➖ »
«
➖ ➕
Peshitta OT
PesOT
The Acts of Thomas
ActThom
←
2 Kings
2Kg
3
→
[1]ܘܝܘܿܪܵܡ ܒܲܪ ܐܵܚܵܒ̣ ܐܲܡ̣ܠܸܟ݂ ܥܲܠ ܝܼܣܪܵܝܹܠ ܒܫܵܡܪܹܝܢ: ܒܲܫܢܲܬ̣ ܬܡܵܢܲܥܸܣܪܹ̈ܐ ܠܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ. ܘܐܲܡ̣ܠܸܟ݂ ܬܲܪܬܲܥܸܣܪܹ̈ܐ ܫܢ̈ܝܼܢ. [No book]
[2]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܒܪܲܡ ܠܵܐ ܐܲܝܟ݂ ܐܲܒ̣ܘܼܗܝ ܘܐܲܝܟ݂ ܐܸܡܹܗ. ܘܐܲܥܒܲܪ ܩܵܝܑܹܡܬ̣ܵܐ ܕܒܲܥܠܵܐ ܕܲܥܒܲܕ݂ ܐܲܒ̣ܘܼܗܝ. [No book]
[3]ܒܲܠܚܘܿܕ݂ ܒܲܚܛܵܗܵܘ̈ܗܝ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ ܕܐܲܚܛܝܼ ܠܝܼܣܪܵܝܹܠ ܐܸܬ̇ܕܲܒܲܩ: ܘܠܵܐ ܣܛܵܐ ܡܸܢܗܘܿܢ. [No book]
[4]ܘܡܹܝܫܵܥ ܡܲܠܟܵܐ ܕܡܘܼܐܵܒ̣ ܢܵܩܕܵܐ ܗ̄ܘ̣ܵܐ. ܘܡܲܣܸܩ ܗ̄ܘ̣ܵܐ ܠܡܲܠܟܵܐ ܕܝܼܣܪܵܝܹܠ ܡܵܐܐ ܐܲܠܦ̈ܝܼܢ ܫܲܡܝܼܢܹ̈ܐ ܕܥܵܢܵـ̈ـܐ: ܘܲܡܵܐܐ ܐܲܠܦ̈ܝܼܢ ܕܸܟ݂ܪܹ̈ܐ ܕܥܲܡܪܵܐ. [No book]
[5]ܘܡ̣ܢ ܒܵܬܲܪ ܕܡ̣ܝܼܬ̣ ܐܵܚܵܒ̣: ܡܪܲܕ݂ ܡܲܠܟܵܐ ܕܡܘܼܐܵܒ̣ ܥܲܠ ܡܲܠܟܵܐ ܕܝܼܣܪܵܝܹܠ. [No book]
[6]ܘܲܢܦܲܩ ܡܲܠܟܵܐ ܝܘܿܪܵܡ ܒܝܵܘܡܵܐ ܗܵܘ̇ ܡ̣ܢ ܫܵܡܪܹܝܢ: ܘܲܡܢܵܐ ܠܟ݂ܠܹܗ ܝܼܣܪܵܝܹܠ. [No book]
[7]ܘܐܸܙܲܠ̣ ܘܫܲܕܲܪ ܠܘܵܬ̣ ܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ: ܘܐܸܡܲܪ: ܡܲܠܟܵܐ ܕܡܘܼܐܵܒ̣ ܡܪܲܕ݂ ܥܠܲܝ: ܬܵܐ ܥܲܡܝ ܢܹܐܙܲܠ ܠܲܩܪܵܒ̣ܵܐ ܥܲܠ ܡܘܼܐܵܒ̣. [No book]
