|
|
| [1]ܒܝܵܘ̈ܡܵܬ̣ܵܐ ܗܵܢܘܿܢ ܐܸܬ̣ܟ̇ܪܲܗ̇ ܚܹܙܲܩܝܵܐ ܠܲܡܡܵܬ̣. ܘܐܸܬ̣ܵܐ ܠܘܵܬܹܗ ܐܹܫܲܥܝܵܐ ܢܒ̣ܝܼܵܐ ܒܲܪ ܐܵܡܘܿܨ: ܘܐܸܡܲܪ ܠܹܗ: ܗܵܟܲܢܵܐ ܐܵܡܲܪ ܡܵܪܝܵܐ. ܦܲܩܸܕ݂ ܥܲܠ ܒܲܝܬܵܟ݂: ܡܸܛܠ ܕܡܵܐܹ̇ܬ̣ ܐܲܢ̄ܬ̇: ܘܠܵܐ ܚܵܝܹܐ ܐܲܢ̄ܬ̇. |
[No book] |
| [2]ܘܐܲܦܢܝܼ ܚܹܙܲܩܝܵܐ ܐܲܦܵܘ̈ܗܝ ܠܐܸܣܬ̣ܵܐ: ܘܨܲܠܝܼ ܩܕ݂ܵܡ ܡܵܪܝܵܐ: ܘܐܸܡܲܪ. |
[No book] |
| [3]ܐܘܿܢ ܡܵܪܝܵܐ ܐܸܬ̇ܕܲܟ݂ܪ ܕܗܲܠܟܹ̇ܬ̣ ܩܕ݂ܵܡܲܝܟ ܒܩܘܼܫܬܵܐ ܘܲܒ̣ܠܒܵܐ ܫܲܠܡܵܐ. ܘܲܕ݂ܫܲܦܝܼܪ ܩܕ݂ܵܡܲܝܟ ܥܸܒ̣ܕܹ̇ܬ̣. ܘܲܒ̣ܟܵܐ ܚܹܙܲܩܝܵܐ ܒܟ݂ܵܬ̣ܵܐ ܪܲܒ̇ܬ̣ܵܐ. |
[No book] |
| [4]ܘܐܹܫܲܥܝܵܐ ܠܵܐ ܢܦܲܩ̣ ܗ̄ܘ̣ܵܐ ܠܕ݂ܵܪܬܵܐ ܡܸܨܥܵܝܬܵܐ. ܘܦܸܬ̣ܓ̣ܵܡܹܗ ܕܡܵܪܝܵܐ ܗܘ̤ܵܐ ܥܠܵܘܗܝ ܠܡܹܐܡܲܪ. |
[No book] |
| [5]ܗܦܘܿܟ݂ ܘܐܸܡܲܪ ܠܚܹܙܲܩܝܵܐ ܡܕܲܒ̇ܪܵܢܹܗ ܕܥܲܡܝ: ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܹܗ ܕܕ݂ܵܘܝܼܕ݂ ܐܲܒ̣ܘܼܟ݂: ܫܸܡܥܲܬ̇ ܨܠܘܿܬ̣ܵܟ݂: ܘܲܚܙܹ̇ܝܬ̣ ܕܸܡܥܲܝ̈ܟ. ܗܵܐ ܡܲܐܣܸܐ ܐ̄ܢܵܐ ܠܵܟ݂. ܘܲܒ̣ܝܵܘܡܵܐ ܬܠܝܼܬ̣ܵܝܵܐ ܬܸܣܲܩ ܠܒܲܝܬܹ̇ܗ ܕܡܵܪܝܵܐ. |
[No book] |
| [6]ܘܐܵܘܣܸܦ ܥܲܠ ܝܵܘ̈ܡܵܬ̣ܵܟ݂ ܚܲܡܫܲܥܸܣܪܹ̈ܐ ܫܢ̈ܝܼܢ. ܘܡ̣ܢ ܐܝܼܕ݂ܵܘ̈ܗܝ ܕܡܲܠܟܵܐ ܕܐܵܬ̣ܘܿܪ ܐܹܦܲܨܹܝܟ݂: ܘܠܲܩܪܝܼܬ̣ܵܐ ܗܵܕܹܐ. ܘܐܲܓܸ̇ܢ ܥܲܠ ܩܪܝܼܬ̣ܵܐ ܗܵܕܹܐ: ܘܐܲܦܪ̱ܩܝܼܗ̇: ܡܸܛܠܵܬ̣ܝ: ܘܡܸܛܠ ܕܵܘܝܼܕ݂ ܥܲܒ̣ܕ̇ܝ. |
[No book] |
| [7]ܘܐܸܡܲܪ ܐܹܫܲܥܝܵܐ: ܢܸܣܒ̣ܘܼܢ ܕܒܲܠܬ̣ܵܐ ܕܬܹܐܢܹ̈ܐ: ܘܲܢܣܝܼܡܘܼܢ ܥܲܠ ܫܘܼܚܢܵܐ ܘܡܸܬ̣ܚ̱ܠܸܡ. |
