|
|
| [1]ܘܲܡܢܵܐ ܕܵܘܝܼܕ݂ ܠܥܲܡܵܐ ܕܥܲܡܹܗ: ܘܐܲܩܝܼܡ ܥܠܲܝܗܘܿܢ ܪ̈ܲܒܲܝ ܐܲܠܦܹ̈ܐ: ܘܪ̈ܲܒܲܝ ܡܐ̈ܘܵܬ̣ܵܐ. |
[No book] |
| [2]ܬܘܼܠܬ̣ܵܐ ܥܲܡ ܝܘܿܐܵܒ̣: ܘܬܸܘܼܠܬ̣ܵܐ ܥܲܡ ܐܲܒ̣ܝܼܫܲܝ ܒܲܪ ܨܘܿܪܝܼܵܐ ܐܲܚܘܼܗܝ ܕܝܘܿܐܵܒ̣: ܘܐ̣ܘܼܠܬ̣ܵܐ ܥܡ ܐܵܬ̣ܝܼ ܓܵܬ̣ܵܝܵܐ. |
[No book] |
| [3]ܘܐܸܡܲܪ ܡܲܠܟܵܐ ܠܥܲܡܵܐ: ܐܸܢ ܡܸܥܪܲܩ ܥܵܪܩܝܼܢ ܚ̄ܢܲܢ: ܠܵܐ ܣܵܝܡܝܼܢ ܥܠܲܝܢ ܒܠܸܒ̇ܗܘܿܢ. ܗܵܫܵܐ ܟܲܕܲܘ ܠܲܢ ܥܸܣܪܵܐ ܐܲܠܦ̈ܝܼܢ: ܛܵܒ̣ ܠܲܢ ܕܢܸܗܘܘܿܢ ܠܲܢ ܡܥܲܕܪ̈ܵܢܹܐ ܡ̣ܢ ܩܘܼܪ̈ܝܵܐ. |
[No book] |
| [4]ܘܐܸܡܲܪܘ ܠܹܗ ܥܲܒ̣ܕܵܘ̈ܗܝ ܠܕ݂ܵܘܝܼܕ݂: ܚܢܲܢ ܢܸܦܘܿܩ ܘܢܸܣܬܲܪܗܲܒ̣ ܠܡܸܬ̣ܟܲܬܵܫܘܼ ܥܲܡܗܘܿܢ. ܐܵܡܲܪ ܠܗܘܿܢ ܡܲܠܟܵܐ: ܡܸܕܸܡ ܕܫܲܦܝܼܪ ܒܥܲܝܢܲܝ̈ܟ̇ܘܿܢ ܥܒܸܕܸܘ. ܘܩܵܡ ܡܲܠܟܵܐ ܥܲܠ ܝܲܕ݂ ܬܲܪܥܵܐ. ܘܟ݂ܠܹܗ ܥܲܡܵܐ ܢܦܲܩܘ ܠܡܲـ̈ܐܘܵܬ̣ܵܐ ܘܠܐܲܠܦܹ̈ܐ. |
[No book] |
| [5]ܘܦܲܩܸܕ݂ ܡܲܠܟܵܐ ܠܝܘܿܐܵܒ̣: ܘܠܲܐܒ̣ܝܼܫܲܝ: ܘܠܵܐܬ̣ܝܼ: ܕܐܲܚܘܿܕ݂ܘ ܠܝܼ ܠܛܲܠܝܵܐ ܐܲܒ̣ܫܵܠܘܿܡ ܟܲܕ݂ ܚܲܝ. ܘܲܫܡܲܥܘ ܟܠܹܗ ܥܲܡܵܐ ܟܲܕ݂ ܦܲܩܸܕ݂ ܡܲܠܟܑܵܐ ܠܟ݂ܠܗܘܿܢ ܪܵܘ̱ܪ̈ܒ̣ܵܢܹܐ ܥܲܠ ܨܒ̣ܘܼܬ̣ܵܐ ܕܐܲܒ̣ܫܵܠܘܿܡ. |
[No book] |
| [6]ܘܲܢܦܲܩܘ ܥܲܡܵܐ ܠܕܲܒ̣ܪܵܐ: ܠܐܘܼܪܥܹܗ ܕܝܼܣܪܵܝܹܠ. |