[8]ܘܐܸܡܲܪ ܠܹܗ ܝܘܿܫܵܦܵܛ: ܣܵܠܹܩ ܐ̄ܢܵܐ ܐܲܟ݂ܘܵܬ̣ܵܟ݂: ܘܥܲܡܝ ܐܲܝܟ݂ ܥܲܡܵܟ݂: ܘܪ̈ܲܟ݂ܫ̄ܝ ܐܲܝܟ݂ ܪ̈ܲܟ݂ܫܵܟ݂. ܘܐܸܡܲܪ ܠܹܗ: ܒܐܲܝܕܵܐ ܐܘܼܪܚܵܐ ܢܸܣܲܩ ܘܐܸܡܲܪ ܒܐܘܼܪܚܵܐ ܕܡܲܕ݂ܒ̇ܪܵܐ ܕܐܲܕ݂ܘܿܡ. [No book]
[9]ܘܐܸܙܲܠܘ ܡܲܠܟܵܐ ܕܝܼܣܪܵܝܹܠ: ܘܡܲܠܟܵܐ ܕܲܝܗܘܼܕ݂ܵܐ: ܘܡܲܠܟܵܐ ܕܐܲܕ݂ܘܿܡ. ܘܐܸܬ̣ܟ̇ܕܟ݂ܘ ܡܲܪܕܹ̇ܐ ܫܲܒ̣ܥܵܐ ܝܵܘܡ̈ܝܼܢ ܘܠܲܝܬ̇ ܗ̄ܘ̣ܵܐ ܡܲـ̈ـܝܵܐ ܠܡܲܫܪܝܼܬ̣ܵܐ: ܘܲܠܥܲܡܵܐ ܕܥܲܡܗܘܿܢ. [No book]
[10]ܘܐܸܡܲܪ ܡܲܠܟܵܐ ܕܝܼܣܪܵܝܹܠ: ܐܘܿܗ ܥܲܠ ܗܵܕܹܐ ܟܲܝ ܩ̣ܪܵܐ ܡܵܪܝܵܐ ܠܲܬ̣ܠܵܬ̣ܵܐ ܡܲܠܟ̇ܝܼ̈ܢ ܗܵܠܹܝܢ: ܕܢܲܫܠܸܡ ܐܸܢܘܿܢ ܒܐܝܼܕ݂ܵܐ ܕܡܘܼܐܵܒ̣. [No book]
[11]ܘܐܸܡܲܪ ܝܘܿܫܵܦܵܛ: ܠܲܝܬ̇ ܗܵܪܟܵܐ ܢܒ̣ܝܼܵܐ ܕܡܵܪܝܵܐ ܕܢܸܫܐܲܠ ܦܸܬ̣ܓ̣ܵܡܹܗ ܕܡܵܪܝܵܐ ܡܸܢܹܗ. ܘܲܥܢ̣ܵܐ ܚܲܕ݂ ܡ̣ܢ ܥܲܒ̣ܕܵܘ̈ܗܝ ܕܡܲܠܟܵܐ ܕܝܼܣܪܵܝܹܠ: ܘܐܸܡܲܪ: ܐܝܼܬ̣ ܗܵܪܟܵܐ ܐܹܠܝܼܫܲܥ ܒܲܪ ܫܵܦܵܛ: ܕܢܵܣܹܟ݂ ܗ̄ܘ̣ܵܐ ܡܲـ̈ـܝܵܐ ܥܲܠ ܐܝܼܕ݂ܵܘ̈ܗܝ ܕܐܹܠܝܼܵܐ. [No book]
[12]ܘܐܸܡܲܪ ܝܘܿܫܵܦܵܛ: ܐܝܼܬ̣ ܗ̄ܘ̣ ܥܲܡܹܗ ܦܸܬ̣ܓ̣ܵܡܹܗ ܕܡܵܪܝܵܐ. ܘܲܢܚܸܬ̣ܘ ܠܘܵܬܹܗ ܡܲܠܟܵܐ ܕܝܼܣܪܵܝܹܠ ܘܝܘܿܫܵܦܵܛ: ܘܡܲܠܟܵܐ ܕܐܲܕ݂ܘܿܡ. [No book]
[13]ܘܐܸܡܲܪ ܐܹܠܝܼܫܲܥ ܠܡܲܠܟܵܐ ܕܝܼܣܪܵܝܹܠ: ܡܵܐ ܠܝܼ ܘܠܵܟ݂: ܙܸܠ ܠܘܵܬ̣ ܢܒ̣ܝܼܵܘ̈ܗܝ ܕܐܲܒ̣ܘܼܟ݂: ܘܲܠܘܵܬ̣ ܢܒ̣ܝܹ̈ܝܗ̇ ܕܐܸܡܵܟ݂. ܘܐܸܡܲܪ ܠܹܗ ܡܲܠܟܵܐ ܕܝܼܣܪܵܝܹܠ: ܥܲܠ ܗܵܕܹܐ ܟܲܝ ܩ̣ܪܵܐ ܡܵܪܝܵܐ ܠܲܬ̣ܠܵܬ̣ܵܐ ܡܲܠܟ̇ܝܼ̈ܢ ܗܵܠܹܝܢ: ܕܢܲܫܠܸܡ ܐܸܢܘܿܢ ܒܐܝܼܕ݂ܵܐ ܕܡܘܼܐܵܒ̣. [No book]
