|
|
| [1]ܘܲܗ̤ܘܵܐ ܡ̣ܢ ܒܵܬܲܪ ܕܡܝܼܬ̣ ܫܵܐܘܿܠ: ܘܕ݂ܵܘܝܼܕ݂ ܗܦܲܟ݂ ܡ̣ܢ ܕܲܠܡܸܚܪܲܒ̣ ܠܲܥܡܵܠܩܵܝܹ̈ܐ. ܘܝܼܬܸܒ̣ ܨܸܢܩܠܲܓ̣ ܝܵܘ̈ܡܵܬ̣ܵܐ ܬܪܹܝܢ. |
[No book] |
| [2]ܘܲܗ̤ܘܵܐ ܒܝܵܘܡܵܐ ܬܠܝܼܬ̣ܵܝܵܐ: ܘܗܵܐ ܓܲܒ̣ܪܵܐ ܐܸܬ̣ܵܐ ܡ̣ܢ ܡܲܫܪܝܼܬ̣ܵܐ ܡ̣ܢ ܠܘܵܬ̣ ܫܵܐܘܿܠ: ܘܲܡܨܲܪܹܝܢ ܠܒ̣ܘܼܫܵܘ̈ܗܝ: ܘܐܲܕܸܡ̱ܬ̣ܵܐ ܒܪܹܫܹܗ. ܘܲܗ̤ܘܵܐ ܕܟܲܕ݂ ܐܸܬ̣ܵܐ ܠܘܵܬ̣ ܕܵܘܝܼܕ݂: ܢܦܲܠ ܥܲܠ ܐܲܪܥܵܐ ܘܲܣܓܸܕ݂ ܠܹܗ. |
[No book] |
| [3]ܘܐܸܡܲܪ ܠܹܗ ܕܵܘܝܼܕ݂: ܡ̣ܢ ܐܲܝܡܸܟܵܐ ܐܸܬܲܝܬ̇: ܐܵܡܲܪ ܠܹܗ: ܡ̣ܢ ܡܲܫܪܝܼܬ̣ܵܐ ܕܝܼܣܪܵܝܹܠ ܐܸܫܬܵܘܙܒܹܬ̣. |
[No book] |
| [4]ܐܵܡܲܪ ܠܹܗ ܕܵܘܝܼܕ݂: ܡܵܢܵܘ ܦܸܬ̣ܓ̣ܵܡܵܐ: ܚܵܘܵܢܝ. ܘܐܸܡܲܪ: ܥܪܲܩ ܥܲܡܵܐ ܡ̣ܢ ܩܪܵܒ̣ܵܐ: ܘܐܵܦ ܣܘܿܓ̣ܵܐܐ ܢܦܲܠ ܡ̣ܢ ܥܲܡܵܐ: ܘܐܵܦ ܫܵܐܘܿܠ ܘܝܘܿܢܵܬ̣ܵܢ ܒܪܹܗ ܡܝܼܬ̣ܘ. |
[No book] |
| [5]ܘܐܸܡܲܪ ܕܵܘܝܼܕ݂ ܠܲܥܠܲܝܡܵܐ: ܚܵܘܵܢܝ ܐܲܝܟܲܢܵܐ ܡܝܼܬ̣ܘ ܫܵܐܘܿܠ ܘܝܘܿܢܵܬ̣ܵܢ ܒܪܹܗ. |
[No book] |
| [6]ܘܐܸܡܲܪ ܠܹܗ ܥܠܲܝܡܵܐ ܗܵܘ̇: ܡܸܣܬܲܩܒܵܠܘܼ ܐܸܣܬܲܩܒ̇ܠܹܬ̣ ܒܛܘܼܪܵܐ ܕܲܓ̣ܠܲܒ̇ܘܿܥ: ܘܗܵܐ ܫܵܐܘܿܠ ܣܡܝܼܟ݂ ܥܲܠ ܡܘܿܪܵܢܝܼܬܹܗ: ܘܡܲܪ̈ܟ̇ܒ̣ܵܬ̣ܵܐ ܘܓܲܒ̣ܪܹ̈ܐ ܘܦܲܪ̈ܵܫܹܐ ܐܲܕ݂ܪ̤ܟ݂ܘܼܗܝ. |
