|
|
| [1]De cetero fratres, orate pro nobis ut sermo Dei currat, et clarificetur, sicut et apud vos: |
[No book] |
| [2]et ut liberemur ab importunis, et malis hominibus: non enim omnium est fides. |
[No book] |
| [3]Fidelis autem Deus est, qui confirmabit vos, et custodiet a malo. |
[No book] |
| [4]Confidimus autem de vobis, in Domino, quoniam quæ præcepimus, et facitis, et facietis. |
[No book] |
| [5]Dominus autem dirigat corda vestra in caritate Dei, et patientia Christi. |
[No book] |
| [6]Denuntiamus autem vobis, fratres, in nomine Domini nostri Jesu Christi, ut subtrahatis vos ab omni fratre ambulante inordinate, et non secundum traditionem, quam acceperunt a nobis. |
[No book] |
| [7]Ipsi enim scitis quemadmodum oporteat imitari nos: quoniam non inquieti fuimus inter vos: |
[No book] |
| [8]neque gratis panem manducavimus ab aliquo, sed in labore, et in fatigatione, nocte et die operantes, ne quem vestrum gravaremus. |
[No book] |
| [9]Non quasi non habuerimus potestatem, sed ut nosmetipsos formam daremus vobis ad imitandum nos. |
[No book] |
| [10]Nam et cum essemus apud vos, hoc denuntiabamus vobis: quoniam si quis non vult operari, nec manducet. |
[No book] |
| [11]Audivimus enim inter vos quosdam ambulare inquiete, nihil operantes, sed curiose agentes. |
[No book] |
| [12]Iis autem, qui ejusmodi sunt, denuntiemus, et obsecramus in Domino Jesu Christo, ut cum silentio operantes, suum panem manducent. |
[No book] |
| [13]Vos autem, fratres, nolite deficere benefacientes. |
[No book] |
| [14]Quod si quis non obedit verbo nostro per epistolam, hunc notate, et ne commisceamini cum illo ut confundatur: |
[No book] |
| [15]et nolite quasi inimicum existimare, sed corripite ut fratrem. |
[No book] |
| [16]Ipse autem Dominus pacis det vobis pacem sempiternam in omni loco. Dominus sit cum omnibus vobis. |
[No book] |
| [17]Salutatio, mea manu Pauli: quod est signum in omni epistola, ita scribo. |
[No book] |
| [18]Gratia Domini nostri Jesu Christi cum omnibus vobis. Amen. |
[No book] |