[No book] |
| [7]ܘܲܗܘ̤ܵܐ ܩܪܵܒ̣ܵܐ: ܘܐܸܬ̇ܬ̇ܒܲܪ ܬܲܡܵܢ ܥܲܡܵܐ ܕܝܼܣܪܵܝܹܠ: ܩܕ݂ܵܡ ܥܲܒ̣ܕܵܘ̈ܗܝ ܕܕ݂ܵܘܝܼܕ݂: ܘܲܗܘ̤ܵܐ ܬܲܡܵܢ ܡܵܘܬܵܢܵܐ ܪܲܒܵܐ ܥܸܣܪܝܼܢ ܐܲܠܦ̈ܝܼܢ. |
[No book] |
| [8]ܘܲܗܘ̤ܵܐ ܩܪܵܒ̣ܵܐ ܣܲܓ̇ܝܼܵܐܐ ܕܛܵܒ̣ ܥܲܠ ܐܲܦܹܝ̈ܗ̇ ܕܐܲܪܥܵܐ. ܘܐܸܟ݂ܠܲܬ̤ ܚܲܝܘܲܬ̣ ܥܵܒ̣ܵܐ ܡ̣ܢ ܥܲܡܵܐ: ܝܲܬ̇ܝܼܪ ܡ̣ܢ ܕܐܵܘܒ̇ܕܲܬ̤ ܚܲܪܒܵܐ ܒܗܵܘ̇ ܝܵܘܡܵܐ. |
[No book] |
| [9]ܘܐܸܣܬܲܩܒܲܠ ܐܲܒ̣ܫܵܠܘܿܡ ܩܕ݂ܵܡ ܥܲܒ̣ܕܵܘ̈ܗܝ ܕܕ݂ܵܘܝܼܕ݂. ܘܐܲܒ̣ܫܵܠܘܿܡ ܪܟ݂ܝܼܒ̣ ܗ̄ܘ̣ܵܐ ܥܲܠ ܟܘܿܕܲܢܝܵܐ. ܘܥܲܠ ܟܘܿܕܲܢܝܵܐ ܬܚܹܝܬ̣ ܣܵܘܟ̇ܬ̣ܵܐ ܕܐܝܼܠܬܵܐ ܪܲܒ̇ܬ̣ܵܐ: ܘܐܸܬ̣ܥ̱ܪܝ ܪܹܫܹܗ ܕܐܲܒ̣ܫܵܠܘܿܡ ܒܐܝܼܠܬܵܐ ܪܲܒ̇ܬ̣ܵܐ: ܘܐܸܬ̇ܬ̇ܠܝܼ ܒܹܝܬ̣ ܫܡܲܝܵܐ ܠܐܲܪܥܑܵܐ: ܘܟ݂ܘܿܕܲܢܝܵܐ ܕܲܬ̣ܚܘܿܬ̣ܵܘܗܝ ܥܒܲܪ ܘܐܸܙܲܠ. |
[No book] |
| [10]ܘܲܚܙܵܐ ܓܲܒ̣ܪܵܐ: ܘܚܵܘܝܼ ܠܝܘܿܐܵܒ̣: ܘܐܸܡܲܪ: ܚܙܹܝ̇ܬܹܗ ܠܐܲܒ̣ܫܵܠܘܿܡ ܟܲܕ݂ ܬܠܸܐ ܒܐܝܼܠܬܵܐ. |
[No book] |
| [11]ܐܵܡܲܪ ܠܹܗ ܝܘܿܐܵܒ̣ ܠܓܲܒ̣ܪܵܐ ܕܚܵܘ̣ܝܹܗ: ܟܲܕ݂ ܚܙܲܝܼܬܵܝܗ: ܠܡܵܢܵܐ ܠܵܐ ܡܚܲܝܬܵܝܗܝ: ܘܐܲܪܡܝܼܬܵܝܗܝ ܥܲܠ ܐܲܪܥܵܐ: ܘܐܸܢܵܐ ܝܵܗܹܒ̣ ܗ̄ܘܹܝܬ̣ ܠܵܟ݂ ܥܸܣܪܵܐ ܕܟ݂ܣܦܵܐ ܘܲܠܒ̣ܘܼܫܵܐ ܚܲܕ݂. |