[No book] |
| [7]ܘܐܸܬ̣ܦܢܝܼ ܠܒܸܣܬ̇ܪܹܗ ܘܲܚܙܵܢܝ ܘܲܩܪܵܢܝ: ܘܐܸܡܪܹܬ̣ ܗܵܐ ܐܸܢܵܐ. |
[No book] |
| [8]ܘܐܸܡܲܪ ܠܝܼ ܡ̇ܢ ܐܲܢ̄ܬ̇: ܘܐܸܡ̇ܪܹܬ̣ ܠܹܗ ܥܡܵܠܩܵܝܵܐ ܐ̄ܢܵܐ. |
[No book] |
| [9]ܘܐܸܡܲܪ ܠܝܼ: ܩܘܼܡ ܥܠܲܝ ܘܲܩܛܘܿܠܲܝܢܝ: ܡܸܛܠ ܕܐܲܚܕܘܼܢܝ ܨܵܘܪ̈ܵܢܹܐ: ܘܟ݂ܠܵܗ̇ ܢܲܦ̮ܫܝ ܒܝܼ. |
[No book] |
| [10]ܘܩܵܡܹܬ̣ ܥܠܵܘܗܝ ܘܲܩܛܲܠܬܹܗ: ܡܸܛܠ ܕܝܼܕ݂ܥܹܬ̣ ܕܠܵܐ ܚܵܝܹܐ ܒܵܬܲܪ ܡܲܦܘܼܠـܬܹ̇ܗ. ܘܢܸܣܒܹ̇ܬ̣ ܟܠܝܼܠܵܐ ܕܲܒ̣ܪܹܫܹܗ: ܘܩܘܼܠܒܵܐ ܕܒܲܕ݂ܪܵܥܹܗ: ܘܐܲܝܬ̇ܝܼܬ̣ ܐܸܢܘܿܢ ܠܡܵܪܝ: ܠܗܵܪܟܵܐ. |
[No book] |
| [11]ܘܐܸܚܲܕ݂ ܕܵܘܝܼܕ݂ ܒܲܠܒ̣ܘܼܫܵܘ̈ܗܝ: ܘܨܲܪܝܼ ܐܸܢܘܿܢ: ܘܐܵܦ ܟܠܗܘܿܢ ܓܲܒ̣ܪܹ̈ܐ ܕܥܲܡܹܗ. |
[No book] |
| [12]ܘܐܲܪܩܸܕ݂ܘ ܘܲܒ̣ܟ݂ܵܘ: ܘܨܵܡܘ ܥܕܲܡܵܐ ܠܪܲܡܫܵܐ: ܥܲܠ ܫܵܐܘܿܠ ܘܥܲܠ ܝܘܿܢܵܬ̣ܵܢ ܒܪܹܗ: ܘܥܲܠ ܥܲܡܹܗ ܕܡܵܪܝܵܐ: ܘܥܲܠ ܒ̈ܢܲܝ ܝܼܣܪܵܝܹܠ: ܕܲܢܦܲܠܘ ܒܚܲܪܒܵܐ. |
[No book] |
| [13]ܘܐܸܡܲܪ ܕܵܘܝܼܕ݂ ܠܲܥܠܲܝܡܵܐ ܗܵܘ̇ ܕܚܵܘܝܹܗ: ܡ̣ܢ ܐܲܝܡܸܟܵܐ ܐܲܢ̄ܬ̇. ܐܵܡܲܪ ܠܹܗ: ܒܲܪ ܓܲܒ̣ܪܵܐ ܐ̄ܢܵܐ ܓܝܼܘܿܪܵܐ ܥܡܵܠܩܵܝܵܐ. |
[No book] |
