
[No book] |
| [20]ܘܐܸܡܲܪ ܐܲܝܬܵܘ ܠܝܼ ܩܘܼܩܬ̣ܵܐ ܚܕ݂ܵܐ ܚܕܲܬܵܐ: ܘܐܲܪܡܵܘ ܒܵܗ̇ ܡܸܠܚܵܐ. ܘܐܲܝܬ̇ܝܼܘ ܠܹܗ. |
[No book] |
| [21]ܘܲܢܦܲܩ̣ ܠܹܗ ܠܡܲܒ̇ܘܼܥܵܐ ܕܡܲـ̈ـܝܵܐ: ܘܐܲܪܡܝܼ ܬܲܡܵܢ ܡܸܠܚܵܐ: ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܝܵܐ: ܐܲܣܝܼܬ̣ ܠܡܲـ̈ـܝܵܐ ܗܵܠܹܝܢ: ܘܬ̣ܘܼܒ̣ ܠܵܐ ܢܸܗܘܹܐ ܬܲܡܵܢ ܕܡܵܐܹ̇ܬ̣ ܘܕܲܡܓܲܙܹܐ. |
[No book] |
| [22]ܘܐܸܬ̣ܐܲܣܝܼܘ ܡܲـ̈ـܝܵܐ ܗܵܠܹܝܢ ܥܕܲܡܵܐ ܠܝܵܘܡܵܢܵܐ: ܐܲܝܟ݂ ܦܸܬ̣ܓ̣ܵܡܹܗ ܕܐܹܠܝܼܫܲܥ ܕܐܸܡܲܪ. |
[No book] |
| [23]ܘܲܣܠܸܩ ܡ̣ܢ ܬܲܡܵܢ ܠܒܹܝܬ̣ ܐܹܝܠ: ܘܗ̤ܘ ܣܵܠܹܩ ܒܐܘܼܪܚܵܐ: ܘܲܛܠܵܝܹ̈ܐ ܕܲܩܕ̇ܩܹ̈ܐ ܢܦܲܩ̣ܘ ܡ̣ܢ ܒܪܝܼܬ̣ܵܐ: ܘܲܡܒܲܙܚܝܼܢ ܒܹܗ ܘܐܵܡ̇ܪܝܼܢ: ܣܲܩ ܩܲܪܚܵܐ: ܣܲܩ ܩܲܪܚܵܐ. |
[No book] |
| [24]ܘܐܸܬ̣ܦܢܝܼ ܠܒܸܣܬ̇ܪܹܗ: ܘܲܚܙܵܐ ܐܸܢܘܿܢ: ܘܠܵܛ ܐܸܢܘܿܢ ܒܲܫܡܹܗ ܕܡܵܪܝܵܐ. ܘܲܢܦܲܩ ܬܲܪܬܹ̇ܝܢ ܕܸܒ̇ܝܼ̈ܢ ܡ̣ܢ ܥܵܒ̣ܵܐ: ܘܦܲܪܬ̣ ܡܸܢܗܘܿܢ ܐܲܪܒ̇ܥܝܼܢ ܘܲܬ̣ܪܹܝܢ ܛܠܵܝܝܼ̈ܢ. |
[No book] |
| [25]ܘܐܸܙܲܠ ܡ̣ܢ ܬܲܡܵܢ ܠܛܘܼܪܵܐ ܕܟܲܪܡ̄ܠܵܐ: ܘܡ̣ܢ ܬܲܡܵܢ ܬܘܼܒ̣ ܠܫܵܡܪܹܝܢ. |
[No book] |