[No book] |
| [12]ܐܵܡܲܪ ܠܹܗ ܗܵܘ ܓܲܒ̣ܪܵܐ ܠܝܘܿܐܵܒ̣: ܐܸܠܘ ܡܢܲܝܬܚ ܝܲܗ̄ܒ̣ܬ̇ ܠܝܼ ܐܵܠܹܦ ܕܟܸܣܦܵܐ: ܠܵܐ ܐܵܘܫܸܛܹܬ̣ ܐܝܼܕ݂ܝ ܥܠ ܒܲܪ ܡܲܠܟܵܐ. ܩܕ݂ܵܡܲܝ ܓܹܝܪ ܦܲܩܸܕ݂ ܡܲܠܟܵܐ ܠܵܟ݂: ܘܠܐܲܒ̣ܝܼܫܲܝ: ܘܠܵܐܬ̣ܝܼ: ܘܐܸܡܲܪ: ܐܸܙܕܲܗ̄ܪܘ ܠܝܼ ܒܛܲܠܝܵܐ ܐܲܒ̣ܫܵܠܘܿܡ. |
[No book] |
| [13]ܐܸܠܘܼ ܥܸܒ̣ܕܹܬ̣ ܒܢܲܦ̮ܫܝ: ܡܲܣܟܸ̇ܠ ܗ̄ܘܹܝܬ̣: ܘܡܸܕܸܡ ܠܵܐ ܡܸܬ̇ܛܲܫܸܐ ܗ̄ܘ̣ܵܐ ܡ̣ܢ ܡܲܠܟܵܐ: ܘܐܲܢ̄ܬ̇ ܩܵܐܹܡ ܗ̄ܘܲܝܬ̇ ܡ̣ܢ ܩܒ̣ܘܿܠ. |
[No book] |
| [14]ܐܵܡܲܪ ܠܹܗ ܝܘܿܐܵܒ̣: ܠܵܐ ܗܵܟܲܢܵܐ: ܐܸܢܵܐ ܐܹܫܲܪܸܐ ܩܕ݂ܵܡܲܝܟ. ܘܲܢܣܲܒ̣ ܝܘܿܐܵܒ̣ ܬܠܵܬ̣ܵܐ ܫܲܒ̣̈ܛܝܼܢ ܒܐܝܼܕܹܗ: ܘܲܡܚܵܐ ܐܸܢܘܿܢ ܒܠܸܒܹ̇ܗ ܕܐܲܒ̣ܫܵܠܘܿܡ: ܘܲܥܕܲܟܹ̇ܝܠ ܚܲܝ ܗ̄ܘ݂ܵܐ ܘܲܬ̣ܠܸܐ ܒܐܝܼܠܬܵܐ. |
[No book] |
| [15]ܘܲܗܦܲܟ݂ܘ ܥܸܣܪܵܐ ܥܠܲܝܡ̈ܝܼܢ ܫܩ̈ܝܼܠܲܝ ܡܵܐܢܵܘ̈ܗܝ ܕܝܘܿܐܵܒ̣: ܘ̱ܲܚܵܐܘܼܗܝ ܠܐܲܒ̣ܫܵܠܘܿܡ ܘܫܲܛܠܘܼܗܝ. |
[No book] |
| [16]ܘܲܩܪܵܐ ܝܘܿܐܵܒ̣ ܒܫܝܼܦܘܿܪܵܐ. ܘܲܗܦܲܟ݂ ܠܹܗ ܟܠܹܗ ܥܲܡܵܐ ܕܪܵܕܸܦ ܗ̄ܘ̣ܵܐ ܒܵܬܲܪ ܝܼܣܪܵܝܹܠ: ܡܸܛܠ ܕܲܟ݂ܠܵܝܗܝ ܝܘܿܐܵܒ̣ ܠܥܲܡܵܐ. |
[No book] |