| [14]ܘܐܸܡܲܪ ܠܹܗ ܕܵܘܝܼܕ݂: ܐܲܝܟܲܢܵܐ ܠܵܐ ܕܚܸܠܬ̇ ܠܡܵܘܫܵܛܘܼ ܐܝܼܕ݂ܵܟ݂ ܠܲܡܚܲܒܵܠܘܼ ܠܲܡܫܝܼܚܹܗ ܕܡܵܪܝܵܐ. |
[No book] |
| [15]ܘܲܩܪܵܐ ܕܵܘܝܼܕ݂ ܠܚܲܕ݂ ܡ̣ܢ ܥܠܲܝܡܹ̈ܐ: ܘܐܸܡܲܪ: ܩܪܘܿܒ̣ ܦܓܲܥ ܒܹܗ. ܘܲܩܪܸܒ̣ ܦܓܲܥ ܒܹܗ: ܘܲܡܚܵܝܗܝ ܘܡܝܼܬ̣. |
[No book] |
| [16]ܐܵܘܲܪ ܠܹܗ ܕܵܘܝܼܕ݂: ܕܡܵܟ݂ ܒܪܹܫܵܟ݂: ܡܸܛܠ ܕܦܘܼܡܵܟ݂ ܣܗܸܕ݂ ܒܵܟ݂: ܕܐܸܡܲܪܬ̇ ܕܐܸܢܵܐ ܩܸܛܠܹܬ̣ ܠܲܡܫܝܼܚܹܗ ܕܡܵܪܝܵܐ. |
[No book] |
| [17]ܘܐܲܠܵܐ ܕܵܘܝܼܕ݂ ܐܘܿܠܝܼܬ̣ܵܐ ܗܵܕܹܐ ܥܲܠ ܫܵܐܘܿܠ: ܘܥܲܠ ܝܘܿܢܵܬ̣ܵܢ ܒܪܹܗ. |
[No book] |
| [18]ܘܐܸܡܲܪ: ܠܡܲܠܵܦܘܼ ܠܲܒ̣̈ܢܲܝ ܝܼܗܘܼܕ݂ܵܐ ܩܸܫܬܵܐ: ܗܵܐ ܟܬ̣ܝܼܒ̣ ܒܲܣܦܲܪ ܐܵܫܝܪ. |
[No book] |
| [19]ܛܲܒ̣ܝܵܐ ܝܼܣܪܵܝܹܠ: ܥܲܠ ܪ̈ܵܡܵܬ̣ܵܟ݂ ܩܛܝܼ̈ܠܹܐ. ܐܲܝܟܲܢܵܐ ܢܦܲܠܘ ܓܲܢ̄ܒܵܪܹ̈ܐ. |
[No book] |
| [20]ܠܵܐ ܬܚܵܘܘܿܢ ܒܓ̣ܵܬ̣: ܘܠܵܐ ܬܣܲܒ̇ܪܘܼܢ ܒܫܘܼܩܹ̈ܐ ܕܐܲܫܩܵܠܘܿܢ: ܕܠܵܐ ܢܸܚܕܝܵܢ ܒ̈ܢܵܬ̣ ܦܠܸܫ̈ܬܵܝܹܐ: ܘܠܵܐ ܢܕ݂ܘܼ̈ܨܵܢ ܒ̈ܢܵܬ̣ ܥܘܼܪ̈ܠܹܐ. |
[No book] |
| [21]ܛܘܼܪܹ̈ܐ ܕܲܓ̣ܠܲܒ̇ܘܿܥ: ܠܵܐ ܛܲܠܵܐ ܘܠܵܐ ܡܸܛܪܵܐ ܥܠܲܝܟ̇ܘܿܢ: ܘܚܲܩ̈ܠܵܬ̣ܵܐ ܕܲܡܦܲܪ̈ܫܝܼܢ: ܡܸܛܠ ܕܬܲܡܵܢ ܐܸܬ̇ܬܲܒ̣ܪܲܬ̤ ܣܲܟ̇ܪܵܐ ܕܓܲܢ̄ܒܵܪܹ̈ܐ: ܣܲܟ̇ܪܹܗ ܕܫܵܐܘܿܠ ܕܲܡܫܝܚ ܗ̄ܘ̣ܵܐ ܒܡܸܫܚܵܐ. |