[14]ܘܐܸܡܲܪ ܐܹܠܝܼܫܲܥ: ܚܲܝܝ ܗ̄ܘ̣ ܡܵܪܝܵܐ ܚܲܝܠܬ̣ܵܢܵܐ ܕܩܵܡܹ̇ܬ̣ ܩܕ݂ܵܡܵܘܗܝ. ܐܸܠܘܼܠܵܐ ܡ̣ܢ ܐܲܦܵܘ̈ܗܝ ܕܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ ܡܸܬ̣ܚܲܡܲܨ ܐ̄ܢܵܐ: ܐܸܢ ܐܲܕ݂ܝܼܩܹ̇ܬ̣ ܠܘܵܬ̣ܵܟ݂ ܘܐܸܢ ܚܙܹ̇ܝܬ̣ܵܟ݂. [No book]
[15]ܘܗܵܫܵܐ ܐܲܝܬܵܘ ܠܝܼ ܢܵܩܘܿܫܵܐ. ܘܲܗܘ̤ܵܐ ܕܟܲܕ݂ ܢܵܩܹܫ ܢܵܩܘܿܫܵܐ: ܗܘ̤ܵܬ̣ ܥܠܵܘܗܝ ܐܝܼܕܹܗ. ܕܡܵܪܝܵܐ. [No book]
[16]ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܝܵܐ: ܢܸܬ̣ܥ̱ܒܸܕ݂ ܢܲܚܠܵܐ ܗܵܢܵܐ ܓܘܼ̈ܒ̇ܝܼܢ ܓܘܼ̈ܒ̇ܝܼܢ. [No book]
[17]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ: ܠܵܐ ܬܸܚܙܘܼܢ ܪܘܼܚܵܐ: ܘܠܵܐ ܬܸܚܙܘܼܢ ܡܸܛܪܵܐ. ܘܢܲܚܠܵܐ ܗܵܢܵܐ ܢܸܬ̣ܡ̱ܠܸܐ ܡܲـ̈ـܝܵܐ. ܘܐܸܫܬܵܘ ܐܲܢ̄ܬ̇ܘܿܢ ܘܩܸܢܝܵܢܟ݂ܘܿܢ ܘܲܒ̣ܥܝܼܪܟ݂ܘܿܢ. [No book]
[18]ܘܲܒ̣ܨܝܼܪܵܐ ܗ̄ܝ̣ ܗܵܕܹܐ ܒܥܲܝܢܲܝ̈ ܡܵܪܝܵܐ. ܘܢܲܫܠܸܡ ܠܡܘܼܐܒ̣ܵܝܹ̈ܐ ܒܐܝܼܕܲܝ̈ܗܘܿܢ. [No book]
[19]ܘܬܸܚ̱ܪܒ̣ܘܼܢ ܟܠ ܩܘܼܪ̈ܝܵܐ ܥܲܫܝܼ̈ܢܵܬ̣ܵܐ: ܘܟ݂ܠ ܩܘܼܪ̈ܝܵܐ ܕܓܲܒ̣̈ܝܵܢ. ܘܟ݂ܠ ܐܲܝܠܵܢܹ̈ܐ ܕܫܲܦܝܼܪܝܼܢ ܬܲܪܡܘܿܢ. ܘܟ݂ܠ ܡܲܒ̇ܘܼܥܹ̈ܐ ܕܡܲـ̈ـܝܵܐ ܬܛܲܡܡܘܼܢ. ܘܟ݂ܠ ܝܵܪܬ̇ܘܼܬ̣ܵܐ ܕܫܲܦܝܼܪܵܐ ܬܸܡܠܘܿܢܵܗ̇ ܟܹܐܦܹ̈ܐ. [No book]
[20]ܘܲܗܘ̤ܵܐ ܒܨܲܦܪܵܐ ܟܲܕ݂ ܣܠܸܩ ܩܘܼܪܒܵܢܵܐ: ܘܗܵܐ ܡܲـ̈ـܝܵܐ ܐܵܬܹܝܢ ܡ̣ܢ ܐܘܼܪܚܵܐ ܕܐܲܕ݂ܘܿܡ: ܘܐܸܬ̣ܡܲܠܝܲܬ̤ ܐܲܪܥܵܐ ܡܲـ̈ـܝܵܐ. [No book]