[No book] |
| [8]ܘܐܸܡܲܪ ܚܹܙܲܩܝܵܐ ܠܐܹܫܲܥܝܵܐ: ܡܵܢܲܐ ܗ̄ܝ̣ ܐܵܬ̤ܵܐ ܕܡܲܐܣܸܐ ܠܝܼ ܡܵܪܝܵܐ: ܘܣܵܠܹܩ ܐ̄ܢܵܐ ܒܝܵܘܡܵܐ ܬܠܝܼܬ̣ܵܝܵܐ ܠܒܲܝܬܹ̇ܗ ܕܡܵܪܝܵܐ. |
[No book] |
| [9]ܘܐܸܡܲܪ ܐܹܫܲܥܝܵܐ: ܗܵܕܲܐ ܗ̄ܝ̣ ܠܵܟ݂ ܐܵܬ̤ܵܐ ܡ̣ܢ ܩܕ݂ܵܡ ܡܵܪܝܵܐ: ܕܢܸܥܒܸ̇ܕ݂ ܡܵܪܝܵܐ ܦܸܬ̣ܓ̣ܵܡܵܐ ܕܐܸܡܲܪ: ܢܗܲܠܸܟ݂ ܛܸܠܵܠܵܐ ܥܸܣܪܵܐ ܕܲܪ̈ܓ̣ܝܼܢ: ܐܵܘ ܢܸܗܦܘܿܟ݂ ܥܸܣܪܵܐ ܕܲܪ̈ܓ̣ܝܼܢ. |
[No book] |
| [10]ܘܐܸܡܲܪ ܚܹܙܲܩܝܵܐ: ܒܨܝܼܪܵܐ ܗ̄ܝ̣ ܗܵܕܹܐ ܕܲܢܗܲܠܸܟ݂ ܛܸܠܵܠܵܐ ܥܸܣܪܵܐ ܕܲܪ̈ܓ̣ܝܼܢ. ܠܵܐ ܗܵܟܲܢܵܐ: ܐܸܠܵܐ ܢܸܗܦܘܿܟ݂ ܛܲܠܵܠܵܐ ܠܒܸܣܬ̇ܪܹܗ ܥܸܣܪܵܐ ܕܲܪ̈ܓ̣ܝܼܢ. |
[No book] |
| [11]ܘܲܩܪܵܐ ܐܹܫܲܥܝܵܐ ܢܒ̣ܝܼܵܐ ܠܡܵܪܝܵܐ: ܘܲܗܦܲܟ݂ ܛܸܠܵܠܵܐ ܒܕܲܪ̈ܓܹܐ: ܕܲܢܚܸܬ̣ ܒܕܲܪ̈ܓܹܐ ܕܐܵܚܵܙ: ܫܸܡܫܵܐ ܠܒܸܣܬ̇ܪܹܗ ܥܸܣܪܵܐ ܕܲܪܓ̣ܝܼܢ. |
[No book] |
| [12]ܒܙܲܒ̣ܢܵܐ ܗܵܘ̇: ܫܲܕܲܪ ܡܪܘܿܕ݂ܵܟ݂ ܒܠܕܵܢ ܒܲܪ ܒܸܠܕܵܢ ܡܲܠܟܵܐ ܕܒ̣ܵܒܹܠ: ܐܸܓܪ̈ܵܬ̣ܵܐ ܘܩܘܼܪ̈ܒܵܢܹܐ ܠܚܹܙܲܩܝܵܐ: ܟܲܕ݂ ܫ̣ܡܲܥ ܕܐܸܬ̣ܟ̇ܪܲܗ̇ ܚܹܙܲܩܝܵܐ ܘܲܚܝܵܐ. |
[No book] |
| [13]ܘܲܚܕ݂ܝܼ ܒܗܘܿܢ ܚܹܙܲܩܝܵܐ ܘܚܵܘܝܼ ܐܸܢܘܿܢ ܒܹܝܬ̣ ܓܲܙܹܗ: ܟܸܣܦܵܐ ܘܕܲܗܒ̣ܵܐ: ܘܒܸܣܡܹ̈ܐ: ܘܡܸܫܚܵܢܹ̈ܐ ܛܵܒܹ̈ܐ: ܘܟ݂ܠܹܗ ܒܹܝܬ̣ ܡܵܐܢܵܘ̈ܗܝ: ܘܟ݂ܠ ܕܐܸܫܬ̇ܟܲܚ ܒܹܝܬ̣ ܓܲܙܵܘ̈ܗܝ ܘܠܵܐ ܫܒܲܩ ܡܸܕܸ̇ܡ ܚܹܙܲܩܝܵܐ ܕܠܵܐ ܚܵܘܝܼ ܐܸܢܘܿܢ: ܒܒܲܝܬܹ̇ܗ ܘܲܒ̣ܟ݂ܠܹܗ ܒܹܝܬ̣ ܫܘܼܠܛܵܢܹܗ. |
[No book] |