[No book] |
| [22]ܡ̣ܢ ܕܡܵܐ ܕܲܩܛܝܼ̈ܠܹܐ ܘܡ̣ܢ ܬܲܪܒܵܐ ܕܓܲܢ̄ܒܵܪܹ̈ܐ. ܩܸܫܬܹ̇ܗ ܕܝܘܿܬܢܵܬ̣ܵܢ ܠܵܐ ܗܵܦܟܵܐ ܗ̄ܘ̣ܵܬ̣ ܠܒܸܣܬ̇ܪܵܗ̇: ܘܚܲܪܒܹ̇ܗ ܕܫܵܐܘܿܠ ܠܵܐ ܗܵܦܟܵܐ ܗ̄ܘ̣ܵܬ̣ ܣܪܝܼܩܵܐܝܼܬ̣. |
[No book] |
| [23]ܫܵܐܘܿܠ ܘܝܘܿܬܢܵܬ̣ܵܢ ܪ̈ܚܝܼܡܹܐ ܘܒܲܣܝܼܡܹ̈ܐ. ܒܚܲܝ̈ܗܘܿܢ ܘܲܒ̣ܡܵܘܬ̇ܗܘܿܢ ܠܵܐ ܦܪܲܫܘ. ܡ̣ܢ ܢܸܫܪܹ̈ܐ ܩܲܠܝܼܠܝܼܢ ܗ̄ܘ̣ܵܘ: ܘܡ̣ܢ ܐܲܪ̈ܝܵܘܵܬ̣ܵܐ ܥܲܫܝܼܢܝܼܢ ܗ̄ܘ̣ܵܘ. |
[No book] |
| [24]ܒ̈ܢܵܬ̣ ܝܼܣܪܵܝܹܠ ܥܲܠ ܫܵܐܘܿܠ ܒܟ݂ܵܝܹܝ̈ܢ: ܕܡܲܠܒܸ̇ܫ ܗ̄ܘ̣ܵܐ ܠܟܹܝܢ ܙܚܘܿܪ̈ܝܵܬ̣ܵܐ ܥܲܠ ܨܘܼܒ̣̈ܥܵܢܹܐ: ܘܡܲܣܸܩ ܗ̄ܘ̣ܵܐ ܨܘܼܪ̈ܵܬ̣ܵܐ ܕܕܲܗܒ̣ܵܐ ܥܲܠ ܠܒ̣ܘܼܫܲܝ̈ܟܹܝܢ. |
[No book] |
| [25]ܐܲܝܟܲܢܵܐ ܢܦܲܠܘ ܓܲܢ̄ܒܵܪܹ̈ܐ ܒܓ̣ܵܘ ܩܪܵܒ̣ܵܐ: ܝܘܿܢܵܬ̣ܵܢ ܥܲܠ ܪ̈ܵܡܵܬ̣ܵܐ ܩܛܝܼ̈ܠܹܐ. |
[No book] |
| [26]ܥܵܩܲܬ̣ ܠܝܼ ܥܠܲܝܟ ܐܵܚܝ ܝܘܿܢܵܬ̣ܵܢ. ܚܲܒ̇ܝܼܒ̣ ܗ̄ܘܲܝـ̇ ܠܝܼ ܛܵܒ̣. ܦܪܝܼܫܵܐ ܗ̄ܘ̣ܵܬ̣ ܠܝܼ ܪܸܚ̱ܡܬ̣ܵܟ݂ ܡ̣ܢ ܪܸܚ̱ܡܬ̣ܵܐ ܕܢܸܫܹ̈ܐ. ܐܲܝܟܲܢܵܐ ܢܦܲܠܘ ܓܲܢ̄ܒܵܪܹ̈ܐ: ܘܐܸܒܲܕ݂ܘ ܡܵܐܢܹ̈ܐ ܕܲܩܪܵܒ̣ܵܐ. |
[No book] |