| [17]ܘܢܲܣܒ̇ܘܼܗܝ ܠܐܲܒ̣ܫܵܠܘܿܡ ܘܐܲܪܡܝܼܘܼܗܝ ܒܓ̣ܘܼܒܵܐ ܒܓ̣ܘܼܡܵܨܵܐ ܪܲܒܵܐ: ܘܐܲܩܝܼܡܘ ܥܠܵܘܗܝ ܝܲܓ̣ܪܵܐ ܪܲܒܵܐ ܕܟܹܐܦܹ̈ܐ ܪܵܘ̱ܪ̈ܒ̣ܵܬ̣ܵܐ. ܘܟ݂ܠܹܗ ܝܼܣܪܵܝܹܠ ܥܪܲܩܘ ܐ̄ܢܵܫ ܠܡܲܫܟ̇ܢܹܗ. |
[No book] |
| [18]ܘܐܲܒ̣ܫܵܠܘܿܡ ܥܲܕ݂ ܗ̤ܝ ܚܲܝ: ܢܣܲܒ̣ ܗ̄ܘܟܵܐ ܘܐܲܩܝܼܡ ܗ̄ܘ̣ܵܐ ܠܹܗ ܨܲܠܡܵܐ ܒܥܘܼܡܩܵܐ ܕܡܲܠܟܹ̈ܐ: ܡܸܛܠ ܕܐܸܡܲܪ ܗ̄ܘ̣ܵܐ: ܕܠܲܝܬ̇ ܠܝܼ ܡ̇ܢ ܕܢܸܥܒܸ̇ܕ݂ ܫܹܡܝ. ܘܲܩܪܵܝܗܝ ܠܨܲܠܡܵܐ ܥܲܠ ܫܡܹܗ: ܘܐܸܬ̣ܩܲܪܝܲܬ̤ ܐܝܼܕܹܗ ܕܐܲܒ̣ܫܵܠܘܿܡ ܥܕܲܡܵܐ ܠܝܵܘܡܵܢܵܐ. |
[No book] |
| [19]ܘܐܲܚܝܼܡܥܸܨ ܒܲܪ ܨܵܕ݂ܘܿܩ ܐܸܡܲܪ: ܐܸܪܗܲܛ ܐܸܣܒ̇ܪܝܼܘܗܝ ܠܡܲܠܟܵܐ: ܕܕܵܢܹܗ ܡܵܪܝܵܐ ܡ̣ܢ ܐܝܼܕ݂ܵܐ ܕܲܒ̣ܥܸܠܕܒ̣ܵܒ̣ܵܘ̈ܗܝ. |
[No book] |
| [20]ܐܵܡܲܪ ܠܹܗ ܝܘܿܐܵܒ̣: ܠܵܐ ܘܵܠܹܗ ܕܲܬ̣ܣܲܒܲܪ ܝܵܘܡܵܢܵܐ: ܐܸܠܵܐ ܣܲܒܲܪ ܒܝܵܘܡܵܐ ܐ̄ܚܪܹܢܵܐ. ܠܵܐ ܬܣܲܒܲܪ ܝܵܘܡܵܢܵܐ: ܥܲܠ ܒܲܪ ܡܲܠܟܵܐ ܗ̄ܘ̣ ܓܹܝܪ ܡܣܲܒܲܪ ܐܲܢ̄ܬ̇ ܕܡܝܼܬ̣. |
[No book] |
| [21]ܘܐܸܡܲܪ ܝܘܿܐܵܒ̣ ܠܟ݂ܘܿܫܝܼ: ܙܸܠ ܚܵܘܵܐ ܠܡܲܠܟܵܐ ܡܸܕܸܡ ܕܲܚܙܲܝܬ̇. |
[No book] |
| [22]ܘܲܪܗܸܛ ܬܘܼܒ̣ ܐܲܚܝܼܡܥܸܨ ܒܲܪ ܨܵܕ݂ܘܿܩ. ܘܐܸܡܲܪ ܠܹܗ ܠܝܘܿܐܵܒ̣: ܡܵܢܵܐ ܡܵܕܹܝܢ: ܐܸܪܗܲܛ ܐܵܦ ܐܸܢܵܐ ܐܹܙܲܠ ܒܵܬܲܪ ܟܘܿܫܝܼ. ܐܵܡܲܪ ܠܹܗ ܝܘܿܐܵܒ̣: ܠܡܵܢܵܐ ܪܵܗܹܛ ܐܲܢ̄ܬ̇ ܒܹܪܝ: ܕܠܵܐ ܐ̄ܢܵܫ ܝܵܗܹܒ̣ ܠܵܟ݂ ܕܲܣܒܲܪܬ̣ܵܐ. |