| [14]ܘܐܸܬ̣ܵܐ ܐܹܫܲܥܝܵܐ ܢܒ̣ܝܼܵܐ ܠܘܵܬ̣ ܚܹܙܲܩܝܵܐ ܡܲܠܟܵܐ: ܘܐܸܡܲܪ ܠܹܗ: ܡܵܢܵܐ ܐܸܡܲܪܘ ܠܵܟ݂ ܗܵܠܹܝܢ ܓܲܒ̣ܪܹ̈ܐ: ܘܡ̣ܢ ܐܲܝܡܸܟܵܐ ܐܸܬ̣ܵܘ ܠܘܵܬ̣ܵܟ݂ ܘܐܸܡܲܪ ܚܹܙܲܩܝܵܐ: ܡ̣ܢ ܐܲܪܥܵܐ ܪܲܚܝܼܩܬܵܐ ܡ̣ܢ ܒܵܒܹܠ ܐܸܬ̣ܵܘ ܠܘܵܬ̣ܝ. |
[No book] |
| [15]ܘܐܸܡܲܪ ܡܵܢܵܐ ܚܙܵܘ ܒܒܲܝܬܵܟ݂ ܘܐܸܡܲܪ ܚܹܙܲܩܝܵܐ: ܟܠ ܐܝܼܬ̣ ܒܒܲܝܬ̇ܝ ܚܙܵܘ. ܘܠܵܐ ܫܸܒ̣ܩܹ̇ܬ̣ ܡܸܕܸ̇ܡ ܒܒܲܝܬ̇ܝ: ܕܠܵܐ ܚܵܘܝܼܬ̣ ܐܸܢܘܿܢ ܒܓܲܙܝܼ. |
[No book] |
| [16]ܘܐܸܡܲܪ ܐܹܫܲܥܝܵܐ ܠܚܹܙܲܩܝܵܐ: ܫܡܲܥ ܦܸܬ̣ܓ̣ܵܡܹܗ ܕܡܵܪܝܵܐ. |
[No book] |
| [17]ܗܵܐ ܝܵܘ̈ܡܵܬ̣ܵܐ ܐܵܬܹܝܢ: ܘܢܸܫܬ̇ܩܸܠ ܟܠ ܕܐܝܼܬ̣ ܒܒܲܝܬܵܟ݂. ܘܓܲܙܵܐ ܕܲܢܛܲܪܘ ܐܲܒ̣ܵܗܲܝ̈ܟ ܥܕܲܡܵܐ ܠܝܵܘܡܵܢܵܐ ܠܒ̣ܵܒܹܠ ܢܹܐܙܲܠ. ܘܡܸܕܸ̇ܡ ܠܵܐ ܢܸܫܬ̇ܒܸܩ ܠܵܟ݂: ܐܵܡܲܪ ܡܵܪܝܵܐ. |
[No book] |
| [18]ܘܡ̣ܢ ܒܢܲܝ̈ܟ ܕܢܵܦܩܝܼܢ ܡܸܢܵܟ݂: ܕܡܵܘܠܸܕ݂ ܐܲܢ̄ܬ̇: ܢܸܬ̇ܕܲܒ̣ܪܘܼܢ: ܘܢܸܗܘܘܿܢ ܡܗܲܝܡ̈ܢܹܐ ܒܗܲܝܟ̇ܠܵܐ ܕܡܲܠܟܵܐ ܕܒ̣ܵܒܹܠ. |
[No book] |
| [19]ܘܐܸܡܲܪ ܚܹܙܲܩܝܵܐ ܠܐܹܫܲܥܝܵܐ: ܛܵܒ̣ ܦܸܬ̣ܓ̣ܵܡܹܗ ܕܡܵܪܝܵܐ ܕܐܸܡܲܪܬ̇. ܘܐܸܡܲܪ: ܐܸܫܬܘܿܦ ܕܹܝܢ ܢܸܗܘܹܐ ܫܠܵܡܵܐ ܘܩܘܼܫܬܵܐ ܒܝܵܘ̈ܡܲܝ. |
[No book] |
| [20]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܚܹܙܲܩܝܵܐ ܘܟ݂ܠܵܗ̇ ܓܲܢ̄ܒܵܪܘܼܬܹܗ: ܘܕܲܥܒܲܕ݂: ܝܼܡܬ̣ܵܐ ܘܚܹܐܪܝܼܬ̣ܵܐ: ܘܐܲܥܸܠ ܡܲـ̈ـܝܵܐ ܠܲܩܪܝܼܬ̣ܵܐ: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. |
[No book] |
| [21]ܘܲܫܟܸܒ̣ ܚܹܙܲܩܝܵܐ ܥܲܡ ܐܲܒ̣ܵܗܵܘ̈ܗܝ: ܘܐܲܡܠܸܟ݂ ܡܢܲܫܹܐ ܒܪܹܗ ܒܵܬ̣ܪܹܗ. |
[No book] |