|
|
| [1]Locutus est autem David Domino verba carminis hujus in die qua liberavit eum Dominus de manu omnium inimicorum suorum, et de manu Saul, |
[No book] |
| [2]et ait: Dominus petra mea, et robur meum, et salvator meus. |
[No book] |
| [3]Deus fortis meus sperabo in eum: scutum meum, et cornu salutis meæ: elevator meus, et refugium meum: salvator meus, de iniquitate liberabis me. |
[No book] |
| [4]Laudabilem invocabo Dominum: et ab inimicis meis salvus ero. |
[No book] |
| [5]Quia circumdederunt me contritiones mortis: torrentes Belial terruerunt me. |
[No book] |
| [6]Funes inferni circumdederunt me: prævenerunt me laquei mortis. |
[No book] |
| [7]In tribulatione mea invocabo Dominum, et ad Deum meum clamabo: et exaudiet de templo suo vocem meam, et clamor meus venit ad aures ejus. |
[No book] |
| [8]Commota est et contremuit terra: fundamenta montium concussa sunt, et conquassata, quoniam iratus est eis. |
[No book] |
| [9]Ascendit fumus de naribus ejus, et ignis de ore ejus vorabit: carbones succensi sunt ab eo. |
[No book] |
| [10]Inclinavit cælos, et descendit: et caligo sub pedibus ejus. |
[No book] |
| [11]Et ascendit super cherubim: et volavit, et lapsus est super pennas venti. |
[No book] |
| [12]Posuit tenebras in circuitu suo latibulum, cribrans aquas de nubibus cælorum. |
[No book] |
| [13]Præ fulgore in conspectu ejus, succensi sunt carbones ignis. |
[No book] |
| [14]Tonabit de cælo Dominus: et excelsus dabit vocem suam. |
[No book] |
| [15]Misit sagittas et dissipavit eos: fulgur, et consumpsit eos. |
[No book] |
| [16]Et apparuerunt effusiones maris, et revelata sunt fundamenta orbis ab increpatione Domini, ab inspiratione spiritus furoris ejus. |
[No book] |
| [17]Misit de excelso, et assumpsit me: et extraxit me de aquis multis. |
[No book] |
| [18]Liberavit me ab inimico meo potentissimo, et ab his qui oderant me: quoniam robustiores me erant. |
[No book] |
| [19]Prævenit me in die afflictionis meæ, et factus est Dominus firmamentum meum. |
[No book] |
| [20]Et eduxit me in latitudinem: liberavit me, quia complacui ei. |
[No book] |
| [21]Retribuet mihi Dominus secundum justitiam meam: et secundum munditiam manuum mearum reddet mihi. |
[No book] |
| [22]Quia custodivi vias Domini, et non egi impie a Deo meo. |
[No book] |
| [23]Omnia enim judicia ejus in conspectu meo: et præcepta ejus non amovi a me. |
[No book] |
| [24]Et ero perfectus cum eo: et custodiam me ab iniquitate mea. |
[No book] |
| [25]Et restituet mihi Dominus secundum justitiam meam: et secundum munditiam manuum mearum in conspectu oculorum suorum. |
[No book] |
| [26]Cum sancto sanctus eris: et cum robusto perfectus. |
[No book] |
| [27]Cum electo electus eris: et cum perverso perverteris. |
[No book] |
| [28]Et populum pauperem salvum facies: oculisque tuis excelsos humiliabis. |
[No book] |
| [29]Quia tu lucerna mea, Domine: et tu, Domine, illuminabis tenebras meas. |
[No book] |
| [30]In te enim curram accinctus: in Deo meo transiliam murum. |
[No book] |
| [31]Deus, immaculata via ejus, eloquium Domini igne examinatum: scutum est omnium sperantium in se. |
[No book] |
| [32]Quis est Deus præter Dominum: et quis fortis præter Deum nostrum? |
[No book] |
| [33]Deus qui accinxit me fortitudine, et complanavit perfectam viam meam. |
[No book] |
| [34]Coæquans pedes meos cervis, et super excelsa mea statuens me; |
[No book] |
| [35]docens manus meas ad prælium, et componens quasi arcum æreum brachia mea. |
[No book] |
| [36]Dedisti mihi clypeum salutis tuæ, et mansuetudo tua multiplicavit me. |
[No book] |
| [37]Dilatabis gressus meos subtus me: et non deficient tali mei. |
[No book] |
| [38]Persequar inimicos meos, et conteram: et non convertar donec consumam eos. |
[No book] |
| [39]Consumam eos et confringam, ut non consurgant: cadent sub pedibus meis. |
[No book] |
| [40]Accinxisti me fortitudine ad prælium: incurvasti resistentes mihi subtus me. |
[No book] |
| [41]Inimicos meos dedisti mihi dorsum: odientes me, et disperdam eos. |
[No book] |
| [42]Clamabunt, et non erit qui salvet, ad Dominum, et non exaudiet eos. |
[No book] |
| [43]Delebo eos ut pulverem terræ: quasi lutum platearum comminuam eos atque confringam. |
[No book] |
| [44]Salvabis me a contradictionibus populi mei: custodies me in caput gentium: populus, quem ignoro, serviet mihi. |
[No book] |
| [45]Filii alieni resistent mihi, auditu auris obedient mihi. |
[No book] |
| [46]Filii alieni defluxerunt, et contrahentur in angustiis suis. |
[No book] |
| [47]Vivit Dominus, et benedictus Deus meus: et exaltabitur Deus fortis salutis meæ. |
[No book] |
| [48]Deus qui das vindictas mihi, et dejicis populos sub me. |
[No book] |
| [49]Qui educis me ab inimicis meis, et a resistentibus mihi elevas me: a viro iniquo liberabis me. |
[No book] |
| [50]Propterea confitebor tibi Domine in gentibus: et nomini tuo cantabo: |
[No book] |
| [51]magnificans salutes regis sui, et faciens misericordiam christo suo David, et semini ejus in sempiternum. |
[No book] |