[No book] |
| [23]ܐܵܡܲܪ ܠܹܗ ܡܵܢܵܐ ܡܵܕܹܝܢ: ܐܸܪܗܲܛ. ܐܸܡܲܪ ܠܹܗ ܗܲܪܛ. ܘܲܪܗܸܛ ܐܲܚܝܼܡܥܸܨ ܒܐܘܼܪܚܵܐ ܕܟ݂ܵܟ݂ܵܪ: ܘܥܲܒ̣ܪܹܗ ܠܟ݂ܘܿܫܝܼ. |
[No book] |
| [24]ܘܕ݂ܵܘܝܼܕ݂ ܝܵܬܹܒ̣ ܗ̄ܘ̣ܵܐ ܒܹܝܬ̣ ܐܪܹܝܢ ܐܬܲܪ̈ܥܝܼܢ. ܘܗܲܠܸܟ݂ ܕܵܘܩܵܐ ܥܲܠ ܐܸܓܵܪܵܐ ܕܬܲܪܥܵܐ ܕܫܘܼܪܵܐ: ܘܐܲܪܝܼܡ ܥܲܝܢܵܘ̈ܗܝ: ܘܲܚܙܵܐ ܓܲܒ̣ܪܵܐ ܕܪܵܗܹܛ ܒܲܠܚܘܿܕ݂ܵܘܗܝ. |
[No book] |
| [25]ܘܲܩܪܵܐ ܕܵܘܩܵܐ: ܘܚܵܘܝܼ ܠܡܲܠܟܵܐ. ܘܐܸܡܲܪ ܡܲܠܟܵܐ: ܐܸܢ ܒܲܠܚܘܿܕ݂ܵܘܗܝ ܗ̄ܘ̣: ܣܒܲܪܬ̣ܵܐ ܒܦܘܼܡܹܗ. |
[No book] |
| [26]ܘܗܲܠܸܟ݂ ܘܐܸܬ̣ܵܐ: ܘܲܩܪܸܒ̣ ܘܲܩܪܵܐ ܕܵܘܩܵܐ ܠܬܲܪܥܵܐ ܘܐܸܡܲܪ: ܗܵܐ ܓܲܒ̣ܪܵܐ ܐ̄ܚܪܹܢܵܐ ܪܵܗܹܛ ܒܲܠܚܘܿܕ݂ܵܘܗܝ. |
[No book] |
| [27]ܘܐܸܡܲܪ ܕܵܘܩܵܐ: ܚܵܙܹܐ ܐ̄ܢܵܐ ܪܲܗܛܹܗ ܕܩܲܕ݂ܡܵܝܵܐ: ܐܲܝܟ݂ ܪܲܗܛܹܐ ܕܐܲܚܝܼܡܥܸܨ ܒܲܪ ܨܵܕ݂ܘܿܩ. ܐܵܡܲܪ ܡܲܠܟܵܐ: ܓܲܒ̣ܪܵܐ ܗ̄ܘ̣ ܛܵܒ̣ܵܐ ܗܵܢܵܐ: ܘܒܲܣܒܲܪܬ̣ܵܐ ܗ̄ܘ̣ ܛܵܒ̣ܬ̣ܵܐ ܐܸܬ̣̱ܵܐ. |
[No book] |
| [28]ܘܲܩܪܵܐ ܠܐܲܚܝܼܡܥܸܨ: ܘܐܸܡܲܪ ܠܹܗ ܡܲܠܟܵܐ: ܐܸܬ̇ܝܼܬ̇ ܫܲܫܠܵܡ. ܘܲܣܓܸܕ݂ ܠܡܲܠܟܵܐ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ: ܘܐܸܡܲܪ ܒܪܝܼܟ݂ ܗ̄ܘ̣ ܡܵܪܝܵܐ ܐܲܠܵܗܵܟ݂: ܐܸܢܘܿܢ ܠܐ̄ܢܵܫ ܕܐܵܘܫܸܒ̣ܘ ܐܝܼܕܲܝ̈ܗܘܿܢ ܥܲܠ ܡܵܪܝ ܡܲܠܟܵܐ. |