[21]ܘܟ݂ܠܗܘܿܢ ܡܘܼܐܒ̣ܵܝܹ̈ܐ ܫ̣ܡܲܥܘ ܕܲܣܠܸܩܘ ܡܲܠ̈ܟܹ̇ܐ ܠܡܸܬ̣ܟܲܬܵܫܘܼ ܥܲܡܗܘܿܢ: ܘܐܲܟ݂ܪܸܙܘ ܡ̣ܢ ܟܠ ܐܵܣܲܪ ܣܲܝܦܵܐ ܘܲܠܥܸܠ: ܘܩܵܡܘ ܥܲܠ ܬܚܘܼܡܵܐ. [No book]
[22]ܘܩܲܕܸ̇ܡܘ ܒܨܲܦܪܵܐ: ܘܫܸܡܫܵܐ ܕܢܲܚ ܥܲܠ ܡܲـ̈ـܝܵܐ. ܘܲܚܙܵܘ ܡܘܼܐܒ̣ܵܝܹ̈ܐ ܡ̣ܢ ܩܒ̣ܘܿܠ ܠܡܲـ̈ـܝܵܐ ܕܣܘܼܡܵܩܝܼܢ ܐܲܝܟ݂ ܕܡܵܐ. [No book]
[23]ܘܐܸܡܲܪܘ: ܕܡܵܐ ܗ̄ܘ̣ ܗܵܢܵܐ: ܡܸܬ̣ܚܪܵܒ̣ܘܼ ܐܸܬ̣ܚܪܸܒ̣ܘ ܡܲܠ̈ܟܹ̇ܐ: ܘܩܲܛܸܠܘ ܓܒܲܪ ܚܲܒ̣ܪܹܗ: ܡܸܟܹ̇ܝܠ ܠܒܸܙܬ̣ܵܐ ܡܘܼܐܵܒ̣. [No book]
[24]ܘܐܸܬ̣ܵܘ ܠܡܲܫܪܝܼܬ̣ܵܐ ܕܝܼܣܪܵܝܹܠ. ܘܩܵܡ̣ܘ ܒܢܲܝ̈ ܝܼܣܪܵܝܹܠ: ܘܲܚܪܸܒ̣ܘ ܠܡܘܼܐܒ̣ܵܝܹ̈ܐ: ܘܲܥܪܲܩ̣ܘ ܡ̣ܢ ܩܕ݂ܵܡܲܝܗܘܿܢ ܘܥܲܠܘ ܒܗܘܿܢ: ܘܚܲܪܒ̇ܘܼܗܝ ܠܡܘܼܐܵܒ̣. [No book]
[25]ܘܩܘܼܪ̈ܝܵܐ ܣܲܚܸܦܘ ܘܟ݂ܠ ܝܵܪܬ̇ܘܼܬ̣ܵܐ ܕܫܲܦܝܼܪܵܐ: ܫܕ݂ܵܘ ܓܒܲܪ ܟܹܐܦܹܗ ܘܲܡܠܵܐܘܼܗ̇. ܘܟ݂ܠ ܡܥܝܼ̈ܢܹܐ ܕܡܲـ̈ـܝܵܐ ܛܲܡܸܡܘ. ܘܟ݂ܠ ܐܝܼܠܵܢܹ̈ܐ ܕܫܲܦܝܼܪܝܼܢ ܐܲܪܡܝܼܘ: ܥܕܲܡܵܐ ܕܐܸܫܬ̇ܒܸܩܘ ܟܹܐܦܹ̈ܐ ܒܐܸܣܬ̣ܵܐ ܟܲܕ݂ ܡܣܲܚ̈ܦܵܢ. ܘܐܸܬ̣ܟܲܪܟ̇ܘܼܗܝ ܕܫܵܕܹܝܢ ܒܩܸܠܥܹ̈ܐ: ܘܚܲܪܒ̇ܘܼܗܝ. [No book]
[26]ܘܲܚܙܵܐ ܡܲܠܟܵܐ ܕܡܘܼܐܵܒ̣: ܕܲܥܫܸܢ ܠܹܗ ܡܸܢܹܗ ܩܪܵܒ̣ܵܐ. ܘܲܕ݂ܒܲܪ ܥܲܡܹܗ ܫܒܲܥܡܵܐܐ ܓܲܒ̣ܪ̈ܝܼܢ ܫܵܡܛܲܝ̈ ܣܲܝܦܵܐ: ܕܢܸܬ̣ܦܲܠܲܛ ܠܘܵܬ̣ ܡܲܠܟܵܐ ܕܐܲܕ݂ܘܿܡ: ܘܠܵܐ ܐܸܫܟܲܚ. [No book]
[27]ܘܲܢܣܲܒ̣ ܠܲܒ̣ܪܹܗ ܒܘܼܟ݂ܪܹܗ: ܕܗ̤ܘ ܡܲܡܠܸܟ݂ ܒܵܬ̣ܪܹܗ: ܘܐܲܣܩܹܗ ܥܠܵܬ̣ܵܐ ܥܲܠ ܫܘܼܪܵܐ. ܘܲܗܘ̤ܵܐ ܪܘܼܓ̣ܙܵܐ ܪܲܒܵܐ ܥܲܠ ܝܼܣܪܵܝܹܠ: ܘܲܫܩܲܠܘ ܡܸܢܹܗ ܘܲܗܦܲܟ݂ܘ ܠܐܲܬ̣ܪ̱ܗܘܿܢ. [No book]
 
Top