[No book] |
| [29]ܐܵܡܲܪ ܠܹܗ ܡܲܠܟܵܐ: ܫܲܪܝܼܪ ܗ̄ܘ̣ ܛܲܠܝܵܐ ܐܲܒ̣ܫܵܠܘܿܡ. ܐܸܡܲܪ ܠܹܗ ܐܲܚܝܼܡܥܸܨ: ܚܙܹܝܬ̣ ܚܲܝܠܵܐ ܪܲܒܵܐ ܕܲܣܕ݂ܝܼܪ ܥܲܠ ܝܘܿܐܵܒ̣ ܥܲܒ̣ܕܹܗ ܕܡܵܪܝ ܡܲܠܟܵܐ: ܘܲܠܥܲܒ̣ܕܵܟ݂ ܠܵܐ ܝܕܸܥܹܬ̣ ܡܵܢܵܐ ܗܘ̣ܵܝܗܝ. |
[No book] |
| [30]ܐܵܡܲܪ ܠܹܗ ܡܲܠܟܵܐ: ܩܘܼܡ ܗܵܪܟܵܐ: ܘܐܸܬ̣ܗ̱ܦܸܟ݂ ܘܩܵܡ. |
[No book] |
| [31]ܘܗܵܐ ܟܘܿܫܝܼ ܐܸܬ̣ܵܐ: ܘܐܸܡܲܪ: ܢܸܣܬܲܒܲܪ ܡܵܪܝ ܡܲܠܟܵܐ: ܕܕ݂ܵܢܹܗ ܡܵܪܝܵܐ ܝܵܘܡܵܢܵܐ ܡ̣ܢ ܐܝܼܕ݂ܵܐ ܕܟ݂ܠ ܡ̇ܢ ܕܩܵܝܡܝܼܢ ܥܠܵܘܗܝ. |
[No book] |
| [32]ܐܵܡܲܪ ܠܹܗ ܡܲܠܟܵܐ ܠܟ݂ܘܿܫܝܼ: ܫܲܪܝܼܪ ܗ̄ܘ̣ ܛܲܠܝܵܐ ܐܲܒ̣ܫܵܠܘܿܡ. ܐܵܡܲܪ ܟܘܿܫܝܼ: ܢܸܗܘܘܿܢ ܒܥܸܠܕܒ̣ܵܒܲܝ̈ܟ ܐܲܝܟ݂ ܛܲܠܝܵܐ ܡܵܪܝ ܡܲܠܟܑܵܐ: ܘܟ݂ܠ ܕܩܵܡܘ ܥܠܲܝܟ ܠܒ̣ܝܼܫܬܵܐ. |
[No book] |
| [33]ܘܐܸܬ̣ܡܲܪܡܲܪ ܡܲܠܟܵܐ: ܘܲܣܠܸܩ ܠܩܲܝܛܘܿܢܵܐ ܘܲܒ̣ܟ݂ܵܐ. ܘܟܲܕ݂ ܒܵܟܹܐ: ܗܵܟܲܢܵܐ ܐܵܡܲܪ ܗ̄ܘ̣ܵܐ: ܒܹܪܝ ܐܲܒ̣ܫܵܠܘܿܡ: ܒܹܪܝ ܒܹܪܝ ܠܲܒ̣ܫܵܠܘܿܡ: ܡ̇ܢ ܕܹܝܢ ܐܲܡܝܼܬܲܢܝ ܚܠܵܦܲܝܟ: ܐܲܒ̣ܫܵܠܘܿܡ ܒܹܪܝ. |
[No book] |